أضف سؤال أو موضوع جديد          

عن البناشر و إستغلالهم

up 8 down 7



صبحكم الله بالخير , اليوم الساعة 10 الصباح قمت عساس أروح للوكالة أغير زيت موتري لأني البارح رحت بعد

التراويح و أمة محمد عند الوكالة كلهم يبون يغيرون الزيت !!!!!!! فقلت أخليها الصباح أحسن و الناس نايمين و يوم

رحت و اتفاجأ بنفس زحمة البارح أو أقل بشوي , و أنا متعود أغير الزيت عند الوكالة فقلت ما بدهاش و رحت لم

قطع الغيار و أخذت (سيفون) المهم رحت لأحد البناشر و ركبت الزيت , طبعاً أخذت 5 علب من النوع اللي أستخدمه

طبعاً الحبة ب 17 , 5 * 17 = 85 و يقول لي الحساب 90 ريال قلت و ليش الزيادة ؟ قال حق السيفون !!!

قلت تستعبط على مخي ؟ السيفون أنا اللي جايبه أنت مالك عندي إلا حق الزيت و الزيت يطلع عليكم ب 10 

يعني مكسبك أقل شي 30 ريال !!! و تبي تاخذ زود عشاني ما أخذت السيفون من عندك ؟ و المشكلة هالبناشر

بعضهم يبيع لك سيفون مضروب ب 25 و أنا سيفون سيارتي ماخذه من الوكالة ب 15 !!!! المهم إشتد النقاش

و رفضت أعطيه الزيادة المزعومة , بعضهم يقول فاتح موضوع يا البخيل يا قعيطي عشان 5 ريال ؟ أقول يا

حبيبي أنا ما عندي مانع أعطيه زيادة 20 ريال بس لا يسوي فهلوي علي و يطلع شغلات من راسه , أنا ماخسرته

شي يوم إنه يركب السيفون و هو ربحان مني من حق الزيت !!! يسولف علي واحد من الشباب كان يشتري

زيت بالجملة و السيفون من الوكالة و يروح يغيره عند أي بنشري ب 10 ريال , بس أبو يمن إنتبهوا لهالشغلة

اللي ممكن تنقص من أرباحهم فحطوا تسعيرة موحدة و إتفقوا عليها 20 ريال أو أكثر بعد على حسب نوع السيارة

والله لو عندي حفرة بالبيت ما قبلت لا على وكالة و لا على أبو يمن !!!! بس الشكوى لله و عالعموم أنا حبيت

أوضح لكم قد إيش البناشر إستغلاليين , و نسيت أقول لكم أنا أكره أغير عند البنشرية لسبب رئيسي جداً مهم يجي

لمك , أغير فلتر الهوا ؟ لا .. أزيد زيت الفرامل ؟ لا .. أغير زيت القير ؟ لا .. أغير البطارية ؟ لا .. ما باقي إلا

يقول لك أغير المكينة ؟ ههههههههههه تقبلوا تحياتي و أتمنى ينول تقريري المتواضع على إعجابكم.

تحياتي: أبو صالح







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صحيح اغلب الفلاتر حقات البناشر مو اصلية خذها وقارن الوكاله فيها وتشوف العجب


up 0 down 0
rangrover666 146
قبل 8 سنه و شهر



يااخوان الي بيغير زيت ﻻيشتري من البناشر اشتري من محلات الجمله وبتحصل عندهم جميع الزيوت والسيفون بس انتم جربوا وبتشوفوا الفرق


up 0 down 0
Abu Tariq 16 1086
قبل 8 سنه و شهر