ابي الكل يدخل على موضوعي وابي وقفتكم
8
1
إضغط هنا للإخفاء
السلام عليكم ورحمة الله وبركاتة وكل عام وانتم بخييير
اخواني انا بيوم من الايام شفت شخص عمره 30سنة تقريبا
يبيع حبوب وحشيش للناس وهو جار رحيمي
وشدني وزاد همتي فالبلاغ عليه لانه يبيع لناس اعمارهم 17سنة وممكن اقل
الموهم..
بلغت عنه دقيت على المكافحه وبلغت عنه قابلت رجال المكافحه ودليتهم على بيته
هذا الكلام بشهر 8 -1434
باليوم الثاني بيعد الفطر قابلت هذا الشخص اللي بلغت عنه
قريب من محطه وقالي ابيك توصلني معاك طبعا رفضت قالي ياخوي تكفى والله على طريقك وقلت خير
انا عرفت نيته واخذت حذري منه وصلته فمكان شوي مضلم رفضت ادخل معاه واتعمق فالطريق
وقلت له انزل
قال يعطيك العافيه والله ماقصرت
نزل ولف بطريقه سريعه من ورى السياره وضربني على وجهيي ونزل دم بسرعه وطرحني فالارض
وحط يدينه على رقبتي يعني بيقتلني
اللي صار اني ضربته على المنطقه الحساسه ويوم قام ضربته لا ركبته
وبسرعه ركب سيارتي وشرد فيها يوم عرف اني بتمكن منه....
بعد ساعتين الشرطه لقو السياره كانت مفحط فيها ومعدومه والزيت طالع من الكوير او الكويل
والزيت طالع بعد من الغطاء حق المكينه وفيها اصوات السياره غريبه وكثيره
وغير الغبار اللي فيها
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يااخوني انا اشتكيت عليه فالشرطه تصدقون بالله ومسكوه وطلع ماجلس اكثر من 7 ساعات فالتوقيف
الا واشوفه عند بيتهم
والله على مااقول شهيد
رحت للشرطه يقلون جاء قرار من المحقق ان يخرج بكفاله
ــــــــــــــــ
السؤال هنا كيف اقدر اخذ حقي انا من المدينة المنورة يااخواني
ابي طريقة اخذ فيها حقي وابيه تعويض عن سيارتي
وابي اعرف كيف اجيب تقرير للسياره
واللي يعرف يكتب برقيه بصيعتها يتبها لي
لاني فكرت اشتكي لوزير الداخليه
هذي قصتي وسامحوني على الاطاله
والله يكتب لمن يساعدني كل خير بالدنيا والاخره
إبلاغ
سيارات للبيع
الردود
0
0
, اول شيء اذا سجلت تقرير طبي بالاصابه اللي جتك وبلغت فيها في الشرطه فأخذ التقرير ورقم المعامله ولازم يكون مذكور فيها انه اعتدى عليك وسرق سيارتك واعدمها واخذ صور السياره واتركها ولاتستخدمها
طبعا جمع المعاملات هذي كلها ورح لوزارة الداخليه افضل اذا مااقدرت فارسل برقيه موضح فيها كل شيء واذكر اسم المركز اللي صارت فيه القضيه واسم الضابط اللي كان موجود وركز على انك تكتب ان المركز افشى بهوية الشخص المبلغ للمجرم مماادى الى الاعتداء وسرقة السيارة واتلافها , واذا ماسويت من هذي شيء فمالك حق عند الحكومه ولو رفعت المعامله بيضيع جهدك سدى , لان الكلام على الادله فقط
, عموما اذا تبي تصيده راقبه حتى تتأكد انه يملك مخدرات وبلغ ادارة المخدرات بيجونك لان دورياتهم بكل مكان ويلقون القبض عليه وبيروح فيها
, الله يعينك في الزمن هذا صار فاعل الخير ياكلها
قبل 10 سنه و 8 شهر