موضوع يهم الجميع

9 3

لايمكنك التصويت حتى الحصول على 20 نقطة على الأقل
إضغط هنا للإخفاء

فلوس مافيه 126
قبل 10 سنه و 9 شهر

انا كتبت الموضوع هذا لاني شفت مواضيع بيع لحبوب التنحيف ، اللي اصلا ماهي مسجله ولامعترف بها في منظمة الادويه المصرحه ولو كذبوا وقالو انها مصرحه تزوير وضحك على العالم


ياناس تروها حبوب خطيره ، ولايغركم لو كتبوا المصانع أعشاب طبيعيه هذا أسلوب طمأنه وتسويق فقط ، ياكم سمعنا قصه والاعرفنا أشخاص صارت لهم بلاوي منها ، لو ماهي خطيره كان استخدموها الأطباء لمرضاهم ذوي السمنه ، انتبهوا من الفشل الكلوي وامراض فشل الاعضاء ، واللي هذي الأشياء تعتبر بسيطه عنده في سبيل انه يخسر وزنه يروح لشخص عنده فشل كلوي وقت الغسيل ويرى بعينه كيف الرجال تبكي من قلة الحيله والألم وفقد النعمه






ياعالم اقسم بالله مافيه دواء ولاعشبه تطيح وزن أكثر من ٢ كيلو في الشهر الا وهي ستسبب كارثه للجسم ، اتقوا الله في النعمه  والصحه اللي فضلكم بها ربي على كثير من الناس ، جسمك ماهو لعبه اذا صار شيء غلط تقدر تصلحه ، لاتغركم العافيه وتقول مابيجيني شيء


تبي تنزل وزنك ، كف يدك عن الاكل وما اقصد تجوع نفسك وتتبع حميه وتعب ، اقول طبق حديث الرسول صلى الله عليه وسلم :
١- ثلث ماء (تاخذ علبة مويه ابو ريال وتتشرب نصفها قبل الوجبه والباقي أثناء الاكل ) لااحد يقول الموية تكبر الكرش هذا كلام فاضي، فيه دراسه حديثه تحث على شرب الماء مع الاكل لتسهيل الهضم وجعل الجهاز الهضمي أكثر صحه
٢- ثلث اكل 
٣- ثلث لتنفسك ( يعني اذا وصلت اول اشاره للشعور بالشبع توقف ، هذي الاشاره تعرفها اذا قلت لنفسك حرام باقي اكل وباقي يمديني ازود) لازم تكون مرتاح اذا قمت من الاكل ماهو تتقعر من التخمه

واترك عنك السكر الابيض ، يعني اشرب شاي سكر خفيف ، الحلا اتركه ، لاتاكل الشحم والزيت الزائد ، قلل من المشروبات الغازيه ، واذا انت على كبسه كثر من اكل اللحم وقلل من اكل الرز والخبز ، اترك عصيرات الكوكتيل والكبس ، اذا تبي تاكل فواكه بالحبه او اعصرها مع نفس الكميه مويه وبدون سكر ، اللبن والزبادي قليل دسم 



وش اللي جعل الشياب نحيفين ونشيطين الا طبيعة الاكل اللي يأكلونه ، لافاست فود ولا حلا ولا زيوت ولا غيرها ، بعض الناس ياكل وجبة تساوي اربع وجبات من الزيوت والسكريات اللي فيها ويقول انا آكلي قليل ولازلت متين


اقسم بالله ياشباب لاحميه ولايحزنون ، اخوي طاح وزنه في ٣ شهور مايقارب ٢٤ كيلو عشانه اتبع هذي الطريقه، والحين ماشاء الله عليه وبدأ يسوي رياضه لانه مابقي الا وزن زائد بسيط حدود ٥ كيلو ، وقلت لواحد من اخوياي عن طريقته والحين نقص وزنه ١٥ كيلو في حدود شهرين وباقي ماسوى رياضه


تبي تنزل وزنك اتعب شوي واضغط على نفسك في سبيل انك تبقى بصحه لنفسك ودينك وأهلك وعيالك ، ماهو تتسبب في خسارة عافيتك ثمن تقعد رايح جاي لأماكن مافي احد يعرفها الا المرضى اللي يتعالجون فيها








اسأل الله ان يشفي مرض كل مسلم وان يعافينا ولا يبتلينا

إبلاغ

الردود