المحطات في الطرق شيء مؤسف و محزن للغاية
14
1
إضغط هنا للإخفاء
السلام عليكم و رحمة الله و بركاته ,,,
اخواني و حبايبي أسعد الله أوقاتكم بكل خير , محطات الخطوط ليه كذا سيئة ؟ و ليه وضعها ما إنحل ؟ رغم الدعوات
المنادية سواء من الإعلام أو من الجهات المعنية إلى تحسين محطات خطوط السفر و الإستراحات الموضوعة لراحة
المسافرين , البارحة راجع من الشرقية مع العايلة و وقفت عند أحد المحطات و للأسف وضعها مُزري جداً نزلت
أختي تبي تغير لبنتها الله يكرمكم , و ما قدرت تدخل الحمامات !!!!! حفايظ و مناديل متوسخة مرمية بالممرات
و بوسط الحمام !!!! ولا فيه صوابين و مغاسل نظيفة و لا حتى مناديل !!!! آخر شي غيرت لبنتها بالسيارة يوم
نزلنا نصلي , ليش وزارة النقل ما تلزم أصحاب المحطات بتعيين عمالة لتنظيف الحمامات ؟ أو بلاش منتهم على
الأقل يحطون حمامات مجانية و حمامات مقفلة يحطون لها عامل يهتم فيها و ينظفها و اللي يبي يدفع 3 ولا 5 ريال
يشتري الواحد راحته , هذا شي مهم لي ومن حقي وأنا ماشي بطريق سفر و تعبان أقل شي أبيه حمام نظيف !!!
شوفوا جيراننا بدول الخليج الإمارات الكويت قطر إلخ ... إذا وزارة النقل ما إستحت مننا على الأقل يستحون من
أشقائنا بدول الخليج , الإماراتيين و الكويتيين اللي دايماً يجون للسعودية سواء للعمرة أو للسياحة و زيارة الأهل
عالعموم هذا الموضوع نرفزني كثير و أنا راجع بالخط !!!! و حبيت أفضفض لكم عن شي أشوفه دايماً و أنا
أسافر بربوع ديرتي , تحياتي لكم .
همسة:( و إذا كانت النفوس كبارا ... تعبت في مرادها الأجسام)
محبكم &&& أبو طلال
إبلاغ
الردود
2
0
من النادر أنك تﻻقي محطة نظيفة ومهتمين في المسجد
3
0
بعض الوزارات الحكوميه تحتاج إلى إجتثاثها من الجذور حتى يطبقوا النظام على الكل ولكن مشكلة الحصانه وبعض الشخصيات لايطالهم القانون
وهم سبب الفساد اللي عايشه البلد فيه
3
0
1
0
وسوبر ماركت قلت يمكن هاذي محطه وحده ولكن تبين لي ان كل محطاتهم بنفس النظام حتى العمال ملابسهم موحده
صراحه شي مبهر اهنئهم عليه
الله يرحمنا ويرحم محطاتنا برحمته
2
0
المسافرين يعامل المحطة أو الإستراحة مثل بيته ؟ يرمي وساخاته الله يكرمكم و يحسب إن في أحد بيجي وراه و يشيل عقبه !!!
يسولف علي أحد المدرسين كان عندهم رحلة سفر و كانوا اللي معاهم طلاب بالمرحلة المتوسطة يعني عمر الواحد أقل شي 12
سنة يعني فاهم و مُدرك , يقول كانوا يرمون علب الببسي بالممرات و ملابسهم على الأرض متعودين عالشغالات الله يطول بأعمارهم
عاد هو تنرفز !!!! و جمعهم مرة و خلاهم ينظفون أغراضهم و أغراض اللي حولهم , و كانوا جايبين ملابس نظيفة (غيار) خلاهم
يغسلون ملابسهم و يتركون (الغيارات) عشان يتربون على المسؤولية , تحياتي لكم .
0
0
اتا تقدم خدمات راقية على طرق السفرتلقى مطاعم وقهاوي بقلبها وتطور البلد حتى لها كذا محطة بمخرج 6 و7 تشوفون انه فعﻻ راقية انا ادعمهم ماعبي اﻻ عند هم ادعموهم اللي بيطور البلد يستاهل الدعم
1
0
0
0
انت قلتها بنفسك .. مناديل وحفايظ مرميه في الممرات
ناهيك عن تكسير البزابيز والشطافات والذكريات الوسخه الي على كل باب
وذا طبيعي ﻻن اغلب الشعب عندنا "متخلف"
نحتاج لتثقيف وتعليم من الصغر على احترام وتقدير اﻻماكن العامه
كذلك وضع غرامات على من يعبث بالممتلكات العامه .. وعدم التهاون في هذا الشي
لكن للأسف كل هذا بعيد عن خشوم حكومتنا ""اﻻ رشيده""
1
0
الباقي كلها زبالة وأنتوا بكرامة..
هنا أقدر أوزع نسبة الخطأ بالتساوي
50% على صاحب المحطة لعدة أسباب..
1-عدم توفير عمال نظافة..
2-عدم تجهيز المحطة أو الاستراحة أو أو أو..الخ.بالأدوات والتجهيزات الكاملة..
((يا اخواني على سبيل المثال..لفوا محطات السعودية أو بالأصح دورات المياه..أتحدى إذا لقيتوا حمام مجهز بالسيفون..!!))
وغيرها الكثير من الأسباب..!!
النسبة الأخرى 50% على مرتادي المحطات..
ياخي بتنزل دورة المياه إنزل بأدب..
ماهو تروح وترميلي سروالك وتعلقه فوق الباب..!!
وإلا تقضي حاجتك ولا تزيل الأثر..!!
وإلا تخلص وتخلي المويه تروح هدر..!!
وغيرها الكثير من التصرفات الهمجيه..والمنحطة..
أعتذر عن الإساءة الواردة..ولكن فعلاً هذا اللي نشوفه في المحطات على الطرق السريعة..
شكرا لكاتب الموضوع
2
0
0
0
امزح
الحل
حمامات والدخول ب 3ريال افضل.
وتشتري مخك
0
0
وانا قبل 4 ايام كنت في الشرقيه ونفس الشيء الحمامات اعوذ بالله حتى المسجد استغفر الله ماقدرت ادخل اصلي فيه من الريحه ومن الكتمه اخذت سجاده من السياره وصليت جماعه انا واصدقائي ودقيت سلف ومشيت وحتى غسلنا بالمويه اللي برا مو عند الحمامات هههههههه
وبالرجعه صليت العصر ومسكت الخط ولا وقفت الا بالرياض وعند بيتنا ههههههههه
بالتوفيق اخوي ابو طلال ولا تطول علينا بمواضيعك الجميله
لايك+
0
0
اما بالنسبة للاعلام فهذي فقاعة بوالنسبة للمحطات بلاك ما شفت طريق الدواسر الله لا يوريك لا مطاعم ولا محطات عليها الكلام لا وقبل فترة لاقين مطعم يبيع لحم حمير ههههههههه الله يكرمكم
اقول الله يخلي البر وفطيرة الجبنه
ولك احلى لايك
0
0
0
0
قبل 10 سنه و 8 شهر