شوفو لي حل مع الوراعين في الحي

قل حسبي الله ونعم الوكيل هذي سهم من سهام الله عز وجل ولكن إن كانوا اطفال فقل الله يصلحهم ويهديهم مافيه حل غير كذا 

الحل   غطها  لا جيت تسافر ولا توقف تحت شجرة او مضلة خلها عند الشمس وما يجونك 
ونصيحة لا تعب نفسك وتعور راسك لانك لو جبته  راح يجي ابوةالي هو جاارك وبتصير فيها حب خشوم 
واحراجات الى ما تتنازل ووللذلك انسى يعني   وبالنسبة لي بزران الحاره مااتكلم عليهم ابدا !!

فيه حل تركب كاميرا مراقبة ممتازة جدا وليست مكلفة


ولها فوائد لك وللجيران من ناحية كثرة السرقات هالايام

اشوى حارتنا مافيها بزارين 

بالنسبه لمشكلتك يا عزيزي مالها حل 

انا اول ما شريت السياره لاحظت عليها خط من الرفرف للرفرف وبصراحه شيء قهرني ونرفزني وانا متاكد انه مو بزر لان البزر ما راح يفكر يسوي خط من الرفرف للرفرف واغلبية اللي يسوون هالحركات هم كبار بعقول اطفال وحسودين واقل ما يقال عنهم ما تربوا او بالاصح تربية شواااارع

بالتوفيق

الاطفال خاصتن مالهم حل لانهم جهال وعقولهم صغيره وماتقدر تقنعهم باي شي حتى لو تظربهم ,,

الحل الوحيد انك تنزلك نفسك لمستواهم وتبادر انت بالسلام عليهم كل ماشفت احد منهم ف الشارع و..السلام عليكم يابطل كيفك يابطل وش اخبار ابوك واخوك ,,كيف الدراسه يابطل ..سلم لي ع ابوك يالطيب ..

واذا لقيت احد منهم يمشي بالشارع ويبي بقاله قله وانت وشفته وانت تسوق وقف عنده قله تبي اوصلك اكيد بيقولك لا البقاله قريب قله طيب سلم لي ع ابوك واخوانك يابطل ,,

هذا الحل الوحيد مع الاطفال الاشقياء ..حتى لو تشتري لهم كوره ب 10 ريال ..واذا لقيتهم قلهم انا لقيت هالكوره بحوش البيت ..من هي كورته ..بيقولون لك ماهي لنا قولهم انا لقيتها متسطحه عندي لكن خلاص هذي هديه لكم مني ,,

وعقبها صدقني راح يحرسون سيارتك من ملاقيف الاحياء الثانيه ..ويسلمون عليك كل يوم ..

ماتسمع بعض الكبار يقول انا ماني بزر تاكل عقلي بحلاوا ..وهذولي الاطفال تاكل عقلهم بكلمه طيبه وكوره ههههههههههههه ,,

كوره ب 10 ريال احسن من فرن بويه ب 4 الاف ريال ههههههههه ,,والله يعينك ..

المشكله انو بعضهم يمكن يدرس في الثانوي وعقله عقل بزر 

المشكله انو بعضهم يمكن يدرس في الثانوي وعقله عقل بزر 

اذا جيت بتسافر احش السياره ديناميت وخل نظامها التوتش
انثر امهم نثرررررررر والله ماعاد يعيدونها
>>>>>>>> الحاره بكبرها بتنتثر خخخخخخخخخ

كلمهم حتى اللي ف ثنوي بالعكس افضل ,,تم سلم عليهم وقلهم ياشباب بالله انتبهوا للسياره فيه ناس يحكون البويه وشكلهم ناس

من برا الحاره واحنا جيران ولمعلوميتكم والله لو اشوف حد يخرب سياراتكم والا حد صدمها لالحقه واجيبه لكم ,,


وتم سلم عليهم يقول الرسول صلى الله عليه وسلم بمعنى الحديث ( هل اخبركم على شي اذا فعلتموه تحاببتم افشوا السلام بينكم )

واذا جيت تدخ بيتك قلهم تفضلوا القهوه ,,

وحاول تعزمهم اذا شفتهم ف المسجد او عند بابهم مع ابوهم قله ابيكم تتغدون عندي بكره ولكم حق وواجب (خرابيط بس)ههههههههه ..

