أضف سؤال أو موضوع جديد          

بعد جولات في الصالات والمعارض .. الحذر وكل رجال خصيم نفسه

up 32 down 1
l Majed l 146
قبل 7 سنه و 8 شهر



لي مدة وأنا أبحث عن سيارة عائلية ( يوكون إكسبدشن تاهو أكاديا )
استعرضت مواقع بيع السيارات على النت بالطول والعرض وخزنت بالمفضلة أفضل العروض.. ونزلت المعارض أكثر من أربع أو خمس مرات مرورا بالصالات المعروفة ( البيان ، العربة ،العجلان، الموتر، الدوحة، البحر الأحمر ... الخ )

اللي بينزل المعارض ويتمشى على مهلة سيجد فرص أفضل بكثير من الإنترنت .. لكن اللي يهمني وحبيت أنقله لجميع الإخوة هنا هو الغش وإخفاء العيوب للسيارات المعروضة خاصة ( الصالات ) ولعلي أنقل لكم بعضها لتوخي الحذر :

1- يوجد معرف بموقع حراج لصالة معروفة .. عرض سيارة هنا وكتب بالخط العريض ( السيارة خالية من الحوادث ونظيفة جدا ) .. توجهت للصالة ووقفت على السيارة وبفحص بسيط رغم قلة خبرتي وجدت السيارة مصدومة ومرشوشة من الخلف .. وناديت مدير الصالة ووريته البوية كيف سايحة نتيجة الرش بشكل واضح .. بخلاف أن كمبروسر السيارة عطلان :)  مع العلم إنه كاتب بالإعلان أن الكمبروسور مضمون 5 سنوات !!

2- صالة أخرى بالشفا وجدت عندهم أكاديا 2010 ويوم شافوني أنسخ رقم الشاص قالوا لي الكارفاكس موجود عشان نريح العميل :)  وبالفعل شفته وكان تقرير ممتاز للسيارة وخالي من العيوب
والحوادث وصورت التقرير وأعطيته لأحد الزملاء كان يبحث أيضا عن سيارة .. وكانت المفاجأة أن التقرير مافيه شي صحيح إلا بيانات السيارة فقط ,, أما سجل الحوادث والصيانة فكان لسيارة ثانية :)

3- احتيال آخر لكن المرة هذي بالمعارض .. دينالي سعودي 2007 ماشي 95000 كم  .. السيارة صراحة بديها نظيف وبيعمي الشخص عن التدقيق .. والأخ المصري شغال على راسي أنا ورفيقي (السيارة ننظيفة وكانت والله مع راعي المعرض استخدام خاص وموقفها في البايكة ماتتحرك ) .. بتوفيق الله سبحانه كانت استمارة السيارة مدبسة في أوراق الفحص الدوري .. ولكم أن تتخيلوا بانكشاف الخدعة عندما وجدنا في ورقة ا
الفحص أن ممشى السيارة عند الفحص كان 205000 كم !!   

4- الضمانات اللي تعطيها أغلب الصالات ( خرط فاضي) .. بزيادة ألف ريال ممكن تدخل أي سيارة تحت الضمان الخنفشاري والمصيبة الأكبر بدون مايشوفون السيارة حتى !!

5- لا تأخذ بكلام أحد نهائيا.. مدير الصالة مجرد عامل والله مايعرف عن السيارة أكثر من موديل وممشى وقيمة .. اعتمد على نفسك واصطحب معك أحد معارفك يكون عنده خبرة .. لاتخجل من تجربة السيارة بالشكل اللي تحب 
سواء تمسها على خط طويل أو تقطع قلبها بالتدبيل والمكيف والتبديل بين الدبلات والمناورة بها.. الصالات الأمريكية أغلب سيارات اليوكن والتاهو والإكسبدشن كفراتها منتهية وإذا جيت تجربها يقول لاتسرع الكفر مايتحمل !!

