أضف سؤال أو موضوع جديد          

ارتفاع الاسعار بالموقع حراج

up 9 down 4
صوت العزاوي 523
قبل 8 سنه و 11 شهر



السلام عليكم ورحمة الله وبركاتة 
\
\
\
ياجماعة الخير الي انا اشوفه في موقع * حراج * ارتفاع في الاسعار بشكل غير طبيعي ؟!
مع إنك لو تروح المعارض بتلقى احسن وافضل وارخص في نفس الوقت ؟




انا ما اريد انا أكل حق البائع ولكن يا إنك تعطي موترك حقه او لا تبالغ في سعرك ؟
\\
يمكن بعضكم يقول حلالي ونا حر !!
صحيح حلالك لكن ياخي إنت كذا بتخلي غيرك يمشي علي نفس النهج حقك ؟
وتلعب على خلق الله ماحد يرضى بها على نفسه ولا على غيره !
وبالعكس بتسبب حاله من الاشمئزاز منك أو من الذين يرفعون الاسعار ؟




وعلى فكرة ترى الناس فاهمين وعاقلين ويعرفون للاسعار ؟




وشاهدة اكثر من رد يقول ترى سعرك مو معقول وتجيط  رد الفعل من البائع * عصبيه * ويقول حلالي ونا حر ؟
ولا يحذف رده او يسوي له منع عشان كلامه سليم وفي محله ولا يبي العالم يشوفون كلامه !
ياخي ندري انه حلالك وجهة نظر يجب عليك تقبلها !!




الي حاب اقوله للبائع الي يرفعون الاسعار ياليت تخافون الله اولاً في نفسكم وبعده في خلقه !
وترى مافيها شيء لو عطيت موترك سعره الي بالمعارض ؟
والي يقهرك لو يوودي موتره المعرض يجيك اقل من السعر الي حاطه بفرق شاسع ؟




على العموم كتبت الموضوع هذا واعتبره وجهة نظري ونظر اغلب الاشخاص الي تخاطبة معهم 
\\\




اتمنى اني ماطولت ولا ازعجتكم بكلامي ..




وشكرأ .










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لﻷسف كثير من المعلنين غير جادين في البيع

ولسان حالهم إن جابت المبلغ الي ببالي وﻻ أستخدم

وجزء كبير منهم شريطية لهم إعﻻنات في أكثر من موقع

وبعضهم عنده عضويتين وثﻻث وشغال سوم وتعزيز

إذا تبغى تشتري من الموقع ﻻزم أنك تاخذ وقتك وما تستعجل حتى تﻻقي شيء نظيف بسعر معقول


up 5 down 1
أبو عبادة 4852
قبل 8 سنه و 11 شهر



بالنسبة لي افضل اني اروح المعارض بنفسي وادور على راحتي واقدر اجرب وافحص
وممكن تتعدد الخيارات بحسب ميزانيتي


up 2 down 0
ابو نواف الامير 130
قبل 8 سنه و 11 شهر



صح كلامك قبل شهرين تقريبا واحد نزل اعلان
انه اشترئ هايلوكس 2004 من الموقع بحول الخمسين ويقول وديته المعارض في اغلب المناطق ماجاب اكثر من 38 الف وقاعد يدعي على اللي باعة


قبل ساعة شفت اعلان اكسنت 2011 قير عايدي وقزازعايدي ستاندر ماشية اكثر من المية ويقول مسيومة ب 27الف
واعرف واحد اشترى 2011 ماشية حول الثمانين فول كامل ب 25 من ممعرض وشوف المعرض بكم اشتراها


up 3 down 2
مالقيت اسم فاضي 249
قبل 8 سنه و 11 شهر



نصف الاعلانات الي في موقع حراج ....استعرض....

واعذروني على الصراحه


up 4 down 1
شبح 600 sel 6082
قبل 8 سنه و 11 شهر



نسيت تذكر السيارات المصدومة الي رافعين أسعارها بطريقة عجيبة 

يا اخوان قبل مدة شفت أكورد مدعومة والله لا مكينة ولا قير ما في الا الشاصي و الكراسي حتى السقف ما سلم 

سألنا الرجال كم حدك قال سوم مالي حد 

شفت السومات اللي وصلت 10 الاف واللي 12 واللي 13 وهو يقول توها مو حقها 

كم حدك طيب ؟ قال ما لي حد سوم 

أرسلت له بالخاص قلت له 15 الف وهذا اللي أقدر عليه 

قال اذا تبيها ب 25 الف حياك الله ما تبيها الله يستر عليك 


قلت 25 الف أشتري فيها أطلق من سيارتك انت مو صاحي الله يشفيك 

قال سيارتي وانا حر

ارسلت له رسالة وقلت له ( قصدك بلاستيكك وانت حر الله يهديك سيارتك ما قعد فيها شيء سليم حتى المكينة ما سلمت أحمد ربك انك سلمت من الحادث )

بعد شهر من أخر رسالة أرسلتها له جتني رسالة منه وقال فيها ( أخوي اذا تبي السيارة أنا موافق أبيعها لك ب15 الف و هذا مو حقها بس مضطر للبيع )

ارسلت له وقلت له ( الله يرزقك يوم سمتها منك رفضت واللحين جاي تقول خذها خلاص ما ابيها الله يرزقك بالشراي )

