أضف سؤال أو موضوع جديد          

السيارة أحس أنها ما تمشي

up 1 down 1
العسيري85 184
قبل 7 سنه و 8 شهر



السلام عليكم ،،،،
الله يتقبل منا ومنكم الصيام وجميع المسلمين ويغفر الذنب ،،،،
أخواني يوجد لدي سيارة من نوع لكزس GS300مديل 2001 
عندي مؤشر البنزين ما ينزل عن الربع يعني أعبي فل وامشي علية لين يوصل للربع
ويوقف معد ينزل تحت الربع حتى يخلص البنزين والمؤشر باقي ع الربع فلذلك صرت أعبي السيارة فل وقبل ما توصل الربع أعبي من جديد لني داري أن البنزين قرب يخلص،،،
المشكلة الثانية وأنا حاس أن لها علاقه بالمشكلة الأولى عندي السيارة أحسها ما تمشي أدعس بنزين بس ما تمشي أحسها ثقيلة مررره واحيان تمشي وترجع ثقيلة طفشتني اقسم بالله ،،،
وعندي كمان فلتر الهواء يبيله تغيير لأكن ما اضن انه سبب المشكلة الرئيسي،،،
أودري لو أروح الصناعية بخسر ع الفاضي لأنهم بيتفلسفون علي بيقلون غير بواجي واسلاك وكويلات وأنا أبي أغير المشكلة بس لن القطع غالي ولا أبي أغير إلى الخربان ،،،،
ياليت يا إخوان الي عنده خبره أو خلفيه يفيدني وله الأجر من الله سبحانه ،،، 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا كنت تحس ان السيارة ترجع مثلا او تتفتف مع الدعسه بعدين تروح و ترجع ثاني هاذي اكيد البواجي صارت معي في سيراتو 2011 لمن شيكت على البواجي عند اكثر من 3 عمال كلهم قالو البواجي سليمة و يوم غيرتها ظبطت السيارة مع العلم ان البواجي كنت مغيرها من شهرين


up 1 down 0
shadowz33 1097
قبل 7 سنه و 8 شهر



اي كانت معي مثلها والحين معي موديل احدث

الموتر تحس قومته ثقيلة يعني تدعس البنص للأخير مايرجع للنمرة اللي قبل ياخذ عزم يبقى على نفس النمرة وتحس انه يشد ويرخي ..

هذي طول الله عمرك نظف الثروتل وسو تصفية مكينه وغير بواجي ام 40 ريال تحصلها بالنهدي وغير فلتر الهواء قيمته 65 ريال بالبناشر وبقطع الغيار بحدود 50 الى 55 ريال وشيك على الكويلات كذلك صفر الموتر وبعدين عب بنزين 95 عشان يرجع العزم والله هذي صارت معي وسويت نفس اللي فوق والحمد لله رجع العزم مثل اول واحسن بعد لاتنسى حساس الهواء والحساس حق الشكمان تحصلة بالدبة اللي تحت باب المعاون نظفة زين ورجعه وكل هالحلول ماراح تكلفك الف ريال


up 1 down 0
أبو ناصــر 1282
قبل 7 سنه و 8 شهر



يالغالي ..
اذا السياره ثقيله وتحس بها كتمه .. ومسمار البنزين معلق..  هاذي كلها 
طرمبة بنزين .. 

فيه طريقه انا رديت فيها على عضو يتسائل عن ثقل وكتمه بموتره
وكان سببها طرمبة البنزين " بس سيارتة كورولا ..

أنت لكزس " 
الأفضل توديها ورشة ( لكن حط ببالك المشكله " طرمبة بنزين وتصفية )
مالها دخل ب بواجي أو غيرها  
لايكبرون مشكلتك ويحطون الخضر و اليابس .. 


up 2 down 0
أبوحمد999 3
قبل 7 سنه و 8 شهر



السيارة ما فيها لا رجه ولا تفتفه لاكن ثقيلة مره ترفض تمشي والي اعرفه أن الوجه والتفتفه إذا جيت تقوم السيارة سببها البواجي أو الكويلات أو أسلاك البواجي 
ومع اخوي نفس السيارة فرق كبير جداً في العزم والمشي ،،،


up 0 down 0
العسيري85 184
قبل 7 سنه و 8 شهر



اخوي اعمل للسيارة التالي
--------------------------------------------------
1 تنظيف بخاخات وبوابة هواء الفلتر او الماكينة
2 تغيير البواجي واسلاكها (لكن تاكد تحتاج تغيير او لا)
3 تغيير فلتر الهواء
4 تغيير صفاية البنزين
5 شيك على كويلات الماكينة
6 شيك على كراسي الماكينة

----------------------------------------

اتمنى اكون افدتك تقبل مروري   


up 1 down 0
mr haraj 1941
قبل 7 سنه و 8 شهر



مثل هذي الأمور لها أكثر من طرق لكن سو فحص بـ100 ريال وراح يطلع لك المشكله بالضبط

وقبل لاتسوي الفحص شيك على صفاية البنزين وإذا بنزينك 91 غيره لـ95 مع تنظيف بخاخات البنزين

ومثل ماقلت إذا خايف من الصناعيه لايطلعون لك مشاكل غير عن سنعها مالك إلا الفحص

صدقني هالأمور سهله وبتنحل إن شاء الله


up 1 down 0
راعي الهيونداي 537
قبل 7 سنه و 8 شهر



يالعسيري من ردك الثاني احس انك قعيطي ياشيخ غير البواجي وشيك على الكويلات وسو تصفية للمكينة وغير فلتر الهواء

كيف تبي تتخلص من المشكلة وانت ماسويت شي يكون بعلمك

الكويلات لها دخل بالعزم وكذلك البواجي تصدق حساس الهواء اللي هو كبر اصبعك وقيمته تقريباً 130 ريال يضعف العزم وهو احياناً مايحتاج الا تنظيف فقط

ارخ الريال يرتخي لك كل مزيون ,, موترك له سنين يشيلك مو خسارة تدفع فيه الف ولا الفين وهالنوع من السيارات حمار مكدة لك وللزمن


up 1 down 3
أبو ناصــر 1282
قبل 7 سنه و 8 شهر



يا أبو ناصر الله يعطيك العافية مؤ مسألت قعيطي لاكن ما أبي احد يضحك علي ويقول غير وغير وفي النهايه ما يفيد
ولا نزلت إعلاني إلى أبي شخص يحدد لي المشكلة بالضبط ،،،
ع العموم مشكور ع مشاركاتك الحلوة ،،،،



up 0 down 0
العسيري85 184
قبل 7 سنه و 8 شهر



تم الكشف وطلع السبب هو وجه اغطية بلوف ،،،
اشكر الجميع،،،،


up 0 down 0
العسيري85 184
قبل 7 سنه و 8 شهر



يمكن اشبير مبنشر


up 0 down 0
خالد1985
قبل 5 سنه و 3 شهر



شباب عندي لكزس 430 ال س 2002 احس انها اول ماتمشي تغيير القير فيه ثقل ثم يخف ومرات مع الدعسه اتحس انها ثقيله الفزعه ياشباب


up 0 down 0
محمد القحطاني 2015
قبل 4 سنه و 7 شهر



ياشباب عندي كامري قير عادي  فيها مشكله وهي. لمى ادعس بنزين بقوة   الهواء يتحرك والسرعة ماتزيد واذا شلت رجلي من على البنزين وانتم بالكرامة تمشي السيارة 


up 0 down 0
ibrahim-
قبل 4 سنه و 2 شهر