6- الإضافات والكماليات ( مثل dvd و gps والكاميرات الخلفية والتخشيبة ..الخ) إجعلها آخر اهتمامك .. ابحث ودقق في المحركات وسلامة السيارة من الحوادث أما بقية الإكسسوارات فستجدها على الإنترنت بنصف ثمنها تقريبا .

7- عند الشراء من شركات التقسيط مثل ( اليسر) يلزمونك تؤمن على السيارة عندهم وهذا فيه تكلفة إضافية على كاهلك واستغلال قبيح لمضاعفة فوائدهم .. لذلك أنصح بالتقسيط من برى سواء بطاقات أو قرض بفائدة معقولة ثم تشتري سيارتك كاش دون الشراء عن طريق تلك الشركات .



------------------------------------------------------------------------
تحديث جديد..وخدعة أخرى  :)    ( الجمعة 9 شوال 1434)
بالأمس وجدت تاهو 2007 بأحد الصالات في الشفا وشيكت عليه وكان خالي من الصدوم .. والممشى 75000 ميل
رجعت البيت وأنا أقول ( لقيناها أخيرا )  .. لكن حبيت اتطمن زيادة .. وبحكم أن الوقت متأخر ( 2 صباحا) راسلت كل الشباب اللي معلنين بموقع  حراج عن خدمة استعلام الكارفاكس وماحد جاوبني إلا الأخ محمد
http://haraj.com.sa/users/mo5br

وقلت له ترى مافيه فلوس إلا بكرة  :)   قال أبشر بعزك    
عشر دقايق وأرسل لي تقرير الكارفاكس+ تقرير الأوتوشيك   أصلية ومترجمة للعربية
فوجدت بأن السيارة دخلت الصيانة الدورية وهي ماشية 117000 ميل  
وعليها ملاحظة ( محاولة التلاعب بعداد المسافة المقطوعة )   :)
------------------------------------------------------------------------







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كفييت ووفيت يالذيب وهالأمور كلها معروفه لدينا الا الناس المغفله اللي ماتدري وين ربي حاطها يشترون ولا يدرون وش وضع السياره حركة الكارفكس انه يطبعه ويزور فيه ويحطه ع الطبلون ذي جديده يقولك لا تتعب نفسك وتاخذ رقم الشاصي وتدور هذا الكارفكس موجود وشوف بنفسك وهو مرجع العداد هذي صارت معي عموماً مثل ماقلت كلن خصيم نفسه ننصح ونسوي اللي علينا والباقي على الله


up 2 down 1
شكلين مابحكي 3160
قبل 7 سنه و 8 شهر



الله المستعان غش عيني عينك


up 2 down 0
احمد عبيد 10
قبل 7 سنه و 8 شهر



بارك الله فيك يالذيب


up 2 down 0
ابو معاذ حمد 4
قبل 7 سنه و 8 شهر



وتله ماعيش ذالصالات حقات الامريكي ولا شركات التقصيد إلا الدبش!!
الله لايوفق كل نصاب واكل حرام لابدنيا ولا اخره


up 2 down 0
الشيخ فواد 300
قبل 7 سنه و 8 شهر



كثر الغش بالفتره الاخيره بازدياد هذي دلاله على السوق نايم وجعله مايصحى لان المعارض وراهم ايجارات غاليه 


up 2 down 0
abahal 1385
قبل 7 سنه و 8 شهر



الله يجزاك خير وهذا يدل على شهامتك وحبك الخير للغيرك ......احلى شي اعجبني صراحة رقم6 البعض تلقاه مالي السيارة ملي اكسسوارات وهو يبغاها تمشي سلعته وفيها بلى لك احلى لايك ع موضوعك


up 2 down 0
تقووى الهجر 252
قبل 7 سنه و 8 شهر



الله يجزاك الف خير


up 2 down 1
almahdi0508 87
قبل 7 سنه و 8 شهر



يالغالي كلنا عارفين نصبهم وجشعهم وكذبهم ودجلهم لكن وش تقول ولمن تشتكي ؟

بيض الله وجهك وكلام  من ذهب ولايك للكل


up 1 down 0
Bikers store 597
قبل 7 سنه و 8 شهر



اخوي almahdi0508 المعذرة والله الديسلايك بالغلط وجيت بعدله قالي لايمكن تقييم العضو اكثر من مرتين في اليوم


