وكالات السيارات ووزارة التجاره
9
3
إضغط هنا للإخفاء
معليش ياشباب انا بتكلم بلعاميه (ماعرف اتفلسف)
الحين سؤال لوزارة التجاره
ليش بعض الوكالات يبيعون قطع غيار اسعارها مناسبه مثل سيارات فورد ونيسان كمثال فقط حتى الصيانه معقوله
وبعض الوكالات يبيعون باسعار خياليه؟ مثل ميستوبيشي ومازدا ( يعني مراح نتكلم عن الرنج روفر ولا الاودي ولا فراريي انا اتكلم عن ناس البسطاء مثلي وهم غالبيه الشعب )
غيرمشاكل الصيانه ومشاكل الضمان وحركات النصب مثل تغيير الاكسسوارات الاصليه بلصينيه والتايوانيه؟
وش سالفة وزارة التجاره ؟ لها ناس يعني ! قويين على ناس وناس لا ؟
ترى الشعب ماسكه معهم على العساف وزير الماليه وانا معهم بس ترى الداهية (الفرعون الاكبر) والله هو وزير التجاره(الجمرة الخبيثه)
لانه ناشب لنا في حياتنا الليوميه قسم بالله سجلو عندكم
السيارات - هو الي مخلي الوكلاء يسرحون ويمرحون
المواد الغذائية - ترى الي يلعبون معه بيلوت ربعه كلهم تجار
زيوت السيارات- القطع الي ماليه السوق بدون ضمان والي عليه ضمان مايطبق
حنى تعبنا ورى زياده الرواتب وبدل الاجار الي كنه بيض الصعو نسمع به ولا شفناه وغيرها وغيرها
خلاص مانبي منة الله ولا منة خلقه بس عاد الحين مافيه زياده ولا بطيخ لا تعودون للي في جيوبنا
الرز طار وشعلل
ساهر كنه واحد من عيالك تصرف عليه من جيبك كل شهر
زيوت سيارات مغشوشه كل يوم موضبين مكاين
سياراتنا نشتريها جديده وتخرب ولا يشملها الضمان ( مثل الي يقول طق راسك بلجدار)
الكهرباء اغلى تعرفه في العالم -لا والادها منزلينها خصخصه حتى وزير الكهرباء يقول هذي شركة للشعب فيها اسهم حتى الحكومه شاريه اسهم مالنا شغل فيها ( هنود حنى مثلا)
فواتير الجوال اقصد شركات الجوال - تجيك الفاتوره دبل ليه ( انت عزيزي المشترك مشترك في باقات:
نادي الهلال -مطبخ حواء- تفسير احلام - سياحه جزر الوقواق ؟؟؟!!!! على كيفكم انتو (اتحدى واحد اشتكى ليه؟ لانه داري محد معبره ) والله مساكين
وغيرها وغيرها خلو ذا القرشين نكد فيها على هلوراعين الله ماعاد نبي شي نبي فلوسنا في مخابينا
( ترى عندي وجهة نظر بس التعبير مايطلع حتى بفازلين)
المهم ابيكم تعبرون عني وتقولون لي
إبلاغ
سيارات للبيع
الردود
من جد رحت اشتري فحمات بريكات لسيارتي لقيتها في الوكاله ب650 ريال ليه ؟
لقيت محل قال اعطيك فحمات ب180 ريال ودرجه اولا وماعرف ايش
قلت ياسلام هات واروح اركبها قسم بالله انه من ثالث يوم الا صوت البريكات يسمعها الي باخر الشارع !!!
رحت للمحل قال ماعليها ضمان؟ يعني طقينا من القوم وطحنا في السريه !!! هربت من سعر الوكاله وطحت في نصابين التجاري؟
قلت يوم ماعليها ضمان تختم على الورقه ليه ؟ قال هذا انك استلمتها مافيها عيب ؟ يسلام!!
