الله يجزاكم خير الدارين

بالنسبة للتدريب لازم يكون المكيف طافي ماتشغله الا بعد 500 كيلو واذا تبي رايي لاتاخذ الصيني خذ بقيمتها سيارة ثانية حتى لو مستعلمة والله يوفقنا واياك

اذا باقي ما شريت اشششششررررد

فيه ناس كثير يشتكون منها و في نفس المنتدى

انصحك بعدم الشراء فالكثير يشتكي منهم

انصحك بالاكسنت افضل منها 
وبالنسبة للتمرين هو:
1000 كيلو متر يفضل عدم تشغيل المكيف
وعدم زيادة السرعة عن 100 

شوف ياقمر فوق ياخي القمر جمبي واقول اشبو النور على وجهي *-^ ياطيب شوف اذا ماشتريتها ابتعد عنها ولايغرك اشفيها انا شفت كذا واحد يذمها معنو محرك ميتسوبيشي لكن ابتعد عنها لنصيحة واذا نفسك فيها اتوكل على الله

لاتشتري صيني لو ب10 الاف ريال ..والتمرين طول عمرنا نطلع سياراتنا بالوكالة نشغله واللي مايشغله هذا حرص زايد ماله ومعنى يوصل احيانا الى حد الوسوسة بعذهم مايشغله الى 15 الف و20 هذا مرض بصراحة...تحرم نفسك لهدرجة عشان تحمي السيارة باعتقادك

تدري ان كل سياره على وجه الارض قد جربت قبل لا يستلم مفتاحها المالك الاول ..؟؟
جربت بالطريق .. و جربت في تشغيل المحرك لمده اطول و جربت فراملها و كل شي ... مو معقوله ان سياره تنصنع و من مصنعها على الوكيل ... هذي معلومه ركزوا عليها و انتبهوا لها .. لاني شفت لها فيلم وثائقي في قناه ابو ظبي نشونال جيوقرافيك
لا تقولون طيب ليش السياره عدات المسافه اصفار .. عادي انا بنفسي اقدر افصل عداد المسافه من سيارتي ... و امشي لو ابي 10000 كيلو  و ارجعه ولا كاني مشيت هالمسافه 

يعني لو تطلع السياره من الوكاله و تحط رجلك دعسسسسس او تشغل المكيف او اي شي .. ترى السياره بخير و تسلم عليك . .. تطمن ي  القمر  مافي الا كل خير

ولكن السياره اللي قلت عنها ... سياره صينيه .. بمكينه ميتسوبيشي .. بمساعدات فولفو .. و هي اول سياره في السعوديه تحمل ضمان من الوكاله لمدة 5 سنوات ... 
ولكن قطع الغيار غاليه شويتين ... ولكن اذا نفسك فيها .. فالله يهنيك و الف مليون مبروك عليك مقدما والله يعطيك خيرها و يكفيك شرها 

شباب خضيتو بطن الرجال هو سال عن التدريب مو عن السيارة هههههههههه وربي سهااااارى

اللي ياخذ سيارات غريبه ودي اسأله هو لاقي الدراهم بالزباله !!؟

اذا نفسك فيها خذها يارجال مع ان الصيني يشتكون منه
ولا ودنا نخرب عليك ونلعب بنفسيتك لكن هذا الصدق وانت اسأل قبل لاتاخذها وشوف !

السياره مكينتها ميتسوبيشي و قيرها كاليزلر و مساعداتها فولفو وفي ناس يقولون الشكل الخارجي بالكامل فولفو عاد كل واحد يقول كلام !


المهم 


بالنسبه للتدريب اخر سياره طلعناها وكاله باثفندر 2010 وقالو لنا لا تمشون اكثر من 100 ولا تشغلون المكيف ! الين تمشي 1000 كيلو


بس كنا نقوم في السياره بسرعه من صفر لـ 100 يعني ما نبغاها تتمرن بعزم طايح 


والله يوفقك ومبروك عليك السياره 

هههههههههههه وحنا شرينا باثفندر الحمراني 2008 الموظف بنفسه شغلنا المكيف لووول شوف التناقض

أشكــر كل من مــر من هنا ولم يبخل بمعلوماته ,, والله يبارك بأعماركم ..انا طالب في كليه طب وهذي ايام اختبارات وماني ناقص هم مشوار الخطوط فكرت آخذ لي سيارة عشان تفكني من هم الخطوط وأوفر وقت للمذاكرة ,,,,عالعموم مشــكورين ياغوالي... ودامت مسراتكم

مرحبا اخوي انا عندي وحده زيها الحين ما شيه فوق العشر ألف وبصراحه سياره حلوه واقتصاديه ومكيفها حلو وبنسبه انت خايف تشغل المكيف علشان تخرب بلعكس شغله عادي بس اهم شي خلي سواقتك هاديه ونسيت اقول لك انا صار علي حادث بسيط وطلبت قطع حصلتها عندهم وسعارها حلوه