آيش رآيكم في هوندآ آكوورد ..؟

http://honda.montada.haraj.com.sa/15066/

غاليه جدا اسعارها نفس اسعار السيارات الالمانيه وقطع غيارها اغلى من بعض الالماني

اخذ الماني على كذا

والله الاكورد ممتازه صح القطع غاليه اشوي بس تعيش ركب وانسى ,, 

بالنسبة لي اشتريتها وتوني الحين بسوي صيانة ال ١٠٠٠ 
السيارة جدا ممتعه وقيادتها ماتمل منها 
بخصوص قطع الغيار يقولون غالية وعلى فكرة كل السيارات الجديدة قطعها غالية واذا مو مقتنع روح قارن بين قطع غيار موديلات ١٣ 
وبالنسبة هل السياره عملية هذي مستحيل احد يحكم لك لأنها توها موديل جديد يبيله وقت 
وانا انصحك تاخذ جديد على يدك ويفضل الفل الكامل وتحافظ عليها وماراح تطلب شيء وتسوي صيانتها في الشركة 
على فكرة الاكورد ١٣ اصغر جحما قليلا من ١٢ ولكن الداخلية اوسع من ١٢ .. ادري ماتخش راسك بس روح اركب بالموديلين وتقتنع بكلامي
ايضا مراتب ١٣ اصبحت مريحة جدا ولك حرية التجربة لاتاخذ شيء الا انت مجربه 

خفيفة على السرعات العالية ويعيبها العزل

الولد السعودي الاكورد خفيفه علي سرعات عاليه والله انك مامسكت طارت الاكورد ولا كمان يعيبها العزل ليش اكسنت شايفها 
يابابا هذي هوندا مو هونداي 
اقسم بالله سقت 2009 ياصلاتي علي النبي سياره ممتازه جدا وقطعه شوي غالي بسس ماتخرب انا اضمنها لك 5 سنوات 
والولد السعودي مو داري ايش يقول 

كلامي عن 2013 يامزعل والموديلات الاقدم افضل من ناحية الثقل

على فكرة والله اني ماسك طارتها وسايقها فلاتحلف بالله جزافا

موتر ماعليه غبار مثل ماقالو لك الاخوان وحبذا لو تاخذه 6 سلندر بس عيبه الوحيد قطع الغيار

اتوقع اللي يعيبها قيرها اللي هو CVT
ولا هو موتر جميل هذا اللي اعرفه عنه

انا جربته وبالنسبة للمراتب صحيح قاسيه لكن يقال انها طبيه


وانا انسان يعشق الامريكي ولو فكرت بالياباني باخذ اكورد او من هوندا

السلام عليكم  ..اذا انت تسأل عن الأكورد بشكل عام فهي ممتازه جداً جدً وانا مشتري توي 2010 والله ماندمت 

قطع الغيار صارت ارخص لموديل 08 الى 11

وأتوقع ان الاسعار ارخص من موديل 12 لأنها صارت تجميع امريكي 

أكورد 2013 صغروا المكينة وخلوها أقوى
صغروا الشاصي وخلوها أوسع
نظام السلامة والثبات خلوه أفضل
هوندا سنة عن سنة تتطور وتصير أفضل(وجهة نظر شخصية)
بس أنصحك نصييييييييحة
1-أكبر غلط تشتري سيارة ما هيه منتشرة في السوق خوفا من إن قطعها تكون غير منتشرة وخوفا من عدم قدرة الورش في صيانتها.(وجهة نظر شخصية)
2-أكبر غلط انك تشتري سيارة ما اقتنعت فيها وهذي ركز فيها عدل.(من واقع تجربة ووجهة نظر شخصية)
والله يوفقك إن شاء الله
وشهر مبارك على الجميع
===============================

توضيح للحقائق : 

موديل 2013 اللي بقير cvt هذا للسوق الأمريكي 

أما اللي تجينا فهي بقير 5 سرعات لمكينة 4 سلندر 

و 6 سرعات لمكينة 6 سلندر 

واللي عطاني دسلايك اقول له شكراً لك 

وأنا متأكد من معلوماتي 

اسعار قطع 2008 - 2011 ارخص من موديلات 2003 - 2007 

انا قررت اشتري اكورد 2008 للدوام يومي 200 كيلو هل هي مناسبه للخطوط

سياره طيبه انا معي ٢٠١٠ وهذاني ان شاء الله بطلع بكره ٢٠١٧ ماندمت يوم عليها خدمتني ب كثير من الامور خاصه اقتصاد البنزين