التجمهر والتعطل

شكل سيارتك خربته ولا احد وقفلكك وبعده 10 دقايق شفت حادث والعالم واقفه هههههههه
يا رجال حنا عالم نحب نشوف الاكشن مدري ليه

ههههه لا والله ياسمي بس التجمهر شي يقهر 

ﻻ والله يا أخي ما هي فزعة

لقافة وفضول زايد

فضاوه وحب استكشاف ..

يعني مدري وش الفايده تقول وراعين تجمعو على جوال 

كلامك مزبوط ولك لايك وكمان التجمهر عند المصاب في الحادث يؤدي إلى تقليل الهواء مما يزيد الصعوبة في التنفس لدى المصاب وتقليل نسبة الأوكسجين يعني يكون واحد إثنين من المسعفين ماعندك مشكلة اما تجي امة محمد تبغى تفزع هذا غلط وشكرا

ياحبيبي نصفهم وقت التجمهر ماهمه الاشخاص همه وش يحصل جوال محفظة......الخ

النصف او اقل وليس الاغلبية

تعريف المتجمهرين أثناء الحوادث في السعودية

رقم واحد هم الفضوليين و الملقف  المتطفلين و الله لو الواحد فيهم يسمع و ش ينقال فيه وهو واقف في الشارع لأنسلخ لحم وجهه

رقم اثنين هم حنشل يبحث عن جوال ، محفظة ، كاميرا ... ما خف و زنة و غلى ثمنه

سيارته راعيها ضمن الملاقيف المتطفلين على مصائب الناس نازل و تاركها في وضع التشغيل 

أنا تعطلت في تربة والله والنعم في اهلها 
اكثر من واحد وقف وعرض خدماته بإللحاح شديد 
وانا وقتها كنت انتظر شخص اتصلت عليه حتى يجيني ونشحن السيارة ...قالوا لي مافي مشكلة تعال تقهوى عندنا لين يجي خويك

ليت في كل المدن كذا

وعليكم السلام ورحمة الله وبركاته
الله يبارك فيك
كلامك صحيح اخوي
بالنسبة للمتعطل ويأشر في الطريق...الله اعلم ممكن ما يكون يحتاج مساعدة...ممكن يصير واحد حرامي ويبي يستغل الناس بهذي الطريقة عشان اذا وقف له احد بيساعده يجي يعتدي عليه وياخذ فلوسه ويمكن سيارة ويمكن يقتله
يعني خذوا حذركم...مو شرط كلامي ممكن يصير صحيح 100% أو خطأ...لكن قد تحصل مثل هذه الامور.

الله يحفظنا برحمته

والله صادق بس تصدق أنا أشيل معي موية راديتر لو شفت حد متعطل أعطيها له وأكسب فيه أجر ولو شفت سياره متعطله أنوارها طافيه أشحن له بس إذا شفت شباب عددهم أكثر من 2 أمشي أسحب عليهم أخاف يكونون حراميه ولاشيء الدنيا مو آمنه عاد أنا لحالي ما أضمن 

سليمان بعد ما قرأت كلامك مانيب عاد موقف أشحن لحد خلاص بس بعطي موية رديتر وبفقع والله قمطت ههههههههه 

انا صار حادث امامي ... اول من نزل انا  . حصلت الرجال منصفر . المهم فتحت الباب. نزلت المرتبه . وطفيت المسجل.  وشفت وراي الا 10 سيارات وانا احرك  واخليهم ماحب التجمهر