عمالة البناشر ومشاكل الزيوت والفلاتر والاسعار الفلكية

انا أروح لـ محلات بترومين أضمن واريح لي .. خصوصاً أني أخذ فاتورة بعد كل غيار .. عشان لاسمح الله أي شيء يحدث لي بعد الغيار الا وهذي حجه لي ..

طبعاً التغيير غالي نوعاً ما بـ ١٤٠ ريال , لكن هي مره بالشهر :) ادفعها ومنها ارتاح بأذن الله

يالغالي رحت للترومين 

قلت عندك زيت موتركرفت قال لا

قلت تغيرون وانا اجيب الزيت قال لا

والسيفون حقهم شفته ياخي اسود ويركبه العامل بنفسه وما ارتحت للسيفون هذا 

وما عنده سيفون الوكالة

وللمعلومية الفرع بالجبيل 

قصدي يركبه يجيب شئ مثل العصا ويركب عليه جلده وشكل السيفون بلاستك ردي من شكله 

مو سيفون يفكه من كرتونه ويركبه لا

يجيك باكياس ويركبه قطعه طقعه

ادخال اليمنيين بالبلد بهالعدد خطر وغلط ياليت يعي المسؤولين هالشي
انا لست ضد دخولهم ولكن بطريقة منظمة وباعداد معقولة

طيب ياخوي اشتر العده وغير الزيت بنفسك احسن لك

اخوي ابو سعود عندي عده طيبه والحمد لله اشياء استهلاكية بواجي فحمات انا اغيرها


بس مشكلة تغيير الزيت وين المكان بصراحه بديت افكر اشتري الحمالات اللي ترفع السيارة وابدأ اغير الزيت

بنفسي 

لكن با ابو سعود المسألة مو مسألة غيرها بنفسك


المسألة مسألة تلاعب 

يالغالي هذي سوالف ابو يمن تعال شوف بالدمام ينفك راسك من النصب واسعار خرافية

واحد جيته قبل كم شهر قلت له غير زيت سوبرجيتي راح جاب لي علبه حديد مكتوب سوابرجيتي وعرفت انها مضروبه من الكتابه والعلامة التجارية واقوله هذا تجاري قالي لا وجلس يحلف انه اصلي وانا اشوفه بعيني تجاري ولونه وشكله واضح لكن لمن تشتكي ؟

الله يعين بس

الله يعين.... الحال من بعضه ونفس المعاناه قبل اسبوعين ابى اغير زيت وزيت موتري سعره 12 ريال من محلات القطع الغيار يعنى لو بخذ بالكرتون من محلات الزيوت تطلع العلبه 10 او اقل واخواننا اصحاب البناشر يبيعون العلبه 15 ريال يعنى عينى عينك ضحك علينا وتلاعب بالاسعار فكرت مثل تفكيرك اخذ الزيت واروح للبنشر واغيره تفاجائت انهم طالبين سعر 25 ريال فقط على تغير الزيت و5 ريال اجرة تركيب السيفون يعنى برضه ناصبين علينا ناصبين والمشكله لفيت على اكثر من بنشر ونفس السعر يعنى الشغله مدروسه ومتفق عليها مسبقا طيب ليش؟؟ الدعوة استغلال ولا وش شايفين الشعب السعودي ؟؟؟ علشان يتم استغلااله بهالطريقه ؟؟؟ والادها والامر والواضح انهم متفقين ؟؟؟ يعنى يقدر يسوى هلاسلوب او هالطريقه فى بلده ؟؟ما اعتقد !!! يحمد ربه انه قدر يدخل البلد ويسمح له بالعمل والترزق بس البعض ومع الاسف الكثير منهم من اول ما يدخل البلد يفكر كيف يستغل وينصب ويتلاعب على ابناء الوطن وكل السالفه ومافيها انهم على علم ودرايه تااامه ان مافيه نظام او اجراء خاص يردع كل من يحاول ان يتلاعب او يستغل مقدرات الوطن ( من أمن العقوبة أساء الادب ) علشان كذا صار يتحكم ويتلاعب على كيفه وبصورة اوضح مكافحة الغش والفساد وارتفاع الاسعار نااايمه ومتدرى وين ربى حاطها ..... الحل الوحيد مه هالشاكله المقاطعه خاصه من فئه الشباب مثل ما تفضل اخوى العضو ( ابو سعود ) اشتر عدة وغير الزيت بنفسك نعم ياخي شمر عن ساعدك وحرك يدك الناعمه وكلها صاموله وفرغ الزيت وصب الزيت ولا تخلي ناس تستغلك وتضحك عليك وماهو عيب ........ :)

بالنسبة للسيفون نصيحه لا تأخذ إلا من الوكاله لأني غيرت مره سيفون عند أبو يمن ومشيت عليه 1000 كيلو إلا وهو متبخر الزيت حول السيفون ,, موفق

ياليت عندي قروش تكفي لفتح مشروع بنشر .. لكن الشكوى لله

المشروع عباره عن .. تجهيز البنشر بالعده المناسبه ( مفاتيح لصرة زيت السيارات + مفكات للسيفونات ) لكل السيارات و تاخذ شغل يد 10 ريال على كل سياره ( وله 30 دقيقه .. إذا تأخر عن كذا يدفع أكثر عشان ما يجيك واحد ويضيع وقتك لساعات ويخسرك الزبائن بسبب التأخير وآخرتها يعطيك 10 ريال بس )

