أضف سؤال أو موضوع جديد          

ماهي المشكلة؟؟؟

up 8 down 1
أبوعوض 2210
قبل 6 سنه و 10 شهر



السلام عليكم ورحمة الله وبركاته

حياكم الله ياأخوان ..لاحظت كثرة المواضيع اللي يسألون فيها الأعضاء عن خرابات وأعطال سياراتهم وطبعا كل واحد فينا يبي يفزع ويساعد بطريقته الخاصة ...أبي من اللي يقرأ موضوعي هذا انه يكتب تجربته في السيارات.. يعني اللي سار عنده عطل في سيارته يذكر لنا ايش اللي صار في السيارة ..ويذكر لنا ايش القطعة اللي غيرها وكانت هي سبب المشكلة ..
الموضوع للفايدة وانا بذكر المشكلة اللي صارت معي

كان عندي سيارة كرسيدا موديل 90 وكانت تطفي وهي ماشية وهي معشقه واتضح انه السبب من سلك الشاكوش اللي موصل في الديلكو علما اني كشفت عليها عند أكثر من مهندس وغيرت بواجي وأسلاك البواجي والبطارية والاصابع وفي الاخير كشف المشكلة معلم باكستاني ...
عموما نبي نسمع منكم والله يحيكم جميعا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اقتراح جميل واكثر من رائع بس للاسف مامعي سيارة بس ابشر انشالله اذا شريت سيارة والله لايقوله وخربت راح اعلمكم واحلى لايك


up 1 down 0
عبدالله فريح 836
قبل 6 سنه و 10 شهر



موضوع جميل جدا

اشتريت جيب سوزوكي جيمني قبل سنه وكان فيه رجه بالدركسون وبالسياره كلها من سرعه 80 الى 90 تقريبا ......كان والله اذا بدأ يرج والله انك تحسبه بنفك الدركسون منك
المهم ما خليت ولا بقيت من ذا الورش 
ودقيت على صاحب السياره الاول اللي شريتها منه وسألته وقال والله ما ادري ويقول انا ما اهتميت لانها تروح وتجي مو على طول

المهم قررت الا واكتشف وش المشكله
المهم رحت عند بنشري يماني وشيك على الاذرعه وعامود التوازن وجرب السياره وقال يبيلها وزن
قلنا طيب ووزنا ولا استفدنا شي
ووديتها عند محلات تربيط وكشفوا عليها وقالوا يمكن الجنوط بها مشكله .......طبعا طنشتهم لان جنوطه نظيفه 
ولما يأست قمت كتبت مشكلتي بأحد المواقع التي تختص بالسيارات
وبعد 3 ايام كان من احد الردود في شخص الله يجزاك بالخير دنيا واخره يقول لي روح وديها محل (بيروت ) اللي عند المطار بجده
ولا راح تندم وحط رقم المهندس جوال
المهم دقيت على المهندس وقال جيب السياره بعد العصر
رحت وجرب السياره وقال شوف يا ابني (المهندس لبناني) روح المخرطه وشيك على عامود الدبل واذا سليم جيبها على طول
رحت المخرطه وشيكت وطلعت سليمه
ورجعت لاخينا اللبناني وقال هات السياره على الترصيص الارضي
ويوم بدأ يرصص قال تعال شوف كيف الكفر عمبيتحرك هههههههه
والله يا شباب انه يرقص دق سامري
قلت طيب وش البصيره يا لبناني
قال روح غير كفرات وعلى مسؤوليتي ولا ابغى منك ولا فرنك (حسسني اني بألمانيا)
قلت خاف الله الكفرات بزرعها جديده
ولا بأغيرها واترك عنك النصب
قال هيدي يا ابني الدواليب بيبانوا جداد بس والسياره واقفه كتير
والوقفه عم بتحرق الدواليب (حسيت اني بمطبخ الله يسامحه هههههههههه)

