أضف سؤال أو موضوع جديد          

90 في المية من سيارات الموقع جالسة عند صحابها قدام البيت

up 8 down 12
abd_alrhmn 2352
قبل 7 سنه و 7 شهر



90 في المية من سيارات الموقع  جالسة  عند صحابها  يتفرجو عليها قدام البيت 
لاحظة في الفترة الاخيرة  يكتب راعي السيارة تم تنزيل الحد  هههههههههههه    واشوف  جنب كل اعلان  مدته  شهر  او شهرين 
وترسله رسالة لراعي  السيارة يقلك  موجودة    اجل  موجودة  هههههههههههههههه جالسة في خلقته 
 اقوول  بس   يالي معلنين عن سياراتهم في  موقع حراج--------
 سومات البزارين خربت عليكم بيع سياراتكم  وسومات  يليتجيكم يكون  جالس ومتكي ويكتب رد على كيفه  ومدري عنه وين عايش  يمكن يكون برى السعودية 
امس واليوم نزلة السوق اشوف سيارات  فرق سعرها  ب 40  المية من اسعار معلنين موقع حراج
كان اول الشريطية  يقولون  اشتري من الشفا وبيع في النسيم   ههههههههه   الحين اشتري من المعارض وبيع في موقع حراج هههههههههه 
 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


انا ماني فاهم وش دخلكم فيهم قدام البيت قدام المزرعه هذا شي خاص به 
ومانت ملزوم تشتري بسعره فلوسك معك وسيارته معه 
ايش الموضوع الا تشتري سيارته يعني خلاص انت تقول السوق ارخص رح للسوق 
الله يرزق الجميع 


up 18 down 19
lolo-ss 4515
قبل 7 سنه و 7 شهر



امس لقيت صابونه 95 كلمت صاحبها عشان اشتريها فجأة يقولي انسامت بالموقع 24 الف ريال افرق السومه وخذها !!!



يا نااااااس صاابونه 95 مهما بلغت نظافتها يبي فيها اكثر من 24

وهذا للاسف كله من لعب المبزره بالسومات واللي يسوم فوق وما راح يشتري .. وانا لاجيت سمت سومه حقيقيه بقيمة السياره تقريبا يقعد يضحك علي ويقولي السوم تعداك !! بالله وش الحل



up 11 down 1
be17 200
قبل 7 سنه و 7 شهر



كل سيارة معروف لها سعر تقريبي يعني مستحيل اشتري سيارة سواء من موقع حراج او غيره بسعر زايد..والشخص اللي ناوي يبيع اكيد بيعرف الزبون الصامل وكذلك الشاري صار يعرف صاحب الاعلان وجديته في البيع.


up 2 down 0
ابو زهور2013 487
قبل 7 سنه و 7 شهر



اللي يسومون هنا نادر تلقى منهم الصادق ... 

أنا لو إني مكان صاحب الاعلان أقوله لو إنت صادق ياأبو سومه مرتفعه , تعال شيك ع السياره واشتري .. 

لاتقعد تتفلسف , واللي صامل ويبي يشتري , صدقني يدق ع الرجال وعلى طول يقوله وين موقعك عشان اعاين السياره .. 

غيره يقعد يتفلسف وماعنده الا الهرووج والهياط الفاضي , سيارات موديلاتها 90 وتحت في الموقع واسعارها من 15 وفوق .. ؟ ... ؟ 

ليش كذا .؟ ماأختلفنا قويه وتخدم وماتقصر , بس بسعر معقووووول , الله يهدينا للصراط المستقيم , لو إن الاداره توقف الاشكال هذي عند حدها .. 

كان ماتلقاهم هنا , لكن ماعندك أحد يهتم .. 


up 5 down 0
عاشقـ الماركيز 3498
قبل 7 سنه و 7 شهر



اكره اللي يقول عن اللي بالغو بسعار سياراتهم احرار! سيارته عنده وفوسك عندك!؟
لا يالطيب تخيل اتعب نفسي وفر المعارض والمح اف جي ٢٠٠٨ وسفط سيارتي وانزل اسأله يقولي انسام ب١٢٠ وال٢٠١٣ اصفار ب١٤٥ !؟
وش تسويبه هذا!؟
والله لو لي حيله لشتري سيارته وادعسه كذا مره رايح جاي فيها الين يصير عصيده
وسلامتكم


up 3 down 1
إني مهاجر إلى ربي 122
قبل 7 سنه و 7 شهر



الموضوع في نص الجبهه

صدقت أسعار الموقع أغلى من ساحات الحراج

وسبق وسألت واحد من شريطية الموقع

وكان جوابه : ان البيع هنا أسهل عشان كذا اسعار الموقع اغلى


up 3 down 0
abo mbark 613
قبل 7 سنه و 7 شهر



كلام صاحب الموضوع صحيح ميه بالمييييه خلها تجلس بكبودهم بسبب طمعهم كم موتر لقيته وانا خاطري فيييه وراعييه تكرهه من تعامله ورده علييك كنك بتسرق منه ماكنك بتشتري وفي النهايه يروح يبيعها المسكين تحت المكرفون والا ينزل 17 اعلان لها والمشكله اصحاب السيارت اللي مثله يقولك شوف اسعارها بالموقع يعني يشوف سعر نفس سيارته ويقول اي تجيب لي مثلها


