أضف سؤال أو موضوع جديد          

النصب في المعارض واختلاف الاسعار من معرض لمعرض ليه؟؟

up 2 down 0
ابو عزوز8 430
قبل 7 سنه و 10 شهر



قبل فتره احد الاصدقاء قرر يشتري كورلأ المهم راح للسوق وشاف كورلا المهم الرجال يقول ما امداني اجي اكلمه في الموتر يقول الا طب على ٣ اشخاص وكل واحد جالس يمدح في الموتر يقول انا ماجاء في بالي انهم اخويا للكلب الشريطي الي غشني

يقول انا ما ادري وش الفحص او لي بالمواتر المهم يقول اخوياه جلسوا يمدحون في الموتر يقولون لايفوتك سعره حلوه لو معنا قيمته شريناه المهم يقول انا انغريت في كلامهم وسالته عن الفحص يقول طلع لي انواع الاوراق ومنها ورقه فحص الدوري قال شف الموتر ممتاز

يقول انا كنت احسب السياره الممتازه الي معها ورقة فحص الدوري

يقول توكلت على الله وشريت الموتر وبعد كم اسبوع يقول الموتر بداء تطلع بلاويه يقول دخلته ورشه بصلح الخراب وتفاجئت براعي الورشه يقولي وين راش موترك اول!! قلت الموتر مو مرشوش من يقوله يقول جلس يضحك قالي شاريه مستعمل ؟قلت اي نعم قال الله يخلف عليك اجل لعبوا عليك عيال الحرام موترك مو بس مرشوش الا معدل الشاص وممعجن مع كل مكان يعني موترك قد صار له حادث وقلب

يقول انا وقتها دقيت علي النصاب وطلع جواله ملغى

يقول رحت للمعارض ادوره هو شله النصابين ابي العن خير مافيهم بس يقول شكلهم حولوا لمكان ثاني وضحيه ثانية


انا اقول الا لعنة الله على كل شريطي نصاب واصلن سيماهم في وجوههم الشريطية تلقى وجهه يسد النفس واسود من الذنوب وتشوف الخبث بنظراتهم



الشي الثاني انا حصلت موتر في معرض الجود يزيد سعره عن معرض ثاني باكثر من ١٥ الف ريال عن معرض القمة!! وكل الموترين نفس اللون ونفس المواصفات

هل يعني معرض الجود يحسب الناس مايدرون عن سعرها في الوكاله ويبيعها بزيادة!!

اذا بعض المعارض كذا اجل الشريطية وش يسوون

الا سوال تتوقعون بعض الشريطية يصلون ويصومون؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الزين غالي ونصيحة لاحد يشتري من تحت الميكرفون اكثر سيارات فيها غش وكذا مرة انكويت فيهاااا


up 1 down 0
أبو ناصــر 1282
قبل 7 سنه و 10 شهر



صدقت يبو ناصر حتى اذكر واحد من الشباب ذكر قصته مع البيع تحت المايك



الشريطية ناس مالقوا من يربيهم ويقص يدينهم

لو انا والله لا اقص يدينهم بشارع المعارض عشان الي غيرهم يتأدب

صاحب الموضوع احلى تحية ودي اعطيك لايك بس ماعندي


up 0 down 0
rangrover666 146
قبل 7 سنه و 10 شهر



باشباب انا والله ماني شريطي
لاكن عندي واحد من الزملاء في العمل شريطي بحت بحت اباً عن جد
والله زي ما قلت وجيههم سودا من الذنوب ومن مظالم الناس اللي فوق اكتافهم
وجوهم مغسوله بمرق
مره تكارشت معه بخصوص امانتهم وذممهم تدرون وش قالي ؟
قالي (( ابي اختصرها عليك  والله لو يستوي ابوي براسه قدامي بفلوس لأنصب عليه ))
اعوذ بالله من نفوسهم وقلوبهم السودا


up 4 down 0
الشيخ فواد 300
قبل 7 سنه و 10 شهر



والله وانا اخوك معروفين بعض الشريطيه بحركاتهم لكن العتب على صاحبك ليه ما راح يفحص انا لو رحت اشتري موتر وقال ترا الموتر نظيف وجلس يكثر حكي مشيت وخليته لاني اعرفه نصاب وحرامي 

اللي تحس انك تثق فيه هو اللي يقول خذ الموتر للوكاله وافحص اذا طلع فيه شيء الموتر موب لك هذا تحس انك مرتاح له لان معروف اللي واثق من موتره غير واللي جالس ينصب غير من طريقة الكلام وبعدين الشريطيه معروفين اشكالهم هههههه