و عليكم السلام ورحمة الله وبركاته
أخوي إذا الحارة اللي أنت ساكن فيها مليانة أطفال أو بمعنى أصح مراهقين بعقول أطفال و تربية شوارع و لا عندك بايكة
مالك إلا توقفها في أي مكان آخر يكون آمن و بعيد عن تعرضها للأضرار مثل الأطفال و الشمس و غير ذلك
على سبيل المثال بيت أخوك بيت عمك بيت نسيبك أو في محطة بنزين تعطي أحد العمال ١٠٠ ريال وتوصيه على السيارة المهم لا تخليها بالطريقة هذا.
و أنا أعرف واحد كان يعاني من نفس المشكلة اشترى غطاء قماش خاص للسيارة و غطى سيارته و سافر تتوقع مالذي حدث ؟
تم إشعال النار في القماش و راحت عليه سيارته في أقل من ٣٠ دقيقة
أوصيك كذلك بهذا الدعاء عند ترك سيارتك أو أهلك و بيتك
استودعكم الله الذي لا تضيع و دعائعه، أستودعتكم الله دينكم و أمانتكم و خواتيم أعمالكم
اللهم أني أستودعتك أياهم
فاحفظنا و إياهم من كل آفة و عاهة
استودعتك اللهم نفسي و سيارتي و بيتي و خواتيم أعمالي

بالتوفيق ،،،

ياحبيبي انا موتري بحوش البيت ولا سلم يرمون حجر وعصيرات على البيت

المشكله اني جديد على هذا الحي ولا عمري قلت لهم شي واخاف اوقف الموتر بالشارع ولو لدقيقه

البزران اذا اجتمعوا مايجتمعون على خير شياطين والاهل الله يخلف كيف تخلي عيالك سردح مردح بالشوارع

حتى وصلت انهم يرنون جرس البيت ويهجون واشوفهم بالكام حق الجرس

بس في فاعل خير مره شافهم يرمون على البيت نزل وفرشهم ودق الجرس وقالي وهو من خارج الحاره قالي شفتهم يكبون عصير على سياره جارك ثم يرمونها في بيتك

تصدق ومن بعدها ماصرت اشوف شي بالحوش

ما اقول الا جزاه الله الف خير

انقل من البيت , ولو البيت ملكك اجره وانقل او انتظر وتحمل لين يكبرون البزارين . والله يكون فعونك يارب.

انا ساكن في مدينة عسكرية يعني مافيه بايكه كل السيارات مجمع في موقف والحي والواحد فيه 21 بيت يعني مستحيل يكون حي مافيه بزر 
الله يعين بس

الضرب وإذا امكن تجلد ابوه لا بأس

فيه افلام حماية توضع على السيارات وموجودة لدى شركات مختصة في المحافظة على الطلاء

حاول توقف سيارتك عند باب البيت لا تخليها في المواقف و أنصحك بكاميرا مراقبة مخفية تسجيل ٣٠ يوم على أقل تقدير
،،، بالتوفيق و الله يعينا و إياك

حط شمع فيران عشان تمسكهم :) .. في كاميرات . ماتصور الا الحظات المتحركه اشره وحطه عند بابكم . واي ورع تشوفه رح لم ابوه ووره المقطع . مثل ماصار با المسجد اول . ورعان ازعجونا حطينا الكام . وعزمنه كل اهل الحاره وشافو عيالهم :)

الافضل توقف سيارتك في التحليه ولا في شارع العليا لين تجي انا مره وقفت سيارتي في شارع عام وجيت لقيتها مثل ماهي 
والحل الثاني اي واحد من اصدقائك عنده بايكه وقفها عنده  ولا جبها اوقفها عندي في البيت الله يحييك شريت بيت فيه بيكه الحين