أضف سؤال أو موضوع جديد          

السياره كل اسبوعين ينلعب فيها ..

up 6 down 6
برينسيزو 534
قبل 4 سنه و 12 شهر



السلام عليكم ..

كل عام وانتم بخير ورمضان كريم علينا وعليكم وتقبل الله منا ومنكم صالح الاعمال ..

بصراحه انا طفشت لأنه كل اسبوعين أو ثلاث اسابيع ينلعب في السياره ..

أول يوم شخطه بسيطه بعدها بمدة طويلة انكسر الاسطب يمين وركبت واحد وولحين يلمع ماحد مسكه كسر الاريل وركبته بنفس اليوم وماحد لمسه بعد ذاك اليوم ....

وأمس طلعت اتسحر مع الشباب ورجعت 3 وطلعت البيت والصباح لقيت علامه الماركيز الجلده الاماميه مخلوعه أنا بديت اتجنن ي اخوان ودي اصيده بس مانب عارف كيف ا

الكاميرا ما افكر فيها ابد لكن جربت يوم اراقب الموتر يوم كامل وماحد لمسه ..

انا اشك بعيال عمي أو واحد جنب بيتنا كلهم 18 سنة ..

يعني لو هو حاقد ممكن يكسر قزاز يخلع الرقم السري يشوه الموتر كله بمفتاح لكن مايلعب الا بأشياء بسيطه ..

والحل برأيكم ؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


تكفون ادعو الله اني اشوفه عاجل غير اجل ..


up 5 down 5
برينسيزو 534
قبل 4 سنه و 12 شهر



هذا واحد حاقد عليك  او بزر يلعب  لكن اذا شكيت فيه روح عنده وتفاهم معه  بطيب  

 ولا راقب سياره وشف بنفسك 


up 7 down 0
سكودر 14894
قبل 4 سنه و 12 شهر



انا متهاوش مع عيال عمي وواحد جنب بيتنا ..

ياخي في لصق بالسياره طيب ليه ما فكه ..

يارب اشوفه يوم بس ..

انا راقبت يوم لكن ماشفت احد وهو مايلعب فيها الا اسبوعين ثلاث شهر ..


up 1 down 0
برينسيزو 534
قبل 4 سنه و 12 شهر



سو لك ونان ضد السرقه 


up 2 down 1
فهد4950 2551
قبل 4 سنه و 12 شهر



انا والله العظيم اشتريت بعد ماتخرجت عام 2009 لكزس اي اس جدددديده من الوكاله

سوداء يوم 18 رمضان وليله العيد غسلتها واحنا رايحين نصلي لقيت باب السواق

عند المقبض مسويلي رسمه بمفك عشان كل يوم اشوفها .. فلا تضايق نفسك

نصيحه وريح راسك لان الشغله مالها حل


up 3 down 0
gsxr_600 1016
قبل 4 سنه و 12 شهر



يوم كنت صغير كان عندنا مصري بالحي معه كورلا قديمه كنت اروح امشي للبقاله وامر من جنبها واطقها بطرف اصبعي طاط طاط وي وي وي ويو طيط طيط عاد أنا قلبت تيربو سوبرتشارج مكينه 6 لتر ههههههههههههههههههههههه أشوف هذا أفضل حل اي واحد يطق سيارتك تبدا ترن ويشتغل الانذار


up 4 down 1
hmada1213 2024
قبل 4 سنه و 12 شهر



حلها بسيط وانا اخوك 

اشتر لك كميرة مراقبة وثبتها في الجدار اللي في وجه السيارة يعني اللي يبين لك السيارة بالكامل 

و وهي تسجل 24 ساعة متواصلة 

اذا لقطت المخرب انت ساعتها بتعرفه وتقدر تبلغ عنه في الجهات الأمنية ويجيبونه لك وتأخذ حقك منه 


ولا انصب له فخ 

والفخ هو خلي سيارتك مفتوحة والدريشة نازلة اللي دريشة السواق وانت انخش وراء المرتبة اللي في الخلف ما تخليه يشوفك 

أكيد بيشوفها مفتوحة وبيفكر يركبها او على الأقل يضربها وينحاش انت ساعتها بتلقطه 


وفي حل ثالث وهو الأفضل 

ركب جهاز انذار لسرقة السيارة اي واحد يضرب البودي الا هي تطن بسرعة وانت اذا سمعت الصوت حط رجلك وروح القطه 

والله يعينك 


up 2 down 1
منتهى_الطريق 242
قبل 4 سنه و 12 شهر



استودعها الله الذي لا تضيع ودائعه


up 5 down 0
mr-medo7 399
قبل 4 سنه و 12 شهر



ي حبيبي قبل لا يخرب لك شي كبير , ركب كاميرا واكشفه وحاسبه


تخيل لو عدم البوية كلها بمسمار ولا مفتاح راح تضطر ترش السيارة كلها وسعرها بينزل بالسوق 15 الف !!