و راعي السياره هو اللي يغير الزيت والسيفون و يشتغل بنفسه ( وعنده خيارين : يجيب الزيت من عنده حسب رغبته .. أو يقدر يشتري زيت من عندك بأسعار معقوله وبربح معقول وبسيط )

وبكذا نكون استغنينا عن أبو يمن .. ويستفيدون الشباب من وقت فراغهم بدل الأشياء السيئه و يزيدون خبرتهم عن السيارات ( وفيه ناس يستمتعون بصيانه سياراتهم لكن ينقصهم المكان المناسب والعده المناسبه .. وكذا نحقق حلمهم )

تدرون واحد قالي بترومين عندهم عرض تشتري 5 كراتين ويجيك كرتون مجاناً !!

والبناشر تطلع عليهم العلبه الواحده بـ 11 أو 10.5 ريال أو يمكن أقل ! ويبيعونها بـ 15 ريال
وياخذ شغل يد 10 أو 15 ريال .. زود على ربحه بكل علبه

لا والمشكله من زين شغله !! حر شديد ومافيه مكيف وكراسي وسخه وتوسخ ملابسك واحيانا يكسر علبة فلتر الهواء من غشامته أو يشد الصرة ويخربها أو ما يركب السيفون زين

بالنسبه لبترومين اكسبرس ما عمري جربته .. لكن قالي أكثر من واحد أن :

بترومين اكسبرس يستخدمون سيفونات غير أصليه !! وبسعر أغلى من سعر الوكاله أو محلات قطع الغيار

و واحد قالي انه اخذ سيفون أصلي من الوكاله وقال لعمال بترومين اكسبرس يركبونه له .. لكن أخذوا 10 ريال شغل يد على بس سيفون !!

يعني باختصار حنا ضحية نصب من أبو يمن وبترومين اكسبرس والخ... التجار والأجانب ياكلون فلوسنا مع كل جهه


لكن لو نطبق المشروع أو لو نعتمد على انفسنا ... والبناشر يفقدون الزباين

صدقوني أن أبو يمن بيقولك تعال تكفى عطني 10 أو 15 ريال شغل يد وجب الزيت معك والسيفون وأغيرها لك


لكن الحين الأجانب رافعين خشومهم ويتفقون مع بعض ضد السعوديين .. ويقولون كلهم ما يغيرون الزيت أو كلهم يرفعون شغل اليد

نسيت أقولك

أهنيك على الموضوع والله يعطيك العافيه

والله نعاني مثل ماتعاني معي التيما اغير الزيت وهو ينظف فلتر الهواء يفلت الفلتر لانه قديم قال تبغى جديد قلت هات اهم شي اصلي وقبل لايركبه اشوف ميدي ان تشاينا يعني صيني قلت هذا الاصلي؟؟ قال ايوه هذا حق الوكاله!! وبكم قال 80 !!! قلت اقلب وجهك ولاتركب وقال ترا تخبط عليك المكينه ومن هالكلام الفاضي يفكرني محتد اغيره وشغلت على قطع الغيار النيسان واحصل ياباني اصلي ب 35 واركبه وسألتهم الصيني بكم قال ب 15 !!!

يعني ابو 15 ريال حسبه علي ب 80 !!!لا وهذا وانا عميل وعشاني بعد لو على غيري شكله بيحسبه بالفين....ابد هذيلا ماينضمنون انتبه

ايه نسيت نقطه مهمه بالمشروع السابق

يكون فيه إمكانية حجز سواءا بالكمبيوتر أو الجوال ويدفع يحولك 10 ريال ويحدد له وقت حسب المتاح والمتوفر .. سواءا جاء أو ما جاء هذا شيء راجع له

لكن اذا جاء زبون ما حجز مسبقا .. تعتذر منه وتقول ان فيه واحد حاجز ودافع لي

وطبعا اللي يخرب المواعيد وياخذ وقت أطول من الوقت المحدد على حساب غيره و يسبب مشاكل مع الزبائن الآخرين ... تضيفه للقائمة السوداء عندك ولا تخليه يحجز أو يغير الزيت عندك مره ثانيه

وتعوض الزبائن المتضررين

المفروض وزارة التجارة ولا البلدية تتدخل وتلزم جميع البناشر بتسعيرة واضحة وفي مكان بارز في نفس المحل وموضح فيها سعر تغيير الزيت 
صدقوني بعدها ماراح يتجرؤن عمال البناشر ويرفعون السعر  

ابو يمن حقيرن اليوم رحت بغير زيت طبعا الزيت والفلتر عندي كلهم متفقين ب30 ولما اروح القاهم يرفعون الصوت وهم يكلمون بعض
شكلهم يتناقشون يقولون لا تنزل لة 
علي العموم خليتهم يولون جرذان الله لا يباركفيهم ولا الي دخلهم البلد اي مجال يدخلونة خدمات سيئة واسعار خيالة