كيا كادينزا

خلك على كلام خويك تراه صادق

واحد منزل موضوع من يومين يقول سيارته ماشي 48 الف وخبطت المكينة

اخوي اللي منزل موضوع سيارته تعرضة لعيب مصنعي


وغيره مااشتكى من شي وماشيه معاهم سياراتهم



بس بصراحه 145 الف كثيره جدا عليها


اذا انت تبي سياره تستخدمها وماتفكر تبيعها


انصحك بالسيتروين C5


9 اير باقات


4هيدروليكات للتحكم في ثبات السياره


اذا كبت فرامل بقوه وانت ماشي يشتغل الفلشر من حاله


السياره فيها تقنيه عجيبه فريده وفخامه خياليه


عندك التورس نص فل


عندك السوبارو ليجاسي


الماليبو

ياخي اتوكل على الله 
السيارة جدا رائعة جارنا معاه 2011 ستاندر
ويمدح فيها بقوة وما اشتكى منها
 وانا مفكر اخذها

الكادينزا حلوه .. بكل تقنياتها و رهيبه بشكل ما يتخيلها احد 
مشكلتها عزمها و القومه ... جاني مره واحد صاحب كادينزا وانا واقف عند الاشاره و يلمح لي ابغى اتحداك .. قلت تم .. سيارتي كامري 4 سلندر 
والله ما جات الاشاره خضرا الا سيارتي نطت و طيران .. بس الكادينزا مشكلتها غي القومه و العزم .. ما يزبط عزمها الا لما تتعدى الـ 60

ولكن ك سياره ما خاب من اشتراها .. لكن اقساط .. اممم بتتعب
الله يرزقك بالحلال الطيب المبارك 
تحياتي لك 

الله يسعدكم ياشباب ماقصرتو بالمشورة ،،،،
بالنسبة لقومة السيارة مدري عنها بس فالخط انا شفتها بعيني كنت مصفي طبلون كابرس ال اس ٢٠٠٦ وراعي الكادينزا كان ماشي جنبي وبعدها  تعداااني بالراحة ماشاء الله تبارك الله،،
اما المواصفات فالسيارة فيها شاشه ونفيقيشن وكاميرا وستارة كهرباء وبصمة وتكييف وتدفئة للمقاعد ومساج لمقعدة السواق وزينون ......
وسعرها كاش ١١٨٠٠٠ 

تبغى نصيحتي 

خذ لك الازيرا احلى واخف و ثاني شي لو تحصلك 6 سلندر مكينتها 3800 سي سي 



افضل

ياخوي نصيحه حرررام تدفع ١٤٥ ألف في كيا أو لكزس أوغيرها دامك أقساط خذلك سياره علي قد فلوسك الكاش لاتكون مثل ( ماات فقر وأنفقع شياخه ) ليش داماً توهق تفسك في شي أغلي وغير مناسب لدخلك وبعدين مثل هل السيارات راح تكون مكلفه في الصيانه والقطع وراح تبي تصرف عليها مادامك تستخدمها خذلك سياره تكون مناسبه للتقسيط بحيث أن تكون قيمه التقسيط لا تتجاوز ثلاث سنوات.  

يارجال خذلك ازيرا بهالمبلغ اصرف واجمل واعرق ولا خذلك سوسو يالبا قلبها اغشم مكنيكي يعرف يفككها كلها من كثرها وقطعها متوفره ورخيصه مشاء الله

اخوي ، الكادينزا ماشاء الله حلوهـ 

< لكن لو مكانك اخذت  مثل ماقآل " شآقح "   واسسسئل مجرب عن الستروينُ .. 


< واذا تبي الصرآحـه مثل ماقالوا ، حرام تاخذْ .. سيارهـ اقسآط وتطلع ب"140"   احسهم مايستاهلون يلعبونْ عليناَ وحنا ماشين معاهم 


< اخوي لو كنت تفكر في سعـة محرك وقوة ’‘مثلي‘’ فيه بدائل < انا اول شيء اهتم فيه قوهـ المحركَـُ عشان هي بتريحك في الخطوط ...اخ 

يعني لو تفكر في المحرك ... خذ كرايسلر C200  فل ابشن بحدودَ ..،100 او اقل < بتطلع في الـ"اقساط" اقل من 140 
+ مكينتهآإْ ... 6 سلندر 3.6  وفيها شاشه فتحه ...الخ 

والله ييسر امركـ وامر كل مسلم 

الله يعطيكم العافيه ياشبااب،،،
والله الحين الاختيارات كثرت قدامي !!
بروح اشوف السيتروين والكرايسلر اللي تقولون عليها ،،،
واسأل الله ان يختارلي اللي فيه الخير 

الشهري ممكن تراسلني علخاص اقسم بالله لو طرحتني قومة او خط بالكامري حقتك والله العظيم راح اعطيك سيارتي الكدينزا واحولها بإسمك بس اهم شئ تكون عند كلمتك 

انا طرحت كامري 2013 بالراحة اقسم بالله قومة وخط وكمان بدون تبترونك 
انا ممكن استخدم التبترونيك مع سيارات 6 سلندر افالون او مكسيما لاكن مع كامري مايحتاج ههه