up 2 down 0
Bikers store 597
قبل 7 سنه و 8 شهر



يعطيك العافيه ع الموضوع الممتاز ولك احلى لايك 

وهذا ليس بغريب دام الوكاله بكبرها تنصب فما بالك بالمستعمل ؟؟؟؟؟؟؟؟؟؟؟؟؟؟

بالتوفيق


up 0 down 0
camry grandi 99 7274
قبل 7 سنه و 8 شهر



بيض الله وجهك على المعلومات واتمنى كل شخص مقبل على شراء سيارة عدم العجلة في الشراء مثل ما بينت على الدينالي البودي ورده لكن الممشى ملعوب فيه 
لازم التأني والخبرة لها دور او تاخذ شخص ذو خبرة والفحص مهم جداً 
ولايك 


up 0 down 0
ابوخلوودي1 5069
قبل 7 سنه و 8 شهر



كفيت ووفيت ياذيب


up 1 down 0
عاشق جنونك 142
قبل 7 سنه و 8 شهر



صدقت في كلامك ياصاحب الموضوع وماخفي كان اعظم
قبل سنوات شريت فيكتوريا استخدام ماشي حدود 60 الف ميل
وبعد ايام قعدت ادقق في ورقة فحصه لقيته دخل الفحص قبل مااشتريه بشهرين وعداده فوق 150 الف مايل خذته من معرض اسمه السيارة الذهبية وقعدت اسال واتردد عالمعرض لقيت ذي حالتهم مع كل سياراتهم

لعب وتلفيق



up 0 down 0
ابو فراس ٣ 36
قبل 7 سنه و 8 شهر



كيف ستقف أمام الله يا من تغش وتخفي العيوب؟ أسأل الله العظيم القوي الجبارالصمد الواحد الأحد أن ينتقم من كل شريطي يرضى بأكل الحرام بغش السلعة المراد بيعها


up 0 down 0
ابوعبدالمحسن123 531
قبل 7 سنه و 8 شهر



أخوي ماجد موضوعك مهم جداً أتمنى تسوي جولة ثانية على الصالات بخصوص السيارات العائلية
أنا مثلك أبغى سيارة عائلية وأنا من تبوك وناوي أجي الرياض
يا ليت تعطينا اسم افضل صالة من ناحية الصدق ونظافة السيارات


up 0 down 0
ابغى كابرس 87
قبل 7 سنه و 8 شهر



صادق 
واذكر انه فيه فرق بين تقرير الكارفاكس والاوتو شك
ووالافضل تاخذ الاثنين 
وماراح يكلفك شي قدام الي بتدفعه وتعرفه

اانا دورت على سيارة ووجدة كثير ومن الاسعتلام عن طريق الاوتو شك
يبين ان السيارة لمالك واحد فقط
وشيكت بالوتوشك طلعت كانت قبله لشركة تأجير وعليها حادث 
وفيه سيارة اخرى ايضاا
شيكت بالوتو شك طلعت عليها حادث
ووشيكت بالكارفكس طلع صحيح عليها حادث ومحدد فيه ان الحادث كان 
من الخلف من غير اضرار وتمكنت التحرك من الموقع
وكذا اشياء دقيقة جدا على حسب تسجيل السيارة بامريكا
وافضل شي اذا ما تعرف للسيارة تجيب احد خبير بنوع السيارة
 


up 0 down 0
التيماوي 16
قبل 7 سنه و 7 شهر



خلاص غيرت رأيي - أخذ وكالة والله يعين، أصلا الفرق مو كبير في سبيل المضمون.


up 0 down 0
ostad 167
قبل 2 سنه و 9 شهر



اليوم اخذت لفة على الصالات الامريكية
والله يا سياراتهم تلمع وتغري
ولكن في نفس الوقت تخوف


up 0 down 0
alm3liki 5
قبل 5 شهر و 2 أسبوع