أضف سؤال أو موضوع جديد          

اليوم بغى يصير علي حادث لكن الحمد لله عدت على خير

up 7 down 1
speed for ever 3705
قبل 6 سنه و 3 شهر



السلام عليكم ورحمة الله وبركاته
كل عام وأنتم بخير
عيدكم مبارك
وتقبل الله منا ومنكم صالح الأعمال

الشوارع صايره زحمه ولخبطه أحد مسرع بقوه وأحد مهدي بقوه تحتار معهم .. أحد يمينك و أحد يسارك و أحد خلفك

الزبده
اليوم كنت اتمشى بالدايري وفجأه واحد بنشر كفر سيارته انصلخ وولع فلشر ووقف على جنب
المهم قعدت اناظره واشوف وش صار عليه ما أدري وش فيني فهيت شوي هههههههه لأني شفت كفره انصلخ بوسط الشارع

إلا فجأة ناظرت قدامي ( كنت أمشي بالمسار الأوسط ) وبسرعه تقريبا 110 او 120 .. وأتفاجئ قدامي بـ صني يمكن يمشي 50 بوسط الدايري

وأمسك فرامل ( خربان الـ ABS والهوبات يبي لها خرط ترج ) وأنطل بالسياره على اليمين لأنه قريب جدا ولا يكفي الفرامل و سويت مثل راعي جيب اللكزس اللي بالفيديو هذا
http://www.youtube.com/watch?v=YhuB_AwIQQE

والحمد لله عدت على خير وصرفتها .. طبعا المسار الأيسار فيه ناس جايين مسرعين ( شكلهم مغطين لوحاتهم ) يعني مالي إلا أصرفها بالمسار الأيمن

وأنا حدي 120 أو 110 ما أتعداها عشان ساهر يعني لو صرفتها يسار يمكن يصدمون سيارتي المسرعين بالمسار الأيسر

نصيحه يا اخواني لا تخلون شيء يشتت إنتباهكم عن السواقه ؛ انا الحمد لله فكني الله و راح أنتبه وأركز أكثر في السواقه

و نصيحه اذا تفاجأت بأحد قدامك لا تيأس أمسك فرامل وشف بسرعه اذا احد يمين أو يسارك .. عشان تقدر تنطل أو تصرف السياره

لأن الفرامل لوحده أحيانا ما يكفي ولا يمديك لقرب المسافه ؛ مالك إلا تنطل السياره يمين أو يسار وخلك مركز ولا تنربش عشان تثبت السياره وتسيطر عليها

http://www.youtube.com/watch?v=YhuB_AwIQQE








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الف حمدلله على سلامه ,, وانتبه ياخوي ترا اذا انت مركز غيرك مفهي ,, تخيل اليوم واحد راعي تاهو واقسم بالله ارررتفع ضغطي الف طريق سريع يمشي فيه حوالي 40 !! مريت من جنبه اناظر فيه لقيته ماسك الجوال وجالس يطقطق عليه !! وغير بعض الاجانب من دون ذكر الجنسيات معه سياره ملفقه تلفيق وكل كفر له طاسه شكلها غير ويمسك المسار الاوسط ويمشي 40 في شارع عام !! 


up 4 down 1
ابو سعود629 4706
قبل 6 سنه و 3 شهر



ليتك صادم عشان المره الثانية تخلي عنك القافة ههههههه

امزح الحمد لله على السلامة وعيدك مبارك


up 3 down 16
عبد اللطيف محمد -1
قبل 6 سنه و 3 شهر



^^
مايجوز اخوي تقول كذا حتى لو من باب المزح ..

انتبه الله يرضى لي عليك وكل عام وانتم بخير ..


up 3 down 2
برينسيزو 542
قبل 6 سنه و 3 شهر



هههه حمد لله على السلامة والله إنت جبتها صح وعدت على خير تصلح تمثل في فيلم السرعة والغضب مع فان ديزل


up 0 down 0
المستلج 1234 747
قبل 6 سنه و 3 شهر



الحمد لله ع السلامه ,,,

واتمنى مايكون لك من اسمك نصيب ..

غير اسمك بعد هالموقف خله سلولي فور ايفر ابرك لك هههههه ,


up 1 down 0
meezar 220
قبل 6 سنه و 3 شهر



الحمدلله على سلامتك وعدت على خير مع العيد 
وكل عام وانتم بخير


up 0 down 0
ابو عبدالله احمد 3471
قبل 6 سنه و 3 شهر



اليوم بغى يصير لي حادث أنا ماشي في تقاطع وماشي 40 وذاك داعس داك يوم شاف تقاطع كبس فرامل والكفرات حقه ممسوحه أو شي اشوف الشيارة حقه تتزحلط والله دعست وخشيت يمين وبعد ما وقف نزل يصارخ وش رايكم


up 0 down 0
moody-ezzi 515
قبل 6 سنه و 3 شهر



يارجال اليوم عند مخرج ١٥ واحد قلب قدامي وللحين ودي ادري وشلون وخاصه انه مافي احد احتك معه ومن زود لقافه الناس وقفت وصار ٣ حوادث معه

انا نظامي لا توقف تتفرج لان الي وراك ماله ذنب بغلطتك ثم يصدمك


اذا تبي تساعد وقف على مسافه عنه ثم انزله

والحمدلله على السلامه صاحب الموضوع التفهيه بالسواقه مشكله


up 1 down 0
rangrover666 146
قبل 6 سنه و 3 شهر



الفاوة مشكلة اغلب الحوادث انا صدماتي اغلها فهاوة للاسف الشديد


up 0 down 0
العامري دوت كوم 2 457
قبل 6 سنه و 3 شهر



الحمد لله على  السلامة ولازم تعشينا  حق السلامة 


up 1 down 0
صوت العزاوي 526
قبل 6 سنه و 3 شهر



الحمدلله على سلامتك وعدت على خير


up 0 down 0
هاوي الشفر 90 2
قبل 6 سنه و 3 شهر



والله انا عندي الفرامل امن شي حتى لو صدمت خفيف 
في مرة كان عندي سيات ليون ودوبي مغسلها وملمع الكفرات وماشي في الكورنيش 
والتراكش مقفل ونفس الحركة كنت مفهي واناظر يمين ويسار والا تاكسي قدامي ماشي 20 في المسار الاوسط يدور زبون
ونا وراه وماشي 100 وبيني وبينه تقريبا 5 متر ويميني جمس ماشي نطلت يسار << وبعدها ما شوفت الا سيارة تدور وتخبط في الشجر 
ونا اشوف البحر يدور وكنت خايف اطيح فيه بس الحمدالله سيارة وقفت مع صدمت الشجر 
+ السيارة تالف وكنت باقي لسا ادفع اقساط الله يعوضني


up 0 down 0
7amo0ody 33
قبل 6 سنه و 3 شهر



الحمدلله على السلامه


up 0 down 0
إبراهيم - أبو خليل 32
قبل 6 سنه و 2 شهر