التلبيقة فى اختبار القيادة

انت في اي مدينه ؟

سهله اخي انت لا ترتبك وخلك هادئ وبتمشي امورك واذا عندك سيارة خاصه انصحك بالممارسة قبل الامتحان لين تتقنها تماماً مع تمنياتي لك بالتوفيق..

انا فى الرياض

خذ مسافة بينك وبين المكان الي بتلبق فيه اول شي وبعدها شوي شوي لبق وانتبه للرصيف

لو عندك سيارة حاول تتدرب عليها

اذكر يوم طلعت رخصة كان يعلموننا كيف نلبق ومشاء الله محد رسب وكانت السيارة بعد هايلوكس
بس شكل الوضع اختلف الحين

هي بسيطه بس اهم شي لاترتبك  

لازم تكبر اللفة  ، يعني لات كون جنب الملبق و تلبق كذا بتحك الرصيف لازم توسع اللفة عشان ما تكون السيارة مايلة 

السلام عليكم

أخي العزيز .. ندعوا لك بالتوفيق

أولا .. مكان التلبيقه يكون بين علامتين بلاستيك

ثانيا .. يجب عليك ترك مسافة متر بين السياره و العلامات

ثالثا .. أوقف السياره بشكل كامل بحيث يكون الكفر الخلفي عند العلامه الثانيه (( ممكن تحديدها من خلال النظر من آخر الشباك الخلفي ))

رابعا .. لف الطاره بشكل كامل باتجاه مكان التلبيقه

خامسا .. وضع الغيار على وضع الرجوع للخلف

سادسا .. الرجوع بشكل متأني بدون أي تعديل على مسار الطاره حتى ترى أن خلفية السياره أصبحت داخل المكان
*** يمكنك تحديد ذلك بالنظر في مرآت السائق بحيث تشاهد ان زاوية خلفية السياره تعدت حد العلامه الثانيه للداخل

سابعا ..التأكد من ان العلامه الاولى أصبحت بعيده عن المقدمه

ثامنا .. الوقوف ... ثم تعديل الطاره بالاتجاه المعاكس (( للآخر )) وبعدها اتمام عملية الرجوع

تاسعا .. التقدم للأمام قليلا لكي تكون السياره في منتصف المسافه


بالتوفيق

انا اختبرت وسقطت مره والسبب اني متعود على وزنية الفورد طويل واختبرت بكامري انت تمرن عليها وتخلص من الارتباك والخوف وبتنج بأذن الله

يا رجال والله لو انك مختبر بمدرسة القيادة الي بالسويدي كان نجحت بدون سواقة حتى 
ياخوي هناك مافي تلبيق موتر ولا شي كلها تقوم السيارة كويس يقلك خلاص 

الله يكون بعونك. 

دله السلي .. يطلع معك عسكري ومعك خمسه بالسيارة ( كامري ٢٠١١ ) يسوق واحد واحد بالدور .. يقولك حرك وتقوم السيارة وتمشي لك كيلو كذا وبعدين يقول لك وقف وارجع ريوس وتريوس ويقولك انزل اللي بعدوووووووو

وهكذا .. بدون تلبيق بدون خرابيط ..