كيف أتكسب من السيارات؟

هذا انسان اناني حسود مايبي لك الخير ,, الا ان كانه مايبيك تصير نصاب مثل غالبية الشريطية الانجاس . فكذا معه حق

عشان محد يفتح لي محاضرة بالردود ,, انا ماعممت عالشريطية لكن غاالبهم نصاب من واقع عشرات التجارب وليست واحدة

حسب علمي واتمنى اذا كلامي خطأ يبلغونا الاخوان

انا شايف ان في السعودية مثلاً منطقة الرياض يحبون التويوتا وعندهم اسعارها غالية ( المستعمل )
بينما الشرقية اسعارهم اقل ويفضلون الهوندا والهيونداي والامريكي

انصحك تلف لفة على موقع حراج بحسب المنطقة
وتشوف مقدار التفاوت بالاسعار بالمناطق ومن هنا تشتري من المكان الي يبيع هذا النوع من السيارة برخيص
وتبيع في المكان الي عنده السيارة غالية

وهذي مو طريقتي بالنهاية وفتاء وممكن يضرك | هذا نضرة عامة من شخص مجرد يشوف من بعيد وما جرب

على  حسب منطقتك وصدقني  شغلة تشتغلل شريطي لازم تكذب  او ما تبين له كل شيء لان لان 
لان بعضهم يبي سيارة سكر بماء بعضهم يدور سيارة باسم شايب وكالة وما يععطيها حتى عياله ومحافض عليها ويبونها بابخس 
الاثمان  وكثير من  الشريطية اعرفههم يقولون افضل لك 
الحراج والمكاتبه وفحص الكمبيوتر ههو المكسب

صادق اخوي اول تعليق اصلا ما لهم صحبة  ولا جت عند الفلوس   والسيارات يخدعك  او يغدر بك  ومالهم اخوة 
يعني تجيه  عنده سيارة حلوة خذها بسعر السوق او بيقولك  حقت اخوي ما يرضى لو بمكسب 500 ريال
وسوالفهم ما تخلص  انت شف وجيهم وبس 

رأيي إنك تبدأ تبيع وتشتري بالسيارات الصغيرة والرخيصة لأن يمكن تشتري سيارة بسعر غالي وتبيعها بخسارة ,, خلك ع الحفيف إلين تتمكن وتعرف السوق وتصير عارف كل شي وبعدين إبدأ بالسيارات الأغلى شوي تدريجياً ,, مجرد رأي وأتمنى يعجبك 

ما أدري

أحس إن الشغله قد تفقدك بعض أمانتك

للأسف البعض إن كنت صادق وأخبرته ببعض عيوب السيارة يروح ويتركك لواحد آخر ماعنده أمانه ويخفي عنه عيوب السيارة ويحلف بعد , وبعد فترة المسكين يكشف بلاوي فالسيارة ويندم إنه ما اشترى من البائع الأول صاحب المصداقية

استورد من امريكا و اتكسب فيها من هنا 

و انتبه لا تترك وظيفتك لانك ما تعرف الظروف ممكن تنجح او ما تنجح او يكون شغلك بسيط 

فاخليك على وظيفتك و اشتغل بالسيارات .

مدري بس يقولون اشتر من الشفا وبيع بالنسيم والعهده على الراوي لاني اكره شي اشوفه الشريطيه غش وتدليس وخداع سواء بالمشترى او البيع وانشالله انك منت منهم ونظيف ولعلك تنظف السوق

انا عندي لك نصيحه بعيده عن المعارض والشريطية والكذب والغش

المبلغ اللي معك تقدر تستثمره وانت مرتاح 50% ارباح تقسيط بطاقات سوا وبشروطك العالم طايحين في هالتقسيط 20 ب30 فايده 10 الاف حتى اغلب كبار الشركات اصبحت تشتغل بهذه الطريقه وقد لاتجد معرض او شركة تعطيك مبلغ فوق 50 الف وروح اسال وشوف كيف المبالغ مضاعفه وارباحك تستثمرها في نفس الوقت وطريقتها حلال باذن الله

يبي لك ثلاث حاجات

تحلف بالله وبأمك وعيالك واهلك ,, بالعربي تخلي ذمتك وسيعه

تصير حرامي وتكذب كثير

وجهك مغسول بمرقة يعني اذا جيت تشتري تكسر السعر واذا بغيت تبيع اطير السيارة بالسماء وتحلف انها انظف من الوكالة

بعدها راح تكون مكاسبك بالهبل ولكن تذكر

مأكلك حرام ومشربك حرام وملبسك حرام واخرتك ماتشفع لك

اللي بيتكسب بالسيارات بذمة لازم يكون باله طويل جداً والبيعه بتنتظر الين يجي الزبون اللي يقدر السيارة لأن النظيف غالي .. كذلك اغلب الشعب مايشتري الا لما تغسل مخه بالحلف وان السيارة نظيفة

اقسم بالله اني اشتغلت في سيارات وشبه يوميا في المعارض وصدقني مافيها خير
خاصة اذا كنت من اهل الضمير يعني مابتغش احد 

مكاسبها شوي وخسايرها فادحه اشتغلت في السيارات ولا شفت اي خير 
بعدها تورطت وبعد مواتري اللي معي الى اصدقائي اقساط وفتكيت من ذي الشغله


ابضرب لك مثال واقعي حصل معي

اشتريت كامري 2006 بودي وكاله ماشيه تقريبا حول 300 الف بعد عشره ايام جيمت معي المكينه وخسرت مبلغ عشره الالف ريال 

اخوي نصيحه اذا معاك مبلغ افتحلك مشروع افضل من الشغل في السيارات الا اذا بتجيب سيارات بطاقات جمركيه وتبيعها

باعكس ممتازة بس بشرط لاتقسط لان التقسيط مشاكله كثيرة!!
اشتري شبه جديد واعرضه في المعارض اذا جابت لك السيارة مكسب 2000 وطالع صافي خير وبركة بدون ماتحلف او تكذب اعرضها وخل الزبون يجربها عن طريق المعرض اذا ناسبته اشترى !!

تجارة السيارات سهلا جدا 
تحتاج منك عمل حسابات و ذكاء في اختيار نوع السياره و ان يكون السعر مناسب 
يوجد نقطتين للأسعار 
هناك سعر للتجاره
و سعر للاستخدام 
عموما ما في اي نوع تجاره فيها مكسب
التجاره عاما ربح و خساره
أهم شيء لا تدخل اي تجاره انت ما لك فيها نصيحه
و اذا لك رغبه في السيارات و حاس انك بتنجح توكل على الله
والله يوفقك

فعلاً حط في بالك انللسياره سعرين سعر عشان تتكسب فيه وسعر للسياره الاساسي للأستخادم يعني على سبيل المصال لقيت سوناتا سعرها 40 الف واللي عارضها شريطي فكيف تشتريها وتتكسب من وراها ؟ ماتقدر ،، لازم يكون سعرها تحت 35 عشان تاخذها وتلمعها وتبيعها ب 40 2 / سيارات الشركات فيها خيير هالكلام قاله لي شريطي يبيعون سيارات بسعر طااايح وانت تاخذها وتلمعها وتضطبها وتبيعها 3 / اعرف شريطي يشتري سيارات مصدمه ويلفها ويبيها وماتكون صدمتها قويه رفرف / صدام / ومن هالأمور الله يوفقك ان شالله وييسر امرك

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه