سعر الزيت والسيفون

سعرهم بالشرقية 20 ريال لتغيير الزيت وما شاء الله عليهم موحدين السعر بكل المحلات ..

هذا اللي انا اسوية بس اعطية 15 اذا زيت وسيفون 

تغيير الزيت 5 ريال مع السيفون 10 وهذا المفروض نسوية بدل ما يكل عليك البنشري 50 زيادة

صااادق في الشرقيه موحدين السعر للتغير بـ 20 ريال واليوم جايب له زيت وسيفون من براا وقام وغير الزيت وهو زعـلان 
ونفسه في خشمه وكأنه يقـوول ليه ماشريت من عنـدي .. لعبوا في حسبتنا هالاجانب و أولهم ابو يمن ..

انصح كل واحد انه يشتري زيت من قطع الغيار يطلع عليك أرخص ولو يحصل لك انك تغير الزيت بنفسك يكون احسن واحسن .

ي شباب م فهمت 

انا بغير زيت السياره عند البنشري وبيسلخني ب 70 ريال او 80

من فين اشتري الزيت بالسعر دا ؟؟

السلام عليكم 

انا مغير زيت وسيفون 105 ريال لان الزيت زاد ريالين 
الزيت شل كنت اغير 15 ريال والحين 17 ريال حتى احسب اليماني يكذب لاني لي 4سنوات 
متعامل معاة وجا وراني العلبة البلاستيك الحمرا مكتوب 17 ريال

انا ادفع 110 ريال كل شهرين لان مشاويري خفيفه زيت وسيفون
عند البنشري لو سويت الي قلتلي عليه بيصير ادفع حق الزيوت والسيفون جمله خمس علب وسيفون للمره الوحده 70 ريال وحق شغل يده 15 صارالمجموع كامل = 85
, يعني الفرق بيصير 25 ريال!!!! لا اغير عند البنشري ب 110 ريال كلها زياده 25 ريال وانا مريح راسي جنب بيتنا وانا واثق من زيوته اصليه لاني متعامل معه من سنين وما شفت أي مشاكل منه
واريح راسي من مشوار لين اخر الدنيا عشان اشتري كرتون زيت
وسيفونات خصوصا في الرياض المشوار ياخذ ساعه كامله يعني وبيروح علي بالخط وانا ماشي 10 بترول و7 ريال يمكن اوقف اشتري ببسي بريالين وجالكسي بثلاثه ريال وشوية شيبس بريالين يعني بيكمل المبلغ كامل نفس الي بياخذه مني البنشري بحركتك الي قلتها نفس الي بدفعها للبنشري يعني انا مقتنع تماما انهم ياخذون علي 110 ريال وكل شي عليهم ومن عندهم وانا مرتاح

ملك  الافضل انك تشتري كمية  شوي ببس ؟؟

 امس اشتريت مفك خاص بالسيفون ومفك صواميل 39 قطعه 
والله مهي صعبه كلها صرة زيت وسيفون الحمد لله ماهو ناقصني يد ولا رجل الله خلقني سليم معافا ولله الحمد

ومن وين جبت الحفره ؟ ^^^^^ يا عبدالله ببببب

طاسة  كبيرة   تحت صرة الزيت وافرش حصيره واذا انت دب ارفعها بالجاك (العفريتة)
 واذا تستحي تنزل تحت السيارة هذا شي راجعلك 

^^^^^^^^^^^^ معليش كلامك صعب مررره وفيها عذاب
الحين العماله ما سووها لان فيها ارهاق شديد ويمكن ما تقدر تفك السيفون وبعدين تركبه
خصوصا بعض السيفونات اماكنها ضيقه مررره لازم يدك تكون مددوه طولي وانت واقف عشان توصلها
الحين اشوف العامل الي قاعد بالحفره يالله يالله يفك السيفون ويركبه ويتبهذل فكيف انا المبتدأ
مع ذلك كلامك ممكن تنفيذه بس يبيله واحد خبرره لان ممكن الزيت يطشر على وجهك وانت تحت