بخصوص ماء الرديتر

ماء الراديتر ما يتغير

إذا نقص تزيده ماء مقطر

والسيارات عندنا مصممة لﻷجواء الحارة

ﻻ تقلق وتوكل على الله

سيارتك جديده اقل شي يمشيك مويتها فوق 70000 كلم اذا سلمت من التهريبات والحوادث 
اذا صار فيه تهريب زوده ماء مقطر انتبه تحط من الماء العادي يصدي بالرديتر وطرمبة الماء ويجمع ترسبات وصداء
بالتوفيق .

يابوي توها السيارة كملت 1000 كيلو ما امداك تفكر في الحرارة والرديتر؟

اهلا


انا مدري هل يتغير ماء الرديتر او لا

ولكن حتى لو يتغير ما بتغيره على 5000 كيلو هدي المسافة اقطعها بشهر و عشرة ايام !


انا بدلت ماء الرديتر بعد سنتين وما كان فيه مشكله و لكن قلت خلني اغسل الرديتر مع المكينة و اغير الماء افضل

ودي اسأل يا الربع 
ذحين يضر السياره اذا حطيت ماء عادي  للرديتر  ولا لازم احط الماء المخصص له  لان في ناس يقولون يضر 
وفيه ناس يولون عادي مافيه مشكله 
ومشكورين 

زيت السياره الجديده يتم تغييره اذا مشت السياره 5000 آلاف كيلو .. لأن فيها زيت ممتاز للتمرين من المصنع ولا يغير إلا بعد ما تمشي عليه 5000 آلاف كيلو عشان تكون المكينه اتمرنت تمام

ماء الراديتر اذا نقص تزيده ماء مقطر

وما راح تسخن سيارتك ولا شيء .. تطمن

أهم شيء خلال الـ 1000 كيلو الأولى لا تدعس بقوه .. خل قيادتك هادئه وبسرعات مختلفه

والتحميه مهمه للسياره

اخوي زايد نعم يضر بعد فتره من وضع الماء العادي 
يصدي بنظام التبريد كامل ويمسك صداء في السرندل 
ويسد فتحات التبريد في الرديتر ويصدي بطرمبة الماء 
اذا اضطريت انك تغير المويه كامله تعمل الآتي : 
تشتري مويه خضراء او حمراء او ذهبيه حسب سيارتك 
وتزود عليها ماء مقطر فقط كم علبه حتى يتعبى الرديتر كام
بعدها تشغل السياره وتعبي حتى يتعبى كامل الرديتر 
هذي هي الطريقه الصحيحه بالتوفيق 

بكتالوج سيارتك ( دليل المالك ) تلقى كل كم تحتاج تغيير ماء الراديتر أو زيت المكينه او الخ... وتلقى جدول صيانه

أنصحك وبشدة تقرأه يجي عربي وإنجليزي تلقاه بدرج سيارتك

ولا توسوس

علبة الماء المقطر بريالين ( 2 ريال ) من البناشر او محلات الزينه
http://www.toyotaclub-sa.net/up/uploads/13118802259.jpg

ولا تغيّر ماء الراديتر الحين .. حرام عليك يا اخي ( جديييييييد !! )

بعض السيارات الحديثه يجي فيها ماء راديتر عالي الجوده LONG LIFE من المصنع و يتحمل لمسافه ومده طويله ( 5 سنوات أو 100 ألف كيلو ... أو أكثر )

ومن خلال كتالوج سيارتك تعرف اذا سيارتك فيها ماء راديتر يتحمل لمسافه طويله جدا أو لا ..

موية اللديتر لازم تتغير لأنها مصنوعة من مواد تفقد خواصها مع الحرارة والتفاعل ومع مرور الزمن يعني لازم تتغير .. ولاتغير تحت ال70000 او ال 80000 الف .. ونصيحة لاتشتري موية لديتر من الباشر ام 10 ريال ترها ماتسوي شئ مو مثل الموية حقت الوكالة تكون مركزة ومشبعة بمواد مقاومة للحرارة .. يعني أشتري موية من الوكالة من قطع الغيار تلقى عندهم والنوع يا جالون كاسترول او أي سي دي او نوع اخر حسب الوكيل والبنشري يغيرها ب 20 ريال .. اما إذا تبغى تغيرها في الوكالة وأجرتهم طيبة فيكون افضل

أشكركم جميعاً وبيض الله وجيهكم 
والله كنت موسوس لدرجة أخاف امشي الظهر عليها أخاف تسخن :) 
اتمنى لكم جميعاً التوفيق

مالومك, وسوسة السيارة الجديدة , مادام هذا اولها موسوس بالمي اجل يانك تبي توسوس بالمكينة و بصوتها ووزنية السيارة وخذها ذقها كل يوم بالصناعية والسيارة جديدة ومابها شي, توكل على الله والسيارة ماتطلب شب ان شاء الله غير المي وزيت المكينة ولا توديها الوكالة وريح راسك ولاتمر الوكالة نهائي , ياهم بيشفطون فليساتك شفط والسياره بقراطيسها. الف مبروك السيارة .

الف الف مبروك 
كلام الاخوان على متمه 
زيت وبنزين واسحب ع الوكاله 
واذا كنت تبي تمر الوكاله لتغيير الزيت فقط 
مو يقولون لك صيانه ال ١٠٠٠٠ ب ٨٠٠ وتصدقهم 
قل لهم ابي اغير ديت وفلتر بس 
وترا سيارتك ما تطلع من الضمان لاتخاف 
مجرد ما تغير زيت فقط وتدخل السياره بالنظام عند كل تغيير تعتبر منتظم بالصيانه عندهم 
والله يعطيك خيرها ويكفيك شرها 

انصحك على استفسارك هذا تجيب لك سواق يهتم فيك و بسيارتك

واضح انك مييييح بالسيارات