انتبهو من محلات الكفرات ونصبهم
6
3
إضغط هنا للإخفاء
قررت اليوم اغير كفرات الموتر وجلست ادور من محل لمحل رحت شمال وشرق الرياض ورحت للغرابي الغريبه يا اخوان الاسعار تفرق بشكل كثييييييييييييييييير
تخيلو احصل الكفر عند هذا ب١٠٠٠ وعند جاره ب٨٠٠ والثاني ٧٥٠ وكلها نفس النوعية
والله القهر مافي احد يراقبهم
عندكم مثلا الطيار اكبر نصاب الكفر الي في الغرابي ب٥٠٠ عنده فوق ال١٠٠٠
بالصدفه وانا عندهم جاء رجال معه جمس وبكم ويصرف له ابو هنود سعر حول الالف والمسكين يبي يغير قلت له اصبر رح للغرابي والله ان تحصل نفسه واجدد بنص السعر
واقول للهندي ليه اسعاركم كذا يقول مادري كلام مدير
شي يقهر زرف عيني عينك
المهم انا رحت للغرابي وحصلت الي ابي المهم واليماني بداء يفك ويشتغل ركب ٣ كفرات واجي الاحظ انه مركب لي كفرات غير التاريخ الي اتفقت معه جايب لي شي اقدم شوي يوم خلص مركبها وجاء يبي الحساب قلت له وين كفراتي القديمه قال هنا قلت ايوه الحين ياحلو تروح تفك الي انت ركبت وترجع كفراتي مثل ماكانوا
كل اخوياه الي بالمحل اسكتوا وجلسوا يطالعون
جالس يبربر انا تعبت وانا وانا قلت شف لاتجلس تلف وتدور انت مسوي ذكي تحسبني ما انتبهت انك ركبت كفرات اقدم تاريخ شايفك من البداية
قال ليه ساكت اجل قلت كذا بس
المهم اخوياه مسوين الدعوى عادي ويجلسون يضحكون يرجال عادي مايضر
قلت انا مو ضارني امشي والا ادفع ولا ريال لانكم حاولتوا تسرقوني واذا ماودكم تفكونها بكيفكم انا بشغل وامشي بعد دقيقه
جلسوا يتمتمون باليماني وفكوها وركبوا القديمات ورحت لمحل ثاني وغيرتها عندهم الحمدلله
الزبده من السالفه انتبهوا ياناس وقت تغيير الكفر لان التاريخ يفرق وهم اذكيا يلخمونك بالسواليف ويغيرون لك الكفر ويمكن عرض الكفر بعد ويحاول يصرف القديم الي عنده
لاتدفع الا اخر شي
لاتخلي الكفرات المستعمله عندهم ترا يبيعونها على السيارات القرنبع
انا اخذها وارميها بزباله كبيره وانتم بكرامه
كفرات او زيت او صيانه لاتروح وتخلي الاجنبي لحاله تراهم حراميه
والله الذمه عندهم بريال وخاصه ذولا الي حتى عند الاشاره طالعين لك مسوين سعوددين للاسف
وكل عام وانتم بخير
إبلاغ
الردود
0
0
قبل 11 سنه و 4 شهر