up 2 down 1
شكلين مابحكي 3160
قبل 7 سنه و 7 شهر



المعقول معقول والغير معقول غير معقول بعض الاسعار قد تكون غير معقوله والبعض تكون معقوله فا شف الي يعجبك وسوه لا تتعب مع الي يرفع السعر والسياره ما تستاهل ولا نكون ضدهم لان برضو قد يكون تعرضو لبعض الاشكاليات من الشريطيه و نهاية كل سعر غير معقول مكرفون الشريطي ما يخلي السياره تطول عنه ان جابت مكسب ولا كرشها وخسر فيها بس المشكله فيهم يتمسكون بالسياره كن الواحد بتطلع روحه الجشع ماهو زين وسبحان الله على كثر ماهم نصابين وجشعين الا ان مالهم لا يتكاثر الا من حفره لدحديره نسال الله العفو والعافيه والمال وصخ دنياء لانه هو الوحيد في هالدنيا الان الي يفرق بين الناس .


المشكلة يجيك واحد غشيم يبغى يبيع سيارته وما يدري كم سعرها ويشوف مثيﻻتها ويطلب سعر مرتفع وهو مقتنع أنه هذا سعرها ويوم تكلمه يقول لك شوف مثيﻻتها فﻻ هو باع وﻻ حنا شرينا


up 3 down 1
أبو عبادة 4852
قبل 7 سنه و 7 شهر



أيضا لاتنسى اللي يقول البيع مستعجل ولااعلى سومه وتلقى اعلانه له شهر محنننط


جالسه قدام البيت ..?اجل وين تبغاها فوق السطح ..!!
سبب الاعلانات اللي يقولك تم تنزيل الحد هو لانه مطير السعر للسما
و اسعار موقع حراج تعذيب ع بالهم اني باخدعكم .. و السوق اساسا سعره
غير سعر الموقع هنا
قبل تقريبا شهر لقيت اعلان لكامري 2010 جي ال .. ماشيه 99 و يبغى 
فيها 65 الف .. وش رايك بالله .. !!لا و يقول حدي 65 يخي بزيد 5000و بطق 
لي 2013

بس ع كل حال ملاك السيارات يجهلون اسعار سياراتهم بعد الاستعمال
هذا سبب ع قولتك 90% من سيارات الموقع جالسهعك عند صاحبها قدام البيت

خلني اطلع برا اشوف سيارتي كيف جالسه .. متربعه ولا رجل على رجل 


up 1 down 1
w176.amg 2014
قبل 7 سنه و 7 شهر



^^^ ليش تبي تبيع سيارتك بعد وتبي تتأكد من جلستها ؟ عينو خيير اللي يبي يبيع سيارته وسمح بالبيع معرووف واللي ماخذ مقلب بنفسه وبسيارته وطالب سعر خيالي خلها تجلس عنده وينزل موديل ثاني وثالث ورابع جل افالون 2010 ماشيه 80 الف ويبيها راعيها ب 102 الف ؟ وهي 2010 ؟


up 0 down 1
شكلين مابحكي 3160
قبل 7 سنه و 7 شهر



وفي الاخر   شكر لتواصلكم  وارائكم    وخليها  قدام بيته واقفة  والسوق مليان سيارات اكثر من البشر   واصبر واصبر ياراعي الموتر  لا تبيع   يجيك سومة ازين
ههههههههه  
  المشتري  يلي معاه الفلوس  والبائع  هو يلي يبغا يبيع  وبحاجة الفلوس المشتري



ى يبيع  


up 0 down 1
abd_alrhmn 2352
قبل 7 سنه و 7 شهر



سبب نزول أسعار السيارات 40% من أسعارها الحالية بسبب الأزمة




علاقة الأزمة المالية بنزول أسعار السيارات 40 % من سعرها الحالي




لم تأتي من فراغ وأنما بتحليل خبراء أقتصاديون متخصصون في صناعة السيارات




الكل منكم شاهد سعر برميل النفط وهو يهوي دون 34 دولار الأسبوع الماضي




وشاهد أيضا نزولً سعر طن الحديد من 6000 ريال للطن إلى 1300 ريال للطن




العنصران الأساسيان في صناعة السيارات خصوصاً وباقي المنتوجات الآخرى




التي تعتمد في صناعتها على مشتقات البترول




عزيزي القارئ ركز معي قليلاً لكي تعرف لماذا سوف تنخفض أسعار السيارات 40 %




من سعرها الحالي الفترة القادمة بإذن الله




في عام 2002 م كان سعر برميل النفط في بحر الخمسينات مابين 50 دولار إلى 55 دولار




ينقص قليلاً أو يزيد قليلاً




والكل يعلم بأن أسعار السيارات مرتبطة بسعر برميل النفط أنخفاضاً ونزولاً




كان سعر الجيب Gxr فل كامل موديل 2002 بــ 125 ألف ريال




وكان سعر الكورلا 2002 بـ 36 ألف ريال




وكان سعر الكامري 2002 في بحر 50 ألف ريال




ومع ذلك تعتبر أسعارها غاااالية جداً وهامشها الربحي مرتفع لصالح وكيلها في السعودية مقارنة بأسعار النفط في وقتها




