أضف سؤال أو موضوع جديد          

ناشب بالموتر مشورتكم ؟؟

up 1 down 0
حمد العتيق 9
قبل 7 سنه و 10 شهر



السلام عليكم 

عندي فورد تاونكار موديل 95 اشك انه بدأ يطلب بعض القطع الإستهلاكية ويحتاج الى تغيير كفرات ولكن ماعندي السيولة الكافية خصوصاً ان احنا مقبلين على العيد مثل ماتعرفون 
يحتاج الى جلد بلوف واذرعه وعمود توازن وفحمات وركب وكفرات وفوق هذا يحتاج الى جهاز مكيف , الموتر ماش مهب على خبري في قيادته من اول ماشريته حطيت فيه مايقارب 700 ريال للقطع الاستهلاكية وماشي معي زي الحلاوة  اواستمر معي الى قبل 3 شهور ( له سنة يعني ) 
والآن اشك انه بحاجة للقطع الإستهلاكية لكن مافحصته حتى اعرف وش فيه 

ناس ساموه قبل يمكن 4 شهور ب10الاف و11الف و13 الف 

وشرايكم ابيعه ولا اخليه معي خصوصاً ان احنا مقبلين على العيد لو ابيعه بستفيد من بيعته لمقاضي العيد ولو بخليه معي ماقدر ادبر دراهم القطع  وماراح اتقضى زين للعيد

كم بيسوى لو أبيعه ؟ علماً إني اعزب وعاطل واخواني بالبيت ومواترهم موجودة لو ابي اي شي ماقالوا لا 

بيني وبينكم ودي أبيعه اليوم قبل بكرا مابي انشب فيه لكن نشوف رأي الإخوان وماخاب من استشار وكل عام وانتم بخير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته : 

أخوي لاشك ان اللنكون سياره حلووه وفخمه وقويه , بس كل شي له عمر وينتهي , ولو معاك سيوله تسويه وتشده , صدقني يطلع ورده ويخدمك مره ثانيه ..

شوف ماشاء الله عمر السياره 18 سنه , يعني عمر طويل جدا , ولكن إذا ماعندك سيوله , وجاب لك 12 , 13 الف , حلووو .. 
 
بيعه وحاول تجمع لك كم قرش , وتدور لك ماركيز موديل 2000 او 2001 يكون نظيف وان شاء الله يخدمك 5 سنوات قدام .. 


up 2 down 0
عاشقـ الماركيز 3498
قبل 7 سنه و 10 شهر



توكل على الله وبيعه سعره جدا حلو وهو بحالته هذي
وشوف لك وضيفه الله يفرج عنا وعنك 


up 0 down 1
osama.amg 381
قبل 7 سنه و 10 شهر



صادق شيخ اخوك يعطيك مره مرتين ثلاث اربع خمس ست سبع ثمان خلاص  بعدها لو تقوله  دقيقة واجيك يكرشك


up 1 down 0
صوت العزاوي 523
قبل 7 سنه و 10 شهر



بيعه يا رجال اذا محتاج دراهمه و عاد مثل ما لقيته راح تلاقي اللي احسن منه يعني التغير افضل برأيي و الله يرزقك باللي يسرك اخوي و موفق ,,


up 0 down 0
semoo- 23
قبل 7 سنه و 10 شهر



وعليكم السلام ورحمه الله وبركاته

طيب اخوي حمد تبيعة وتقضي للعيد وتجلس مشخص بدون سيارة ؟؟
واخوانك اكيد مو مقصرين معاك لكن تفرق لي صارت سيارتك تحت يدك اي وقت تبيها موجوده
وحتى لو دخلتها المعارض الآن عسى تلقى احد يوقف عندك
السوق نايم لدرجه ما تتخيلها ونفس الوجيه والأشخاص من شهرين يدورون ويقشمون حب محد يشتري ولا يسوم

انا من رأيي انك تشوف الشي المهم وتصلحه
بحيث انك ما تضغط نفسك وتحرم نفسك من مقاضي العيد وبنفس الوقت ما تهمل السيارة
وبعد العيد لك الخيار تبيعها او بإذن الله تتدبر ويفرجها ربك وتشيك السيارة من إلى
الله يرزقنا وإياك ويفرج علينا وعليك وكل مسلم
بالتوفيق


up 1 down 0
abo kayan-55 652
قبل 7 سنه و 10 شهر



مشكورين ياإخوان ماقصرتوا .. 

بيعة السيارة مب عشان اتقضى لمقاضي العيد بس .. الموتر واضح انه يطلب قطع ناهيكم عن شغل اليد وانا ماعندي سيولة الا يالله لمقاضي العيد وعساهي تكفي بعد .. وخايف الموتر يسنتر عندي برا البيت ويكون عرضة للتشاليح كل واحد بيلصق ورقه على القزاز يطلبه للبيع على 4 الاف و5 الاف 
..

مشكورين يالربع بيض الله وجيهكم 


up 0 down 0
حمد العتيق 9
قبل 7 سنه و 10 شهر



بعة والله يرزقك بغيرة 

زود قيمتة منى مناك واشتر سيارة تخدمك 
اما يالغلا انك بتتقضى ب ١٣ الف 
وش بتشري 
يمكن الف الفين ثلاثة وين يالحبيب ١٣ 
والله يرزقك بوظيفة ويرزقنا 


up 1 down 0
باسل الروقي -40
قبل 7 سنه و 10 شهر



اخوي باسل بعقلك بتقضى ب13 الف !! لالا ياخوي , الدراهم بخزنها عندي الى مالله يفرجها بس عشان ماعندي سيولة للاصلاحات خايف يتفاقم الامر ويجلس عند الباب لأهل التشاليح 


up 0 down 0
حمد العتيق 9
قبل 7 سنه و 10 شهر



تم عرضه للبيع في موقع حراج والله ييسر البيعه 

جزاكم الله خير ماقصرتوا بيض الله وجيهكم وكل عام وانتم بخير 


up 0 down 0
حمد العتيق 9
قبل 7 سنه و 10 شهر



خل موترك تحت رجلك ولا تبيعه ثم تندم.....مشي حالك الى ان تتيسر امورك وصلحه....


up 0 down 0
asalami 2179
قبل 7 سنه و 10 شهر



انت من اي بلد اذا كنت من مكه اشتريه انا 


up 0 down 0
الله ييسر كل معسر 76
قبل 7 سنه و 10 شهر



^
من الرياض طال عمرك .. 
ودي اخلي موتري وش زيينه والله لكن عاد الشكوى لله .. 



up 0 down 0
حمد العتيق 9
قبل 7 سنه و 10 شهر