قلنا يالله نغير دواليب ^^^^^^^ حتى لساني انعوج مثله

رحت لم البنشري اللي انتم خابرين بمحطه الميزان..... طريق مكه جده السريع
قلت يا ابو الشباب ابي لي كفرات جدد من الزينات الرخيصات بس بشرط
اذا ركبتهن وجربنا السياره انا وانت ولا راحت الرجه بأرجعها 
قال ابو يمن على خشمي
مالكم بالطويله واركب اربع دواليب (كفرات ههههههه) واجرب وراجع اجرب وارجع اجرب

الصلاه على النبي ولا كأنها كانت ترج
والان لها سنه ما اعاني من اي مشكله

اوووووووووووووووووف تعبت وانا اكتب
تحياتي ولك احلى لايك على الموضوع الجميل


up 8 down 0
حكيم المعاني 10329
قبل 6 سنه و 10 شهر



هههههههههههههه الدواليب هههههههههه

شرفتنا يالغالي ومنور الصفحة
بالنسبة للأخ عبدالله فريح شرفنا مرورك والله يرزقك بالسيارة اللي تعجبك ان شاء الله


up 2 down 1
أبوعوض 2210
قبل 6 سنه و 10 شهر



السلامـ عليكمـ


والله اغلب خرابات سيارتي ما عرفت حلولها ولا صلحتها وبعتها زي ما هيا



وبقولها هنا والي يعرف يتفضل :-


1- كان عندي فورد موستنج كشف موديل 97 وارد اليابان 8 سلندر وكانت تسخن اذا دعست فيها كثير يعني احيانا من اول نص ساعه تسخن واحيانا ساعتين وتسخن وانا من النوع الي 
كنت احب الفرفره خاصتا موستنج وكذا ولا ادري ايش حلها وبعتها مثل ما هيا بمشكلتها وسارت تطلع علي اصوات زقزقه كانها من الكفرات ولا دريت من ايش ولا ايش حلها  . 

2- كان عندي فلوكس وجان قولف 2002 فل كامل وكان القير اوتو و يوم احطه على ال d  ما يبدل النمره الاولى بعدين الثانيه بعدين الثالثه بعدين الرابعه وكذا لا يجيني على النمره ال 3 على طول
وتكون القومه جدا ضعيفه و مره السياره ما تبدل اي نمره معلقه على الثالث لدرجة اني امشي عليها 12 ويوصل ال rpm لـ 3 ونص او 4 وهي باقي ! ما تبدل نهائيا
قالو الفلتر والزيت حق الجربوكس وغيرناها ومافي فايده قالو حساس الجربوكس ويمكن يبغاله توضيب ومدري ايش ولا تشوف جربوكس من التشليح نربكه بداله ولو سويت كذا بتروح علي بعض القطع الاصليه في الجربوكس الاصلي رحت قلتلو يابويا قفل الكبوت
وثاني يوم وانا بايعها ولا دريت عن مشكلتها وكلمت الي اشتراها عن المشكله وكنت على اساس ابغى اكلمه اشوف الحل وضيعت رقمه لانه هاذي المشكله دوختني 3 شهور كرهت عمري معاها كل واحد يقولي شي وانا مو مستعد اخاطر واجرب القطع غاليه  .


3- في نفس القولف خربت علي شمعه في الاسطب الامامي ورحت ل محل وقلتلو ما تشتغل قلي الشمعه محروقه وغيرها وما اشتغلت وجاب ثانيه الحمار وما اشتغلت في الاخير اكتشفها انه فيوز ! ابو يمن مضيع واللع
ومن كثر ما رفع ضغطي ما حاسبته على شي ومشيت عشان كذا اذا شمعه ما اشتغلت شوف الفيوز قبل كل شي.

4- سيارة الوالد خرب فيها المكيف ورحت عن الرجال وقلتلو المكيف ما يشتغل راح سوالي موال طوووووويل وفكينا وركبنا و مراح جاب قطع وركب وفي الاخير الفيوز برضو ! ولا حاسبته على القطع الا الي كانت القطعه عندي منتهيه مره  وبرضو ابو يمن  

5- كان عندنا جمس وكاله جديد 2004 على يدنا وكان فيه مشكله في القير من ال ان على ال دي يعلق احيانا وما يشبك نمره ولا يبدل شي وقالو عيب مصنعي وكل يوم وهما يصلحونه ويرجع الخراب ثاني ويصلحونه ويرجع الخراب ثاني راح ابويا سب اليوم الي  جاب فيه امريكي وباعه من اول 6 شهور.