او يكون حاقد ويجي يكسر لك القزاز كله والاسطبات والشمعات !


up 1 down 0
sultan-q 468
قبل 4 سنه و 12 شهر



انا مثلك والمشكلة سيارتي ابوكلب يوم الاقي الكفرات نازله ويوم العلامه رايحه .. بالاخير خليت واحد من عيال الحاره الصغار يراقب و يشوفلي مين وبالفعل جابه لي ..

طلع ولد جارنا المشكله كبير بعمري يمكن يقولي لا توقف عند بيتنا وانا اصفقه والعن خير خيره ويجي ابوه وصارت قروشه المهم الحين اوقف عادي وين ابي ومحد جا السياره ..

مالك الا تظبط ورع من سرابيت الحاره وهو يجيب لك العلم



up 1 down 1
be17 200
قبل 4 سنه و 12 شهر



طيب روح تسامح مع عيال عمك وريح رأسك وافتك من شرهم


up 2 down 0
الولد السعودي -28
قبل 4 سنه و 12 شهر



يمكن انك توقف بمواقف ماهي تبعكم ,, لانها قد صارت لي ارجع متأخر بالليل وما الاقي مواقف واوقفها في براحه الجيران وبعدها بفتره  كل ماغسلت السياره ياخذون الله يكرم الجميــع  الزباله ويرمونها فوق التنده ,, ومرات يرمون عليها حصى حتى البدي فيه طعجات بسبب الحصى ,, واذا انت توقف بمواقف بيتكم حاول انك تترصد له يوم كامل واذا عرفته انزل وامسح في كرامته الارض ولمع في وجهه البدي وبكذا راح ترتاح


up 1 down 1
ابو سعود629 4650
قبل 4 سنه و 12 شهر



جا واحد وحك موتري من الرفرف للرفرف وخطين فوق بعض من الجهه اليمنى لكن الله بيحاسبه ولو اشوفه بمسكه وبمحط به الارض لين يعضها 

الله يعينك اخوي برنسيزو والله يبعد عيال الحرام عنا 


up 1 down 0
camry grandi 99 7273
قبل 4 سنه و 12 شهر



واللي لقى مخش عالكبوت من اوله لين اخره :) ؟؟ والقهر وش هو ,, زلق بالمخش الاول قام عاد المخشه من جديد بخط مستقيم .. عنده ذمه بالتخريب ..!!!


up 2 down 0
YASSER505 4162
قبل 4 سنه و 12 شهر



احسن حل لا تغسل السيارة يعني تلمعها

و اذا كسر شيء لا تصلحه اليوم الثاني اتركة فترة طويلة و زبطه

لأن الشغله راح تقلب عناد

و الانتل ركب انتل من الكهرب وريح بالك

و قبل كل شيء

استودع الله سيارتك

و توكل عليه وحده و ادع عليه

الله لا يوفقه

و حاول انك ما تخش بسيارتك عند جيرانكم عشان ما توذيه و تسلم الاذيه




up 2 down 0
مخاوي القايلة 258
قبل 4 سنه و 12 شهر



أجل خذ الحل وانا اخوك
اولا .. عط اهلك واقربائك واصدقائك ( عطهم خبر اذا كنت تقابلهم أو بالواتس أب)
انك بتشتكي للشرطة.
ثانيا .. قولهم انك رحت للشرطه وطلع الجندي وصور الضرر اللي عالسيارة والقضية سجلت
ضد مجهول وجاري البحث عنه.
وبعدين الخيار راجعلك , اذا تبي تشتكي او لا .
(بس أهم شي بين لاهلك واقربائك واصدقائك ان الموضوع جد)
وبهذي الطريقة انت تمارس الضغط النفسي ضد الجاني وتفتك من شره


up 3 down 1
المدينة 1 37
قبل 4 سنه و 12 شهر



لحد الان جاك 6 ديسلايك بدو انه اصحاب الديس لايك هم اللي بهذلوك فسيارتك هههههههه


up 2 down 0



من بعد ماكتبت الموضوع رحت اراقب سيارتي مع اخوياي من بعيد وماحد قربها الظاهر مالي الا جهاز الانذار لكن لو شخطها بيطلع صوت ؟


up 0 down 0
برينسيزو 534
قبل 4 سنه و 12 شهر



كان عند الوالد الجهاز ذا ترا بيطفشك لانه حساس زيادة عن اللزوم يعني لو لمسها قطو يولع الانذار و كل خمس دقايق بتسمع الانذار ....

اي نعم لو بس لمسها بطرف اصبعه يولع الانذار


up 0 down 0
shadowz33 1090
قبل 4 سنه و 12 شهر



انا انصحك تركب كاميرا واذا قفطته تبلغ الشرطة وتطالبه
 
بدفع قيمة الاشياء الي خربها 



up 0 down 0
alza3em 102
قبل 4 سنه و 12 شهر