بعض الناس حتى البيع ما تعرف تبيع 




up 1 down 0
كروز_وبس 1042
قبل 8 سنه و 11 شهر



فيه فورتشنر ٢٠١١ تماتيك بدون دبل يقول مسيوم ٧٢٠٠٠ ويطلب من الله الزود 
و ٢٠١٣ اصفار ٧٧٠٠٠ الف بلعروض الجديده اسعار لاتعقل ابد 


up 2 down 0
مانع المانع 68
قبل 8 سنه و 11 شهر



نعم الأسعار أغلى مبدأياً والسبب أن البائع تعرض لكم تجربه غير جاده وسومات غير جاده أودت لعدة أمور , يا إنه غير عارف بقيمة السياره وأخذ مقلب بسومه قديمه غير جاده وصمل عليها والدليل إنه بعد فتره يقول تم تخفيض الحد. أو إن البائع يبحث عن من يجادله بالسعر ويفاوضه وأكيد بيبيع بسعر السوق بالأخير.. أو أن البائع باله طويل ويدور على أحد كسول ماله خلق يروح المعارض .

هذي وجهة نظري


up 1 down 0
راكد 226
قبل 8 سنه و 11 شهر



هناك نوعان من البائعين
1-بائع محتاج للمال
2-بائع غير محتاج للمال يعرض سلعته إذا مع يقينه بنظافتها فهذا لديه سعر معين إذا وصل السعر الذي في باله سيبيعها



up 1 down 0
نايلات 52
قبل 8 سنه و 11 شهر



مكرررررررررررررررررر


up 0 down 5
mohammed shareef 1094
قبل 8 سنه و 11 شهر



اغلب سومات سيارات الموقع كلها كزب في كزب  و اوهام   واسعارها   اغلى من سعر السوق المعارض  ولاحظو  اغلب السيارات 
تلاقيها  صرلها معروضة اكثر من شهرين ولا قدر يبيعها   لان علقة في راس البائع سومات البزارين  
واحد عنده بي ام دبليو  مكينتها مخبطة وطالب  سعر كانه سيارته  نظيفة وشغالة   وممشى قليل   ههههههههههههههه
حق مكينتها  16 الف في التشليح 


up 1 down 0
abd_alrhmn 2352
قبل 8 سنه و 11 شهر



يا اخوان لو فكرنا شوي اغلب الي بالموقع و الحراج حتى نفس الشي يعني مهما حاولنا نغير من تفكيرهم مراح نقدر فا كلنا حلاله عنده ولا احد مجبور يشتري منه بدل ما يدعاء عليه ندعي له السيارات اشكال و اللوان والشريطيه مثل النمل وبصراحه الي بديت اشوفه ان الشريطيه صارو يلعبون على بعضهم بعض والغير شريطي يطلع اقساط او كاش والسيارات الان بالهبل اشكال والالون واسعار حلوه فا اتمناء من الاخوان التطنيش والفلوس تروح وتجي لا احد يمسك السياره ان جابت سعر يبيعها بس بالمعقول وبنفس الوقت فيه ناس معذره على هالكلمه لاكن دبش جلم ما تعطي السياره حقها ابدد ويمكن هالشي الي يخلي راعي السياره يرفع في سعره او يمسك بسعره هذي وجهة نظري والله الموفق.


سجلت في موقع حراج علي أمل اشتري سياره نظيفه أو احصل سياره بطريقه التنازل وكل ذا الشيء خوف من المعارض والشريطيه والله العظيم أن الشريطية ارحم من الموقع بألف مره 


up 2 down 2
الغنام ماجد 6
قبل 8 سنه و 11 شهر



مايجلطك غير اعلانات التنازل

يطلب الدفعه الاولى كاااامله

طيب ياخي ادفع اللي تطلبه على سياره اصفاااااار احسن 

الله يصلحهم


up 1 down 0
المدينه 300 784
قبل 8 سنه و 11 شهر



اعطاكم الله عقول تفكرو وتقارنو فيها سواء عروض التنازل او البيع ويوضح من بعض الاعلانات المبالغه وعدم الجديه وبامكانك تتجنبه واقل جهد تعمله تضغط الاكس الاحمر الي بزاوية النافذه ولاتكترث فيه هو وسيارته وكما انه في مبالغه في بعض المعلنيين الي على قولتكم ان جابت السعر الي ببالي والا ماهمني كما انه في جادين بالبيع وعروضهم معقوله وبامكانك الاستفاده من اعلاناتهم


up 0 down 0
craysiler 243
قبل 8 سنه و 11 شهر



يعني يوم الاجنبي يرفع الاسعار في بضاعته تشترون وانتم صاغرون ويوم السعودي يرفع. السعر الكل 
ضده يا اخوان كل شي ارتفع سعره وانت الله عطاك العقل في الشراء واللي يرفع سعره محد بيشتري منه
الا العمياان ويضطر مع الوقت ينزل السعر للشي المعقول والسوق عرض وطلب في سيارات موديلات 
جديده والسياره نظيفه تمر اعلانه وتلقاه يهش ذبان وفي سيارات موديل 90 والناس تترجاه يبيع يعني 
العيب في البايع ولا الناس العميان واعذروني علي الاطاله وكل عام وانتم بخير :)



up 2 down 1
prozac 92
قبل 8 سنه و 11 شهر