أضف سؤال أو موضوع جديد          

كل ما قل ممشى السيارة زاد بنظافتها

up 13 down 8



السلام عليكم و رحمة الله و بركاته ,,,

أسعد الله أوقاتكم بكل خير حبايبي و اخواني , اليوم موضوعي للمناقشة العامة حاب أتبادل معكم الرأي حول موضوع يجهل
فيه كثير من الناس للأسف !!!!! وهو إن الحكم على نظافة سيارة من عدمها عبر الحكم على بعض الأشياء من ضمنها (ممشى السيارة) 
وهذا توقع فيه كثير من وجهة النظر لا شك في هذا , و لكن ليس (فيصلاً) في الموضوع و أنا راح أطرح أمثلة يا عزيزي
تُفند هذه النظرية المتداولة كثيراً لدى البعض أو الأغلب إن صح التعبير:


 شخص (أ) معاه سيارة موديل 2010 و شخص (ب) برضو معاه سيارة موديل 2010 و كلهم نفس الطراز
عشان نسهل عملية المقارنة في الموضوع:

1/ شخص (أ) ممشى سيارته بعد (3) سنوات (120) ألف بمعدل 40 ألف كم سنوياً .

2/ شخص (ب) ممشى سيارته بعد (3) سنوات (45) ألف بمعدل 15 ألف كم سنوياً .

طبعاً الأغلب راح يقولون يا سلام على سيارة شخص (ب) مخزنة و محافظ عليها و يا حظ اللي راح ياخذها !!!
و سيارة شخص (أ) المسكينة مكروفة مرة كل سنة تقطع (40) ألف ومكدودة حيييييييييييل !!!!

طيب ليه تستعجلون ؟ خلونا نقارن إستخدام الشخصين (أ) و (ب) و بعدين نحكم بالنهاية !!!!

طبعاً سياراتهم كبيرة فئة (دفع رباعي) ونروح عاد لطريقة الإستخدام لكل شخص على حدة و نقارن مضبوط هل
ضر شخص (أ) ممشى سيارته ؟ و هل نفع شخص (ب) أيضاً قلة الممشى لسيارته ؟

1/ شخص (أ) سواقته جداً هادية ومو عشان معاه جيب يراقي بالأرصفة و ياكل المطبات !!!!! بالعكس ما قد
رقى رصيف ولا أخذ مطب على سرعة , و دايم يتابع الشغلات الإستهلاكية و يشيك على السيارة و يشوف وش
تحتاج , و ما يغير إلا أحسن الزيوت و كل مرة يغير السيفون مع إنه مكتوب بالكتالوج مرة إيه و مرة لا , بس 
هو محافظ و لا يتأخر عن موعد تغيير الزيت و يشيك عليه بالصيف و الأوقات اللي تكون الحرارة فيه عالية دايم
يشيك على قربة (الرديتر) و يزودها ماء مقطر و ماء (رديتر) أصلي , و كل الصيانات يسويها بورش محترمة.

يلا عاد نروح لإستخدام لشخص (ب) اللي كثير منكم منبسط على ممشى سيارته القليل
(مخزنة) (منوة المستخدم) هههههه

2/ شخص (ب) هو ما شرى (جيب) إلا عشان يختصر الوقت بالزحمات و يراقي الأرصفة و يمشي على الجزيرة
ولا يرده شي !!!!! راعي سرعة حتى بالحواري فشي عادي جداً إنه ياخذ مطب قوي ليييييييين تحس إن السيارة راح
تتفكك بحزتها , مُهمل لصيانة السيارة فهو يحس إن (الجيب) للكرف و ما يحتاج يتابع صيانتها و يتفقد وش تحتاج ؟
يوقف عند أقرب (بنشري) ويقول ركب أي زيت و بس !!!! لا بغى يشتري قطعة للسيارة راح ياخذ أردى نوع وممكن
أردى نوع تجاري بعد !!!!! دايم يمرش السيارة و يشد على rpm = عداد ضغط المكينة إلخ ...

واللي يقهرك في الموضوع إن سيارة شخص (ب) أغلى من سيارة شخص (أ) لأنها (مخزنة) (منوة المستخدم)
ما مشت واجد , ف وش رايكم يا شباب وش تحس أفضل سيارة ؟ السيارة (أ) أو (ب) ؟

همسة:( تعليقك بموضوعي يزيد متصفحي إشعاعاً و ألقاً , أستودعكم الله التي لا تضيع ودائعه)

محبكم &&& أبو طلال









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله 

يا سلام عليك يا أبو طلال، مواضيعك لها رونق خاص

أجدت و أفدت الله يبارك فيك

تحيتي 


up 2 down 0
أبو جـود 2745
قبل 6 سنه و 4 شهر



الي انا اشوفه انه اي سياره تشتريها بتكون ضربت حظ بمعنى انه دايم نسمع فلان فك موتر وكاله ومدري وش خرب عليه وفلان طق موتر من المعارض ومشاءالله معه ميه ميه يعني انا وجهت نظري ٩٠٪ حظ السيارات 


up 0 down 0
ayekye
قبل 6 سنه و 4 شهر