هل الكد في الصيفيه احسن استثمار لي الطالب

اقسم بالله انك رجل وبطل تعجبني خلك من اللي يجمعون فلوس عشان يسافرون ويغيرون جو استغل الصيفيه وكد انا استغلت فمستودعات مع اجانب واشتغلت بائع والان الحمدلله فرجت علي بس دورلك باص واشتغل وانشاءالله تلقى الطيب

مشكور اخوي وهداء من طيب اصلك

والله اذا تبي النصيحة في بالعثيم وبندة واكسترا والخ ..
وظائف جزئية بنص دوام 1500 ريال فترة الصيف طبعا كاشير والله ممتازة جدا وتختلط مع الناس وتتعرف على ناس جدد احسلك من تشتري سيارة مستعملة وتطلع منها مكسب وتدفعه على تصليحات

الله ياذكريات مع ذا الباص

سمعت ان اجراءاته معقده ويبغاله رخصه خاصه


مالك الا الشركات مثل ماقالو الاخوان ويوصل رواتبها لل 4000 ريال




موفق

شاكر لكم اخوواني بس الكد زين وفيه افلوس احسن من بنده ودومها

الكد بالسيارة ، فيه ربح و فيه خسارة ، لكنه أقرب للخسارة ، و ألا كان وجدت سائقي التاكسي لا يتركون العمل و يتجهون لأعمال أخرى .
خذ النصيحة من مجرب، ودور على عمل أخر .

وبعدين رواتبهم ضعيفه حسب مسمع

ما أنصحك توهق نفسك وتشتري بااص وفي أخير تكد حق أبو شهرين مو دائماً تكد لا تأخذ بااص شفلك شغله ثانيه بدون ما تدفع تكاليف 

خذلك لموزين من الشركات احسن لك من الباص وياخذون عليك اقل من 200ريال
وانت لو كديت باللموزين تطلعلك أقل شيء 500 نقص منها حق الشركة صاروا 300باليوم نضربها في الشهر بيصيروا 9000بالشهر

طبعا الشركات تاخذ باليوم اقل من200

طيب المزين وش يطلوبون من عشان اخد السيارة

فكرتك جدا حلوه لكن على حسب علمي ان قطاع النقل العام محتكر لصالح شركة سابتكو. لهذا السبب لاتوجد الا الباصات القديمة مثل الموجودة في الصوره.

ادخل الروابط ممكن تفيدك
http://montada.haraj.com.sa/2288/الصيفيييه-والفراغ-الزاايد-/





http://chevrolet.montada.haraj.com.sa/2177/شروط-استأجار-سيارة-تاكسي-؟؟؟/


http://montada.haraj.com.sa/2117/استفسار-عن-مشاريع-للطلاب-في-الصيف-؟/




ان شاء الله تستفيدون من الروابط

يالغالي لو بتشتري باص وتكد طول الصيفيه مابتطلع قيمته وحتى لو مثلا قلنا انك
طلعت قيمته (صب الماء رد الماء) مافيه فايده . روح مكتب العمل وشوف ، الله يرزقك

فكره حلووه ،، بس انا اقولك خلك على المضمون يعني شوف لك مكان في بنده او اي مكان ثاني

انصحك ببنده او العثيم او اي مول ...

شاكر لك اخواني علي مروركم وراح اتوضف في بنده

التوظيف الصيفي افضل حل لكل طالب ليكون له بدايه الاعتماد على نفسه وتنميه الاحساس لديه بقيمه مصروفاته ومعانات من يعوله ليوفر له كل متطلباته.