 6- كان معانا ددسن  قديم حتى ممسوح مره اللوحه مافيها ارقام معدوم وقديم وكان كل ما اعشق نمره يطرطع من الشكمان وهذاك فيه مشاكل كثير وكلها مدري عن اسبابها ولا حلولها

   




up 3 down 0
mrabdullah 1347
قبل 6 سنه و 10 شهر



الله يحفظك يابو عوض مميز دائما وفكرك وارائك راقيه مثلك يالغلاااااااا

اولا : الفكره مميزه وتنحصر ان كل واحد يقول مشكله مرت معه ويجد حل لها 

مثال :::: لو احد قرا الموضوع وحصل احد يشابه الخراب الي لديه حيستفيد فلذلك.... الله يسعدك يارب ويوفقك

فكره مميزه ياعسل 

حصلت مره ان كان الموتر يطفي ويشتغل يطفي ويشتغل وبالذات اذا كان بارد وكان الحوسه اننا ماخلينا محل مارحناله وكل شي تمام
واتعقدنا من الموتر ماركيز 2002 وبالنهاية بعد ماشيكنا رحنا لمحل قال لازم اشاهد الخراب والمشكله ان الموتر وانت تسوق تجيه نتعه قوية قوية كان احد يطفي ويشغل بسرعه في لحظه

وجلسن نحاول انها تطلع وللاسف ماتطلع "مزاجيه ههههههههههه" المهم بعد مايقارب اسبوع محاولات لان المهندس ماراح يتواجد على طول معك

طلعت والسيارة واقفه عنده طفت وارجعت تشتغل قال هذا البخاخ معدوم وقررنا نظبطه وكان سعر التكلفه نار

وحنا راجعين البيت على اسا باكر نرجعها له ويبدا الشغل

طفت خير شر والصدفه انها طفت قدام بنشري

وجلسنا نص ساعه نبي ندبر سطحه الا جانا يماني قال وش عندكم قلنا السالفه كذا وكذا ... يصراحه استصغرناه على اسا انه مو مهندس بنشري زيوت

لكن قال هذا بسيط شغله قاله اخوي وكم يكلف قال يكلفك 15 ريال فقط قال اخوي اعطيك 15 بس قلنا وراج يارجال جاب اصبع بطرية وركبه ودق السلف دق وكالة والسيارة زي العسل

طلع الاصباع محل وماستجيب كثير يفك ويفصل يفك ويفصل

وليومنا هذا الاصباع له الان 5 سنوات تقريبا هع والمهندس هذاك بخاخات

الواحد مع التعب والقرف يبي يتفك ويصلح ويمشي لكن لاتتكاسل قد يكوون شي يسير

والزبد انه اليماني جاه شي دسم وليومنا هذا نغير عنده الزيت ومعرفه قوية ................. 

سبحان الله عدد خلقه وعدد من حج بيته

شكرا ابو عوض الغالي 


up 3 down 0
الجنرال2012 6587
قبل 6 سنه و 10 شهر



الله يجزاك خير.      


up 2 down 0
عاشق الكورفت zr1 6475
قبل 6 سنه و 10 شهر



كان عندي سيارة كرسيدا موديل 88 وكانت فيها مشكلة في الكهرباء وكشفت عليها عند مهندس بنقالي

