كيف المعارض يسرقونك وانت ماتدري؟؟ قصتي
16
1
إضغط هنا للإخفاء
احد الشباب هنا امس ذكر قصه مع معرض المركبة الفاخرة وانا اسميه النصاب الفاخر
قدر الله علي قبل فتره وبعت سيارتي وقررت ادور سياره
واكره ماعندي هذا الشعور الي تجلس بالمعارض كل يوم تفرفر تدور شي سعره معقول وزين او جديد بسعر ممتاز وعاد يالله تشوف النصب والاشكال وتنسد نفسك
المهم شفت موتر جديد والله واسأل اليماني بكم حاده راعيه قال بكذا قلت والصامل الي يقول كذا قال ادفع عربون ونكلم صاحب الموتر
دفعت عربون ١٠٠٠ ريال وعرضت سومتي عليهم سومه جاده قالي بكرا نكلمك لان الكلام كان بعد المغرب
قلت توكلنا على الله
ورجت للبيت ودخلت موقع حراج وبالصدفه حصلت نفس راعي الموتر مسوي اعلان وحادها بنفس المبلغ الي انا سمتها منه
كلمت الرجال وعرفت بنفسي وقلت له انا دفعت عربون وسمت متورك بهذا المبلغ ومعي مايثبت سومتي
قالي كلموني المعرض بس عطوني سومه غير كلامك!! منقص ابو يمن عشره الالف على سومتي واقولكم ليه
المهم قلت له بكرا الصبح انا عند اليماني وانت ماتعرفني ولا كلمتك قال اوكي
رحت الصبح له قلت هاه بشر كلمته قال اي وان الرجال يقول اصبر افكر!!
قلت لليماني الحين دق عليه قدامي قال لا توي مسكر منه وقالي انا اتصل لاتتصلون!!
طلعت من المعرض واتصلت بالرجال وقلت له السالفه
تدرون وش قالي قالي المعرض دقوا عليه وقالوا الزبون رفع السومه زياده الفين بع يرجال
يعني ابو يمن كان مصر يزرف الرجال ويزرفني
رجعت وسألته السعي مني ولا من صاحب السياره قال من صاحب السياره
وصاحب السياره قالوا له السعي من المشتري هههههههه
رجعت لهم العصر وقلت له شف دق على الرجال الحين او هات فلوسي بس قال اصبر ما اصبر قلت خلاص لقيت موتر غير موتركم حسيت ان جالس اطركم
سحبت المبلغ وكلمت صاحب السياره الي جاء للمعرض قال خلاص بطلع سيارتي ابو يمن انقهررر وشوي ويصيح يقوله ليه مابعت للزبون قاله مسوين تلعبون علي انا والزبون وتهاوش معهم وطلع الموتر وشريته منه بالسومه الي كسرت فيها اخر سومه بالموقع
العجيب ياناس كم واحد تحصلونه موقف سيارته بالمعارض ويجيه زبون صادق ولا يعلمونه
لان وقت البيع البايع مايشوف الشاري اللهم يجي يستلم الشيك ويمشي ولا يدري صدق بكم انباع موتره
من وين نلقاها من الشريطية او المعارض
ما نقول الا حسبنا الله ونعم الوكيل
قسم بالله ارحم كل شخص يدور سياره كأنه جالس يخطب يتعب عشان يحصل الشي الزين والي مو مغشوش
اسف على الاطالة
وكل عام وانتم بخير
إبلاغ
سيارات للبيع
الردود
لا ياخوي ياسر الشاري الي يوقع والبايع يجي يستلم شيك ولا يدري بالمبلغ الحقيقي المباع
0
0
قبل 10 سنه و 8 شهر