ادخل وعطني شورك ..

السلام عليكم .. في البداية انا بقارن بين سيارتين مالهم دخل في بعض لكن كلهم حلوين وكلها فئات مختلفه ..
دودج تشالنجر ستاندر 6 سلندر .. وهوندا اكورد 2013 نص فل 4 سلندر فتحه وشاشه وجنوط .. طبعا سعرهم كلهم زي بعض 97 الف ومافي راسي غيرها .. هذا امريكي دفع خلفي وهذا ياباني دفع امامي .. من ناحية صرفية البنزين مادري والله .. من ناحية قوة العزل وقوة البودي اشوف التشالنجر تتفوق ..ومن ناحية الراحه والفخامه مادري .. شكلا .. انا اميل للدودج تشالنجر .. بس القطع ..! يقولون قطع الهوندا في سعر قطع بنز !!! والدودج يقولون افشل واسوأ وكيل في السعوديه ..ايش رايكم .. نجي للاعتماديه والجوده .. انا ابغا سياره للدوام اليومي والفرفره فما ادري هل التشالنجر تفي بالغرض .. ابغا راي كل واحد في الموضوع .. وسلامتكككم

إبلاغ

الردود

والله شف اذا بتدفع كاش انصحك بالهوندا واذا تقسيط ابعد عنهم

بالنسبه للتشارجر موتر فخم وحلو لكن وكيله سيئ للغااااااااااااااااااايه مثل ما ذكرت

انصحك بالهوندا وبقوه

camry grandi 99 7274
قبل 10 سنه و 8 شهر

اهلين اخوي
اولا التشالجر سياره جباره وفخمه ومميزاتها جدا حلوه اتفوقت اكثر من الي قبلها بكثير ومتماسكه جدا والعازل الداخلي ممتاز والداخليه واسعه وعند خوي واحده لونها ابيض 2013 ماشاء الله جباره وما تصرف ويعبي بنزين 91 وماشاء الله 24 ساعه فرفره وطلعها مع التامين الشامل وكامل المصريف 100 الف ريال(نيجي للوكيل طبعا قطع غيار غاليه والصيانه على كلام صاحبي ممتازه) نيجي وقت البيع (السعر ينزل على الاخر)
.........................
هوندا اكورد طبعا معرفه بجوده ويباني اصلي وفخمه ورساوه وغيرو وللعلم قطع غيار هوندا مو بنز اغلى من البنز يرجل خخخخخخخخ)_نجي لخدمه وقت البيع(ماسك سعرها مو ذي التشاجر راح تخسر)
ولا تنسى تستخير
ولا تحرمني من دعوه منك
والله يعطيك العافيه وشكرااا لك

beso0o_106 87
قبل 10 سنه و 8 شهر

أنصحك بالتورس نصيحة أخ

فيرينزي
قبل 10 سنه و 8 شهر

هوندا اكورد صحيح قطع غيارها غاليه بس تركب القطعه وتنساها ,, التشالنجر مشكلته الوكيل وسعره عند البيع ينزل كثير ..

ابو سعود629 4707
قبل 10 سنه و 8 شهر

اللي يقولك التشالنجر خرابات لاتصدقه أعرف ناس معاهم تشالنجر اس ار تي كارفينها تعديل وتدعيس ولا تشتكي من شيء صبوره لأن الشركه متعهده تقول صنعنا لك سياره من الصدام للصدام كلها حديد في حديد ولا طلعت غير ذلك نرجع لك فلوسك كامله بس عيب السته سلندر عزمها نايم لأنها مره ثقيله أنت بتشتريها شكل عزم أنسى حتى لو عدلتها
الأس ار تي ماكينتها 6.4 صاروخ بس مشكلتها تمسك مع الموستانق 5 لتر لأنها ثقيله ولا لو كانت خفيفه محد راح يجيب اسطباتها

kaboom smash 645
قبل 10 سنه و 8 شهر

اولا مبروك مقدما .. وثانيا إذا إنت من النوع إلي يطلع لحاله كثير خذلك الشالنجر اما إذا كانت مشاوريك مع الأهل اكثر كالتماشي والأسواق الخ عليك بالأكورد

الطيف الأزرق 747
قبل 10 سنه و 8 شهر

التشالنجر شبابية وحلوة والاكورد شبابيه وفخمة وحلوة مع الخط والصرفية البنزين ممتازة و13 حللللوة مرررررة وابداع فانا ارشحلك الاكورد يابانية واذا حافظت عليها بتكرف معك كرف ماراح تكرفه التشالنجر والوكيل سئ يعني لو حصل لها شي مايصلحا الا الوكالة ودام سمعته سيئة ليش تبلش نفسك معاه الاكورد وبس وخذ لون لؤلؤي واللله يباركلك فيها ويعطيك خيرها ويكفيك شرها والخيار لك اولا واخر

تقووى الهجر 252
قبل 10 سنه و 8 شهر