وفي نفس الوقت نستطيع أن نقول أن سعرها يعتبر مناسب للمستهلك نوعاً ما مع أن هناك زيادة في سعرها




يقارب 18 آلآف ريال بلا مبرر !!!! وأنما جشع وأستغلال من قبل وكلائها




مع بداية عام 2003 بدأت أسعار النفط في التذبذب صعوداً وأنخفاضاً وكان الصعود هو السمة




البارزة بحيث يتذبذب السعر ثم يثبت على أرتفاع فترة من الزمن ويواصل أرتفاعه في كل سنة




وكل زيادة في سعر النفط يصحابها زيادة في أسعار جميع السلع ومن ضمنها السيارات وهكذا حتى




وصل سعر برميل النفط150 دولار للبرميل في عام 2009 ووصلت أسعار بعض السيارات نأخذ




الجيب الأندكروزر كمثال إلى 180 ألف ريال للفل الكامل موديل 2009




وبعد الأزمة المالية العالمية وأنهيار الأقتصاد العالمي أنخفض أسعار النفط ووصل إلى 34 دولار




للبرميل نقص من سعره السابق تقريباً 75 % ويعتبر نقص قوي جداً من المفترض أن تنقص




أسعار السيارات بعده إلى أكثر من 50 % من سعرها الحالي بسبب قوة الأزمة وكسرها لجميع




نسب الأنخفاض المتوقعة !!!! أي أننا يمكن أن نرى تخفيضات 60 % الفترة القادمة على الأسعار




الأنخفاض المتوقع مبدئياً هو 40 % ولكن أعتقد أنه سوف يزيد أكثر وأكثر




ملاحظة مهمة جداً / وكلاء السيارات يعتبرون رابحين حتى وأن أنخفضت أسعار سياراتهم 40 %




من سعرها الحالي لأن الدفعات القادمة من الشركات الأم للوكلاء سعرها منخفض جداً ومربح




للطرفين يعني السيارة التي كانت قيمتها 180 ألف ريال يصبح سعرها بعد نزول 40 %




180 ألف * 0.40 % = 72 ألف نزول من قيمتها




يعني يصبح سعرها العادل 180 ألف ـــ 72 ألف = 108 آلآف ريال سعرها بعد الأنخفاض




والسيارة التي سعرها 100 ألف الآن يصبح سعرها بعد التخفيض 60 ألف ريال




وهكذا قس على بقية أسعار السيارات الآخرى




ملاحظة آخرى مهمة جداً




اليوم الأثنين الموافق 24 / 12 / 1429 هـ كنت أتصفح عدد من الصحف المحلية




ووجدت إعلانات كاذبة لبعض وكالات السيارات لدينا




جيب لاريدو 2009 من شركة جب




مكتوب سعره بعد الخصم 93 ألف ريال




وفر لغاية 23 ألف ريال وهم كذاااااااااابين




سعره قبل الأزمة بــ 98 ألف ريال




والسعر العادل والمتوقع له 58 ألف ريال




فورد كراون فكتوريا 2009




مكتوب سعرها بعد الخصم 85 ألف ريال




وفر 20 ألف ريال وهم كذاااااااابين




سعرها قبل الأزمة بــ 90 ألف ريال




والسعر العادل و المتوقع له 55 ألف ريال




أنتبهوا رجاءً من العروض الكاذبة لوكلاء السيارات وأسأل دائماً عن السعر قبل الأزمة




ولا تشتري حتى ترى تخفيضات 40 % فعلية وليست بالكذب من الأسعار الحالية ... أنتهى




عزيزي القارئ أرجو منك نقل هذا المقال لجميع المنتديات المشارك بها ولجميع أصدقائك




حتى تعم الفائدة لجميع أفراد الشعب السعودي ولكي نثبت للكثيرين أننا شعب نعي




ونفهم وندرك مايدور من حولنا ولا نقبل الأستغلال والجشع




وفي الختام تذكروا شعارنا




خلوها تصدي وموديلها يعدي




حتى نرى تخفيضات فعلية حقيقية تتعدى 40 % من الأسعار الحالية

للامانه منقول 


up 1 down 2
طارق خلف 7
قبل 7 سنه و 7 شهر



طارق خلف 

التاريخ عندك قديم أنت بس تنسخ وتلصق على عمهااااااااااااااا




up 1 down 0
th_otaibi 339
قبل 7 سنه و 7 شهر



بمنتصف الجبهة يا أخ طارق
ههههه طارق الدولكة ههههه


up 0 down 1
إني مهاجر إلى ربي 122
قبل 7 سنه و 7 شهر