أضف سؤال أو موضوع جديد          

نخرط الهوبات ولا لا يا جماعة ؟

up 1 down 3



مساكم الله بالخير ... صار نقاش قبل فترة بين الاخوان في المنتدى عن خرط الهوبات و كثير أيدوا خرط الهوب و

لكن في ناس برضوا مو شويين ما إقتنعوا بجدوى خرط الهوب و إنه مجرد تكاليف إضافية أضف إلى إنه يقلل سماكة

الهوب و يرجع صفير الفحمات بعد فترة !!!!! و في واحد طرح تجربته من الإخوان والله ناسي إسمه يقول إنه كان

يغير الفحمات و يخرط الهوبات و بعد فترة ترجع مشكلة الصفير , بس في مرة غير الفحمات بدون خرط هوبات

و يقول زانت الفحمات و إختفى صوت صفير البلبلي ههههههه هيج قلبي الثملي إلخ ... المهم يا اخوان أنا مقبل

على تغيير الفحمات و يا ليت الواحد يقول لنا كلام علمي أو من تجربة أكيدة , نخرط الهوب ولا ما يحتاج ؟

تحياتي: أبو صالح







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله ياخوي اوافقك في رجوع الصفير انا اشوف ان تغير الاقمشه بدون خرط ومع الوقت ممكن يخف الصفير مثل ماصار لي


up 0 down 0
gsxr_600 1015
قبل 8 سنه و 2 شهر



العلم عندي من واقع تجربة

اخرط الهوبات في حالة وحدة

اذا عندك رجة اذا جيت تهدي

يعني و انت ماشي مثلا 80 و هديت (دعست فرامل) تحس السيارة ترج رجة ممكن تكون خفيفة و الا قوية

في هذي الحالة فقط غير فحمات اصلية و اخرط الهوبات

اما الخرط كذا من غيراي مشكلة هدر للمال و استهلاك للهوبات على الفاضي


up 2 down 0
مخاوي القايلة 259
قبل 8 سنه و 2 شهر



اخوي افحص الهوب بنفسك  طريقة الفحص  
رح عند الهوب ودخل اصبعك اذا هو ناعم الهوب ما فيه خدوش ولا شيء خلاص  لا تخرطة 
طريقة اوضح حط اصبعك على الهوب وانتبه لا يكون حار لا يحرققك  وامسح باصبعك اذا حسيت فيه تعوجات بسيطة اخرطة
واذا الهوب  زين  لا 


up 0 down 0
صوت العزاوي 523
قبل 8 سنه و 2 شهر



خذ العلم الاكيد لاتخرط الا اذا كان عندك رجه وقت ماتمسك بريك على ال 80 وانا صار لي 3 مرات اغير الفحمات بدون خرط هوبات والامور طيبه ,, واذا قال لك العامل ابخرط الهوب اسحب عليه لاتخرط نهائيا 


up 1 down 0
ابو سعود629 4708
قبل 8 سنه و 2 شهر



الهوب يحتاج خرط اذا فيه اعوجاج بسبب دخول السياره في الماء والهوب حار...


up 0 down 0
asalami 2180
قبل 8 سنه و 2 شهر



الخرط عند وجود تشققات قويه او رجه عند التهدئه


up 0 down 0
shuja1410 82
قبل 8 سنه و 2 شهر



مخاوي القايله اعطاك الزبده

سيارتي اكورد الحمدلله 7 سنوات ماخرطت هوبات اخر مره قبل شهر امسك فرامل على سرعة 80 ترج الطاره خرط الهوبات ماشالله ضبطت 


up 0 down 0
العسيري112 699
قبل 8 سنه و 2 شهر



والله ياخوي انا قبل شهر غيرت الفحمات وخرطت الهوبات ورجع الصوت فنصيحه غير الفحمات وخل الهوبات وجرب اذا باقي صوت وقتها اخرط الهوبات


up 0 down 0
ميشلان 37
قبل 8 سنه و 2 شهر




أنا أخرط الهوبات ( إذا كان عندي رجة إذا ضغطت فرامل )
وأصلا قليل جدا أخرطها

أما اللي يخرط الهوبات وهي مافيها شيء ولا رجة ؛ بصراحه لا تعليق .. يقلل سماكة الهوب وعمره ويخسر فلوس و وقت على الفاضي




up 0 down 0
speed for ever 3708
قبل 8 سنه و 2 شهر



يارجال اخرط ماعليك

,,, الهوبات قطع استهلاكية يعني عوافي فترة وبتغيرها


up 0 down 0
ماجد 84 57
قبل 7 سنه و 8 شهر



ياريتني ماخرط الهوب جاتني رجة والسيارة جديدة اول مره اغيرلها اقمشة
وبالنسبة للاخ الي يقولك اخرط وقطع استهلاكية ماقد جرب انه قيمة الهوبات 
٥٠٠٠ ريال وسلامتكم


up 0 down 0
alfahem2002
قبل 5 سنه و 8 شهر



والله يربع صرت اخاف من العمال الي بصناعيه كل واحد مسوي نفسه احسن واحد بالعالم وهو ماهو فاهم شي وتحمد ربك اذا ماخرب سيارتك


up 0 down 0
مقرش دراهم
قبل 2 سنه و 10 شهر