أضف سؤال أو موضوع جديد          

أبي مكان حديقة الحيوانات بالرياض وين ؟

up 1 down 1
منتهى_الطريق 242
قبل 7 سنه و 6 شهر



السلام عليكم 

يأخوان ناوي أطلع لحديقة الحيوانات بالرياض بكرى سمعت أنه في عوائل اليوم كله 

بس حاب أسأل الجميع لاني من سكان الخرج وأضيع بعض الأحيان في الزحمة في الرياض 

عملي في الصناعية ونادر ما ادخل الرياض الا لغرض معين 

أبي عنوان الحديقة مع أي طريق و ين بالضبط مع طريق الملك فهد او من الدائري الشرقي أو الغربي 

أرجوا الافادة 

مع العلم اني جاي من الخرج متجه للرياض 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حديقة الحيوان في الملز شارع الاحساء
مع الدائري الشرقي تتجه شمال وتطلع لطريق خريص الى دوار الاحساء تروح يسار بعد 3 اشارات تجيك الحديقة على يدك اليسار


up 4 down 2
ابوسعد990 369
قبل 7 سنه و 6 شهر



وتقدر تروح لها عن طريق الملك فهد شمال لين يجيك مخرج الوشم وتطلع مع الاشاره يمين واطلع مع الكبري فوق وسيده بيجيك مفرق يمين ويسار اطلع يمين وروح سيده لين تجيك اخر اشاره بيجي الملعب في وجهك روح يسار بعدين بتجيك اشاره وروح معها يسار وبتجيك ع اليمين 

بالتوفيق


up 1 down 1
camry grandi 99 7274
قبل 7 سنه و 6 شهر



هههههههههه كله يسار ويمين والله اني التحست ههههههههه 

مشكور يا اخوان راح اسجلها بورقة وأحفضها 

الله يعطيكم العافية 


up 0 down 1
منتهى_الطريق 242
قبل 7 سنه و 6 شهر



الله  يخلي  نظام  الخرايط  و والجي  بي  اس
ههععع


up 2 down 0
غازي 20 26
قبل 7 سنه و 6 شهر



دخلت عليه و أعطاني مكان مواقفها مو مكانها ويقول واحد استعان فيه وراح مكان المواقف المسجل على الجي بي اس ولقاه فندق ههههههههههههه 

يعني مو كل شيء على الجي بي اس صحيح 




up 0 down 2
منتهى_الطريق 242
قبل 7 سنه و 6 شهر



اهم شيء لا تأكل الاسد فشاار :) 


up 2 down 2
بدر الغامدي 88083 4055
قبل 7 سنه و 6 شهر



هو فيها أسد أصلاً يقولون انتحر من كثر ما يأكلونه فشار و موز


up 2 down 1
أبو جـود 2747
قبل 7 سنه و 6 شهر



انت اذا وصلت الملعب الي بالملز امورك طيبه

يعني تقريبا الحديقه تبعد عن الملعب حق ابو دقيقتين بالسياره
اسأل عن ملعب الملز بس
وانا من راايي اقرب طريق لك وانت جاي من الخرج من الدائري الشرقي ووجهك شمال الين يجيك مخرج 15 مكتوب طريق صلاح الدين الايوبي تطلع فوق وتروح يسار وتمشي على طريق صلاح الدين سيداااااااااا لا توقف الين يجي ملعب الملز على يمينك يشوفه الاعمى واضح وبعدها تسال أي قطو عن حديقه الحيوان اكيد يعرفونها بتكون قريبه مرره
وياليت تسلملي على الزرافه فديتها


up 2 down 0
ملك الخطوط 236
قبل 7 سنه و 6 شهر



الله يعطيكم العافية ما قصرتم

واعذرونا على الديس لايكات هذا واحد من بزران الموقع دائما يدخل ويعطي ديس لايك لكل المووضيع بس ما يهم الايك والديس لايك اهم شيء الفائدة

وراح نأكل الاسد لحم لانه ما يحب الموز هههههه

ويارب الاقي زرافة

شكلي بجيب تقرير عن الحدقية هنا ان شاء الله


up 2 down 0
منتهى_الطريق 242
قبل 7 سنه و 6 شهر



بصراحه الحديقه اللي ف الملز وناسه ومابتندم ع زياراتها ,,

لكن يبي لك تروح من بدري يعني قبل العصر بشوي لانهم يسكرون مع اذان المغرب لان مافيه اضاءات ,,

وخذ معك بريالين خبز وزعه ع الحيوانات النباتيه وكيلو موز للقرد وكيس فشار تراهم اغلب الحيوانات مدمنه فشار ...

وتقدر تاخذ غداك معك وتتغدى هناك فيه اماكن مضلله ,,


up 3 down 0
meezar 220
قبل 7 سنه و 6 شهر



لو معك جالكسي واستخدمت خرايط قوقل فيه بيوقفك عند باب الحديقة ان شاء الله.


up 1 down 0
raselny 222
قبل 7 سنه و 6 شهر



والله وانا اخوك معي جي بي اس في السيارة بس المشكلة انه يعطين مكان المواقف وانا بصراحة مارحت له بس واحد من زملائي في العمل قال انه استعان فيه وراح لمكان مواقفهم بس لقاه فندق مو حديقة ههههههه وهذا اللي مخوفني أروح للفندق بدل الحديقة عاد بأكل مدير الفندق خبز وموز بدل الأسد والقرود هههههههه 


مشكور يا اخوان ما قصرتوا ولكم لايكات 


up 0 down 0
منتهى_الطريق 242
قبل 7 سنه و 6 شهر



طيب اذا وصلت المواقف وصلت الحديقه 


up 0 down 0
مالك رجا 605
قبل 7 سنه و 6 شهر