أبي مكان حديقة الحيوانات بالرياض وين ؟

حديقة الحيوان في الملز شارع الاحساء
مع الدائري الشرقي تتجه شمال وتطلع لطريق خريص الى دوار الاحساء تروح يسار بعد 3 اشارات تجيك الحديقة على يدك اليسار

وتقدر تروح لها عن طريق الملك فهد شمال لين يجيك مخرج الوشم وتطلع مع الاشاره يمين واطلع مع الكبري فوق وسيده بيجيك مفرق يمين ويسار اطلع يمين وروح سيده لين تجيك اخر اشاره بيجي الملعب في وجهك روح يسار بعدين بتجيك اشاره وروح معها يسار وبتجيك ع اليمين 

بالتوفيق

هههههههههه كله يسار ويمين والله اني التحست ههههههههه 

مشكور يا اخوان راح اسجلها بورقة وأحفضها 

الله يعطيكم العافية 

الله  يخلي  نظام  الخرايط  و والجي  بي  اس
ههععع

دخلت عليه و أعطاني مكان مواقفها مو مكانها ويقول واحد استعان فيه وراح مكان المواقف المسجل على الجي بي اس ولقاه فندق ههههههههههههه 

يعني مو كل شيء على الجي بي اس صحيح 

اهم شيء لا تأكل الاسد فشاار :) 

هو فيها أسد أصلاً يقولون انتحر من كثر ما يأكلونه فشار و موز

انت اذا وصلت الملعب الي بالملز امورك طيبه

يعني تقريبا الحديقه تبعد عن الملعب حق ابو دقيقتين بالسياره
اسأل عن ملعب الملز بس
وانا من راايي اقرب طريق لك وانت جاي من الخرج من الدائري الشرقي ووجهك شمال الين يجيك مخرج 15 مكتوب طريق صلاح الدين الايوبي تطلع فوق وتروح يسار وتمشي على طريق صلاح الدين سيداااااااااا لا توقف الين يجي ملعب الملز على يمينك يشوفه الاعمى واضح وبعدها تسال أي قطو عن حديقه الحيوان اكيد يعرفونها بتكون قريبه مرره
وياليت تسلملي على الزرافه فديتها

الله يعطيكم العافية ما قصرتم

واعذرونا على الديس لايكات هذا واحد من بزران الموقع دائما يدخل ويعطي ديس لايك لكل المووضيع بس ما يهم الايك والديس لايك اهم شيء الفائدة

وراح نأكل الاسد لحم لانه ما يحب الموز هههههه

ويارب الاقي زرافة

شكلي بجيب تقرير عن الحدقية هنا ان شاء الله

بصراحه الحديقه اللي ف الملز وناسه ومابتندم ع زياراتها ,,

لكن يبي لك تروح من بدري يعني قبل العصر بشوي لانهم يسكرون مع اذان المغرب لان مافيه اضاءات ,,

وخذ معك بريالين خبز وزعه ع الحيوانات النباتيه وكيلو موز للقرد وكيس فشار تراهم اغلب الحيوانات مدمنه فشار ...

وتقدر تاخذ غداك معك وتتغدى هناك فيه اماكن مضلله ,,

لو معك جالكسي واستخدمت خرايط قوقل فيه بيوقفك عند باب الحديقة ان شاء الله.

والله وانا اخوك معي جي بي اس في السيارة بس المشكلة انه يعطين مكان المواقف وانا بصراحة مارحت له بس واحد من زملائي في العمل قال انه استعان فيه وراح لمكان مواقفهم بس لقاه فندق مو حديقة ههههههه وهذا اللي مخوفني أروح للفندق بدل الحديقة عاد بأكل مدير الفندق خبز وموز بدل الأسد والقرود هههههههه 


مشكور يا اخوان ما قصرتوا ولكم لايكات 

طيب اذا وصلت المواقف وصلت الحديقه