بس بصراحه خويك ما يلوم الا نفسه لانه صدق هذولي الناس وانا بصراحه من كثر ماشوف بلاوي ماعاد صرت اثق في احد لو يجلس يتكلم من الحين لين العيد بروح افحص واقلب الموتر على كيفي .. صلح لي زين على زين ما صلح لي توكل الله يستر عليك 

بالتوفيق وهذا درس لكل واحد يثق بالناس وهو ما يعرفهم 


up 1 down 1
camry grandi 99 7274
قبل 7 سنه و 10 شهر



لا وكلهم معلق نظامهم 


up 0 down 0
فهد4950 2542
قبل 7 سنه و 10 شهر



أنا قبل كم يوم تقريبا شريت موتر من عند خويي 
شريت من عنده موتر أنا شاريه لهم يعني أنا جبت الموتر وأنا فحصت وأنا قلبت وكل شيء 

رحت فحصته مره ثانيه فحص شامل من الى 
ليه ؟ 
يمكن أخوه صقع وصلح يمكن سؤا فيه شيء وآخر شيء عشان ارتاح صراحه ماودي انغش قلت لخويي أبي افحص قالي تعال خذ الموتر وخله معك يوم وروح وتعال وافحص على راحتك ومتى مأخلصت روح أنقله من عند ابو فلان وجيب وانقل موترك وتعال جيب فلوسه 
الفحص ضروري جدا حتى لو إيش لازم الواحد يتطمن ويرتاح غلطان من يشتري ولا يشيك على موتره 


up 1 down 0
احمممممدها 1117
قبل 7 سنه و 10 شهر



فيه واحد شايب ثقه باع لواحد جيب علا انه نظيف وفي النهاية طلع مرشوش كامل!!
تدرون ايش السبب؟
ولده الله يهديه قلب في الموتر والشايب مايدري وراح دقه ببويا جديده والشايب علا نياته
الواحد ينتبه من الخمات اللي مالها سنع


up 2 down 0
الشيخ فواد 300
قبل 7 سنه و 10 شهر



علمناكم 100 مره الي مايعرف للسيارات ولا المعارض موب عيب ولا يستحي يودي احد معه


up 4 down 0
saudiguy 203
قبل 7 سنه و 10 شهر



ما تشوف الشريطية قليلين خاتمة

كله من ظلم الناس


up 2 down 0
أبو عبادة 4852
قبل 7 سنه و 10 شهر



بمعارض النسيم 
جمس سييرا 2012 مستعمل
سعره اغلى من جمس 2013 جديد
و كلهم نفس الفئات و المعرضين جنب بعض
على بالهم الناس مايدرون عن نزول اﻻسعار
الله ﻻيوفقهم هالشريطيه و المعارض النصابين


up 0 down 0
abdullah al s -20
قبل 7 سنه و 10 شهر



من جدك فيه ناس كذا ؟؟؟؟؟؟؟؟؟؟؟؟؟؟

والله ما الوم الشريطي يوم ينصب عليه لانه مغفل




up 0 down 0
ahmad alotaibi 311
قبل 7 سنه و 10 شهر



اصلا خويك يسمونه(صيده) وترهم ما يطيحون بها الصيده الا بشق الانفس...اذكر قبل كم سنه(ايام النشاط)هههههه اذا كنت فاضي اروح للمعارض وادربي راسي واسوي نفسي اني اقتنع بكلام الشريطي اسود الوجه والخلق واضيع وقته من بعد العصر الين العشاء واشوف حركات المعززين لكلامه وانا اضحك من داخلي وعند آخر شي اقوله ابتصل على واحد يسلفني وارد لك،،،وبالنهاية اقوله خويي يقول موترك ما يسوى نصف المبلغ رضيت عطني 300نفحص بالغروب اذا الفحص 100% افحص بحسابي بورشه ثانية واذا 100% سليم على كلامك توكلنا وخل نكتب اتفاقنا هذا بأقرب معرض......كثير منهم كنت اسمع منهم عبارة(ياوالله العلة ) ويعطيني مقفاه بدون مايضيع زيادة وقت


up 1 down 0
ابوعبدالمحسن123 531
قبل 7 سنه و 10 شهر



ابوعبدالمحسن ههههههههههههه كثر الله من امثالك

خويي ياناس الرجال والله مكسين مايفهم بالمواتر وكلنا انولدنا كذا محد ولد فاهم

الرجال درس وتعلم لو لا الدروس ماتعلمنا

لكن بكرا فيها حساب اما الله وحده ماراح ينفعك يوم تلقى الصيده

كلن بياخذ حسابه كامل ومعرف الي يسرق الناس كل ريال راح يعذب فيه نسأل الله العافية


up 0 down 0
ابو عزوز8 430
قبل 7 سنه و 10 شهر