وقال (هدا ممكن ديلكو كربان) ورديت عليه(كسروا لحيك الديلكو جديد) ههههههه وقام البنقالي يفحص البطارية والدينمو وطلعت سليمة المهم اني غسلت ايدي منه يوم حسيت انه من جنبها
ورحت لواحد تركي عند مدخل الحي وكشف عليها وقال ترى المشكلة من علبة الفيوزات
وغيرتها من التشليح وضبط بعدها الموتر
وطبعا كانت تسبب مشاكل منها يطفي المسجل فجأة وتطفي لمبات الطبلون وغيرها
ومشكورين


up 1 down 0
389
قبل 6 سنه و 10 شهر



الله يذكر الكرسيدا 90 بالخير كان عندي قبل 20 سنه وحده شريتها ب 20 الف نظيفه مشي قليل
وبعتها تشليح ب 1500 بعد ماصار لي حادث عليها وربي نجاني لكن راح وجهي شوارع من القزاز
لكن بصراحه لها ذكريات جميله لاتنسى
وادعس عليه 180 وماشاء الله ههههههه مطفوقه ورجه مع انها 4 سلندر
الله يبارك لك في موترك ويحفظكم جميع


up 1 down 0
meezar 221
قبل 6 سنه و 10 شهر



شيك على صفاية البنزين
وسو تنظيف كلربليتر وتاكد من اسلاك البواجي هي توصل كهرب وموفق



up 1 down 0
meezar 221
قبل 6 سنه و 10 شهر



معليش دخلت عرض وماقريت الموضوع زين هههههههههههه
موفقين



up 1 down 0
meezar 221
قبل 6 سنه و 10 شهر



كانت عندي بي ام 760  2005 < زمان خخخخ 

في اول يوم مطلعها من الوكاله  اخذتها العصرْ .. وكانت ماشيهـْ 17 كيلو ، ووصلت البيت والسيآرهـ ماشيـهُ بحدود 35 كيلو

دخلت السيارهـ البآيكـهْ .. وفجأهـ بالليلُ .. < بحدود الساعه 10 اشتغل التنبيـه[البوري واللمبآت]  ماتطفي الا لمى اضغط زر التنبيه 
يعني افتح السيارهـ اشغلها ، اطفيها مافيهـ فآيـدهـ < طبعاً اشتغلت يمكن 5-6 مرات 

من بكرهـ الصباح رحت الوكالهـ وقالوا حساس وركبوا جديدُ على طولْ .. طلعت من الوكالهـ ورجعت البيتُ ..‘‘

وجلست ساعتين كذاْ .. واشتغل التنبيهـ من جديد < رحت للوكالهـ وهي مقفلهـ معي دخلت للإدرآهـ على طولْ  ونفضتهم وحرقتهم

وَ  سووا فحص + تقرير + اعتذار من المدير الاقليمي للشرق الآوسـطْ اتصل علي بعد ماطلعت من الوكالهـٌ 

وفي الاخيـر طلع فيهـآ خطأ ،بـ وزنيـه الحساس اللي فيّ كبوت السيارهـ 

ومن بعدها ،، ، ماشاء الله ماحصل عليها اي ملاحظـهَ ،‘‘ والله انها سيارهـ بطله انصح حقين الخطوطٌ وُ الدعس ..الخ 


up 0 down 0
فهد}~ 1263
قبل 6 سنه و 10 شهر



^^^

هههههههههههه شنب
ومشرفني مرورك


up 0 down 0
أبوعوض 2210
قبل 6 سنه و 10 شهر



فكرة الموضوع حلوة بس عيب هذا المنتدى أنه لو أي أحد بحث خارج المنتدى في قوقل أو أي محرك بحث ماراح يظهر معه موضوعك لأنه بيظهرلي هااد المنتدى ماله أرشفة في قوقل وبتالي ماراح يستفيد غير الي صادفه الموضوع ,,,


up 2 down 0
serinzo 271
قبل 6 سنه و 10 شهر



تحياتي يالغالي منورنا بمرورك


up 0 down 0
أبوعوض 2210
قبل 6 سنه و 9 شهر



إخواني عندي باث فندر ٢٠٠٦ تماتيك فيه عطل بالقير مايبدل ثاني ينط من الأول إلى الرابع تكفون والله عجزت


up 0 down 0
رياض العقيدي 9
قبل 6 سنه و شهر



                                            السلام عليكم ورحمة الله وبرككآته                    
ياشباب خطرت نطب وطفت السيارة ولا اشتغلت وفكيت اسلاك البواجي مايوصلهن كهرب وش المشكلة


up 0 down 0
بوداحم السليمان -1
قبل 4 سنه و 11 شهر