بعض الاعلانات غير جاده ومبالغه بالسعر

وش تبغانا نسوي 

اليد قصيره والعين بصيره

ما نقول غير 

الله كريم

الاعلان ببلاش .. يعرض سيارته بسعر فلكي ,, ممكن يجيه زبون ويشتريها بسعر كذا ويبيعها ..
انا بنفسي كنت اسويها .. اعرض سيارتي ب82 الف وهي اساسا اكثر شي يسوى لها 70 الف ..
انت لما تشوف اعلان كذا سعرها فلكي عن باقي السيارات ,, اغلق الاعلان وشوف لك غيره ..
والله انا اشتريت سيارة من موقع حراج ب72 الف وانظف من سياره كان يبي صاحبها فيها 78 الف ..

اي والله صدقتو لكن اعلانتهم اذونا فيها وتحصله معلن ستين مره ملزم يجي خبل يشتري منه

تقصد بختصار لا توجد مصداقيه في البيع والشراء والمشكله الاكبر ان السياره تتصفط على جنب بسبب جشعه مع العلم انه بالاخير يبيعها بسرع قليل بس هذي عقول الناس المسكينه الي همها في الدنيا جني المال سواء بالحلال او الحرام الله يهديهم ويشفيهم

اي والله صدقت عقولهم مسكينه والله يافي اعلانات قسم تبي ترحمه وهو مسوي مستذكي

ياجماعه الخير لا تحكمون على ناس كلها صحيح فيه بعض الناس يرفعون السعر وفيه بعضهم بعكس يبي يبيع الي يشوف تستحق سيارته   انا  شفت النترا 2012 سياحي بمعارض مسيومه 47 الف   وشفت نفس موصفات وممشى ولون بموقع 42 الف يعني فرق 

 وسمحلي يا صاحب موضوع اكثر سيارات تحصلها غاليه تلاقي اصاحبها من جده  مغلين سياراتهم  

والله فيه ناس تشتري و احلف بالله في ناس تشتري بأسعار فلكيه

واحد معلن جمس امريكي يسوا بالكثير 55 الف الى 60 الف موديل 2005

المهم حاط السعر 86 الف 

وناس كاتب له بالردود 86 ههههههه أشتري لي 2008 أحسن لي ومن هالكلام

وكتبت ردي باعلانه وقلت

لا تظلموا الرجال يمكن قصده 68 الف !!

المهم بعد اسبوع كلمني على الخاص

ويقولي فعلاً كان حدي فيه 68 الف لكن بالغلط كتبت 86 الف

ولكن أبشرك واحد كلمني وقالي ب 73 الف تبيع و توكلنا على الله وبعته 

شفتوا ؟

والله فيه ناس تشتري , بعضهم ما يدري مسكين عن اسعارها

مثل عمي نزل المعارض و لقي الاكسبلور 2006 ب 60 الف الى 65 ألف ريال !!

وشاف له بالموقع واحد سعره 57 الف وراح شراه

مع إن اسعاره مابين 40 الف الى 48 الف في الموقع

لكن هو قارن سعره بين سعر المعارض و شاف فيه فرق

فلازم الوااحد يشوف كل الاعلانات 

مو يدخل على اعلان وما يدري كم اسعار اللي مثله ويكلم راعيه على طول ويتفق معه

تأكد يمكن الاسعار نزلت او الموقع أرخص من المعارض

وبس

طولت عليكم 

تحياتي لكم : محبكم أبو يزيد

الأسعار في موقع حراج الغالبية العظمى
أسعار خيالية مبالغ فيها .

كلام ابو يزيد عين العقل وكلام مابعده كلام صراحه
هذا هو المفروض
انا رأيي قبل الواحد لا يشتري يشوف اسعار المعارض والحراج ويسأل في المنتديات وبعدين يحط السعر الي يناسب السيارة ومو شرط انه يكون فوق السومة,لان اغلب الي يسومون مايشترون اصلا وانا لي سابق تجربة بعد