الحين الاخ وزير التجاره ليه يسمح لمثل هلقطع تدخل السعوديه ؟ معليش نعرف ان فيه مصانع تسوي قطع غيار تقليد ويمكن تكون مثل الوكاله وشغلها ممتاز بس مثل هلقطع التعبانه من سمح لها بلدخول؟
وشمصلحته ؟ تراه ياخذ من فلوسنا ويرسلها لمصانع دول في الخارج ( شغل عميل مزدوج والله احسها خيانه)
متى بيحطون وزراء زي الناس
ارامكو اذا بتتعاقد مع مصنع حتى يورد لها يرسل وثائق الجوده ويزورون المصنع ويشيكون
هذا الوزير هو ويا جبهته وشعنده متمسس على الكرسي ومخلينا مسخره عند العالم الي برى؟
يعني مانفهم حنى ؟ شعب غبي مثلا؟ يستغفلنا هو وخشته؟ ترى قسم بالله لو بغو يسوون نظام يقدرون بس لهم مصالح اكيد
اكثر ماكثر الله المصانع الي بلخارج مايصرح لهم بدخول البضائع الا بشهادات ووثائق جوده وضمان الزامي غصب عنهم يبون ولا لا يصدرون غيرهم ملايين يحبون ايدينا حتى نستورد منهم
بس المشكله ماهي منهم المشكله من هلبشوت
الليوم بغيت اكسر التلفزيون بلريموت يقول المذيع : ارتفع التضخم في المملكه من 3,50 الى 3,75 (التضخم ارتفاع السعر مقابل الاستهلاك) وانا اقول والله من هلوزراء الثيران
5
0
لتقليل من الحاصل هذا
دائما
لابد ان نحرص اننا نشتري قطع الغيار المهمة اصلية
احرص انك تشتري هذي القطع من الموزع و ليس من نفس الوكالة
للمعلومية الفرق يبن الموزع و الوكالة يمكن يوصل النص
اشتر من الوكالة البواجي و الفلاتر بس
بقية الأشياء من الموزع مثل الأقمشة و الفيوزات الكتاوات مراوح رمانات
القطع الخارجية و حتى اللمبات ممكن وشمعات ممكن تآخذها تجاري و توفر مبلغ و قدرة
مع الحرص على السؤال عن قيمة الأصلي والتجاري و المستعمل الأصلي عشان نشوف خراجنا
مثل صدام الفورد الأصلي ب 1500 و التجاري ب 150
لمبة الفرامل الأصلي ب 5 ريال التجاري ب 1 ريال
طبعا قطع الغيار ارتفعت ارتفاع فاحش
لكن اللهم ارزق حكامنا بالبطانة الصالحة
و يبعد عنا الغلاء و البلاء
3
0
كل الخدمات همها جيبك وما عليها منك يامستهلك
1
0
1
0
اخوي الامير ابو نواف
كلامك صحيح طال عمرك
الحين يوم يطبقون ساهر بحذافيره بسرعه البرق وتجيك رساله في ثواني ليييييه ماتجيني رساله استلم بيتك من البنك العقاري ولا ارضك
يعني على قولت البدو : الخير مابه خير والشر عجل به
حركات الوزراء :
عند تطبيق نظام ماهو في صالح المواطن : ( تم) العمل بنظام -كذا وكذا- وستطبق العقوبات والغرامات فيمن لا يلتزم
عند تطبيق نظام في صالح المواطن : تم تشكيل لجنه (للنظر) في -كذا وكذا- على ان تنتهي الجنه خلال 12 شهر من تاريخه وترفع الى هيئة للدراسه وثم للشورى للدراسه وثم يعترض عليها ملعون خير مقيول له اعترض لان فيها خطاء املائي وتعاد الدراسه للدراسه ويبطون عظم
حكي فاضي قسم بالله
0
0
بعدين يا عيال غيار الزيت والفلتر سووها برا
وابعدوا عن الوكالة
الشغلة كلها نصب في نصب
1
0
بس اب اتكل عن منظومه متكامله استشرى فيها الفساد يعني لوحاول الوزير يعدل شيء مابيقدر على طول يبيله سنين عشان يغير , عندك اول شيء اذا يبي الوزير يجند موظفين جدد ليعملوا في الميدان مهو بكيفه لازم توافق وزارة الماليه اذا ماوافقت فمحلك راوح , واذا اراد استحداث انظمه وعقوبات جديده لازم يوافق مجلس الوزراء وعلشان يدرس ثم بعدها يرفض يبيله سنتين وتعرفون طول وقت المعاملات في القطاع الحكومي , والشيء الثاني اذا يبي يتعامل مع وزارة ثانيه يبيلها حمام زاجل زي ادارة الجمارك اذا يبي يعرف كم اسعار التكلفه , بعدين مافيه اصلا شيء اسمه حفظ مستندات عندنا يعني اذا تبي تنبش في شيء قديم يبيلك جهد ووقت لايعلمه الا الله , بالاضافه انه مايوجد تعاون بين وزارات الدوله اذا طورت وزارة نظامها وعدلت امور تلقاه ممنوع حسب انظمة الوزارة الثانيه او مايتعاملون معه بنفس الطريقه , اذا وزارة التجاره ارادت فتح تحقيق لتقصي حقيقة الارتفاع في الدولة المصدره لازم تتواصل مع وزارة الخارجيه عندنا وردد ياليل مااطولك , فالمنظومه كامله منتهية واذا حاول شخص التغيير فاللي حوله عايشين في العصر الحجري والفساد مستشري فيهم , وفي الان فيه اغلاق محلات بالهبل فكويس التغيير البسيط هذا لكن ان شاء الله انه بداية التغيير للافضل , احنا زعلانين ويحق لنا الزعل لان وزارة التجاره اهي الوزارة الوحيده اللي يعتمد عليها الشعب وتلامس حياتهم , لكن مانقول الا الله المستعان
0
0
تستاهل لايك
قبل 11 سنه و 3 شهر