لماذا بودي السيارات القديمة أقوى من بودي السيارات الجديدة

هذا من اسباب السلامة
انا صح موتري حديد لكن لو صار لي حادث قوي لاقدر الله كان الدركسون كسر وجهي
ايرباقات مافيه

بسسبب علشان تقطع مسافة 600 كيلو بــ22 ريال 
ماهو مسافة                  600كيلو  وبـ54 ريال

ياخوي رح اسئل يالي صنعو السيارات  هنا با السعوديه  ماصنعنه الا غزال   ولا ندري وينه . على كلام بعض الناس با المححميه  حاطينه .... هههههه

لأن البودي السيارات الجديدة تمتص الحوادث لا قدر الله بعكس البدي القديم...
المشكلة لا جيت تلبق بالسيارات الجديدة وشطفت الماصورة يطيح الصدام كله بعكس الكابرس التسعاوي ما دريت عنه والخوف مب عليك الخوف على الماصورة...

السبب بودي السيارات الجديدة مصمم لإمتصاص الصدمات بعكس القديم .. ايضا السيارات الجديدة تعتمد على الخفة التسارع لذلك يستخدم الألمينيوم والحديد الخفيف لخفض وزن السيارة

مافي مقارنه
القديم افضل من سيارات اليومين ذي
اللي كنها كراتين ماتتحمل الصدمات
سلم لي على الكابرس القديم (

راحو الطيبين هههههههه

اعتقد ان وزن السيارات الحديثه ثقيل اقصد هيكل السياره السياره الشاصي والمحركات وملحقاتها مكينه قير ودفرنس عشان

كذا حففوا وزن البودي وصار مثل الشنكو ,,

وماخففوا وزن البودي الا لان اصلن مكاين السيارت الحديثه صحيح انها 6 سلندر و8 سلندر لكن عشان تكون بنفس القوه خففوا البودي ,,لانهم لو صار البودي ثقيل ف السيارات الحديثه بيكون هناك ثقل ع مكينة وقير السياره ,,

وبعض الشركات يتحججون بانهم جعلوا البودي خفيف عشان يمتص الصدمات افضل من البودي الثقيل اللي يكون قوة الارتطام به قويه وصلبه ,,

ع كل حال السيارات القديمه اقوى وافضل في جميع المواصفات من الحديثه واهم ميزه الامارن بعد الله ,,

السيارت القديمه اقوى من السيارات الحديثه مثل الشيبان الاولين اقوى من شباب هالايام ,,,

وكذلك القوه الشرائيه للريال اول افضل بكثيررررر من الان ,,

كل شيء ف الدنيا الي نزول للاسوء في جميع المجالات مثل الامراض والحروب والكراهيه والحاله المزاجيه ,,

تخفيف تكاليف الانتاج ( مهمة لصانع )

تخفيف استهلاك الوقود ( مهمة للمستهلك )

عشان تشري منهم موتر بمبلغ وقدرة وتدقش عليه دقشة خفيفة يروح تشليييح وترجع وتشري واحد مثلة وكذا.. هذا اللي يبونه ويبون يشغلون قطع الغيار هذي وجهت نظري

واهم نقطه جميع وكالات السيارت القديمه والحديثه ارباحها الفعليه من بيع قطع غيار البودي قطع السياره بشكل عا اكثر بكثير

من ارباح بيع السياره بالوكاله ,,
يعني يحطون بودي السياره زي الشنكو عشان ماتقدر تسمكره وتضطر ان تشتري قطعة بودي من الوكاله ,,وايضا كمبروسر وسلف ومكينه وقير كل قطعه صيني عشان تشتري قطع وتزيد ارباح الوكاله ,,

الهدف الاول هو تخفيف التكلفه و زايدة هامش الربح
لأن كل مازاد الحديد زادت التكلفه على المصنع (مع ان زمان السيارات حديد ورخيصه و الحين كراتين وغاليه)
يعني الحديد اللي يصنعون منه امبالا 1979 يقدرون يصنعون منه  4 او 5 هياكل ل سيارات امبالا 2014
وفيه اسباب اخرى منها توفير الوقود و السلامه

ارتفاع اسعار المواد الخام من حديد وبلاستيك وغيره وضحكو علينا بسالفة الامن والسلامه ماعدا الالماني لازال محافظ على جودته ولكن يعيبه انه يحتاج الاهتمام والمصاريف اول باول

اللي سمعته تخفيف الاصابات اثناء الحوادث

السلام عليكم يقولون ان السيارت القديمه اذا صار له حادث يصير حديده مثل السكاكين والبدي الجديد اذ صارله حادث ينخفس بس اطرفه ماتصير حاده ويسهل تعديل البدي ويخفف وزن السياره وطبعن  لهم مصالح مب بس لعيون المستهلك مثل تخفيف التكلفه عليهم وغيره مما ذكره الشباب قطع غير البدي يمشي سوقه عندهم وصلى الله وسلم على نبينا محمد .

مثل ما ذكروا بعض الاخوان، في السابق كانت اشتراطات السلامة توجب مصانع السيارة بتضمين الحديد والشاص لمرحلة امان قوية جداً لعدم وجود التكنولوجيا في حينها، اما الان انظمة السلامة ممتازة "نظام منع غلق المكابح ABS ونظام الوسائد الهوائية AIRBAGS وانظمة الهيدروليك والامتصاص مثل الفايبركاربون وغيرها" وتوجد تقييمات عالمية لها من شركات محيادة " لا تجامل احد " خصوصاً في اوروبا والصين وهي E-NCAP و C-NCAP والتقييم يكون على جميع انواع السيارات بجميع احجامها، وبناءاً على تقرير التقييم هذا يتم تقديمة للحكومات في البلدان المقصود تسويق السيارات فيها، ونحن في السعودية نعتمد الاثنين وقبلها تقارير الجودة الأمريكية فتلاحظ اغلب السيارات المستخدمة والمسوقة في السعودية موجودة في امريكا، ومجموعة كبيرة من السيارات لا تستوردها السعودية بسبب رفض امريكا لإستيرادها وتسويقها هناك.