لماذا يتعمد البعض طمس أو تغطية لوحة السيارة عند عرضها للبيع؟

علشان كل شوي يعرضها بمعرف ثاني

ههههههه في الصميم يالمشاكس

يرتاح من بعض المﻻقيف

عرضت سيارة سابقا وما كتبت رقم الجوال حتى اعطيه ﻷعلى سومة ونتفق وكانت كل المعلومات موجودة في اﻹعﻻن وما كنت مغطي اللوحة واتصل علي واحد ملقوف ما عنده سالفة ويسأل اسئلة سامجة وعندما سألت كيف حصل على رقمي قال بطريقتي الخاصة

قلت له ما عندي لك موتر للبيع توكل على الله

اللي قريته ان المواقع تطلب هالشي يعني من شروط الاعلان تخفي اللوحه مع اني ما اشوف لها مبرر

لان فيه بعض الناس تقدر تتطلع معلوماتك االشخصية عن طريق اللوحة 
يقدر يحصل على السجل المدني والسيارة وكم واحد ملكها قبلك ورقم جوالك 
عن طريق شخص بالمرور 

اول شي فيه ملاقيف واجد وخاينين للامانه يكونون شغالين بجهة امنية ويطلع تفاصيل لوحتك .

هذا اذا ماربط مخالفة باسمك :)
ثاني شي

عشان اذا احد اختلف معك

اقلها يسوي بلاغ بتفاصيل سيارتك صدم وهروب ,, تفحيط ,, تهريب وكذا

وثالث شي عشان اذا راح بها للحراج تحت المايكروفون مايجيك ذوي الذاكرة الحديدية ويقول شفتك بحراج عارضها او العكس يجي هنا يقول شفتك حاطها تحت المايكروفون وجابت السعر الفلاني

النقطة بدالها هالجملة ليه انحذفت مدري " لان فيه ملاقيف خاينين للامانه يطلعون تفاصيلك من اللوحة من باب اللقافة

هذا اذا ماربط مخالفة باسمك "

مثل ما اتفضل الاخوان
ممكن اسجل بلاغ عليك وانت مالك ذنب فيه

صحيح كلنا اخوان في المنتدى بس سبحان الله ممكن الديسلايك يتحول الى بلاغ !!!!

اهلا

توني منزل اعلان للتاهو و لكن ما غطيت اللوحة

مع اني ما احب يعرف شخصيتي مدري ليش

حتى اصحابي ما يعرفوا معرفي في النت

انا ما سويت شي غلط ولكن مدري ما احب احد يعرفني !



اتوقع في ناس مثلي

حتى ما يعرفوها الشريطيه لو نزلها الحراج ويبخسون سعرها ، السياره بعد ما تنزل او تنعرض مرتين وثلاث سعرها يثبت او يطيح

يعني بالله ماتسمع البلاوي في هذا الزمن الله يكفينا شره 

الواحد صار يمشي جنب الحيط ويقول يارب سترك 

فما بالك يجي واحد يحقد على صاحب السياره عشانه ماباعها عليه ويتبلاه ببلاغ كاذب ويقروش الرجال

هي ترجع للشخص حسب نفسيته،ومزاجه،ومايراه بالناس ..
وهو،محد طق له خبر لو ماغطى اللوحه ... ثقافة فاشله
.... بس لو هالشخص الي غطى اللوحه وصار عنده موتر ثاني
وبرقم مميز تهقون يغطي اللوحه ... اكييد لا .. 
عقول العالم فيها خلل .. ولا من فاضي ع عقولتهم يحط مخالفه
طيب السيارات بالشوارع كان دبس المخالفه باي رقم من برا ؟

الا ياحبيبي من شان شغل شريطيه الحين بالانترنت وصلن شريطي مايدخل غير المنطقه الي هو فيها وبيعرف سياره ويعرف رقمه ومراح يعطي الي عطوه في الانرنت راح يبخس سلعه وان واحد منهم بس شغلي حلال شتري سياره وحده الي يبقاه بذا سعر والي بيلقا غيره في سوق

الا ياحبيبي من شان شغل شريطيه الحين بالانترنت وصلن شريطي مايدخل غير المنطقه الي هو فيها وبيعرف سياره ويعرف رقمه ومراح يعطي الي عطوه في الانرنت راح يبخس سلعه وان واحد منهم بس شغلي حلال شتري سياره وحده الي يبقاه بذا سعر والي بيلقا غيره في سوق

اصلن رجال المرور مالهم حق يفتحون ملف اللوحه الا في الحالات الجنائيه واللي يفتحه دون سبب يتعرض للمسائله

بكل بساااطه صارت عااادة 

اغلب الي طامسين اللوح بالموقع مع الخيل ياشقرا ان سألته ليه بيقولك شاف المعلنين مسوين كذا

والله أعلم البعض مثل ماذكر مع الخيل ياشقرا هذا من جانب أما البعض الآخر أظن أنه في شي يخفيه عن السيارة
 ويخشى أن يعُرف من خلال اللوحة لأن وش الفايدة طلاما البيع على بينة والله أعلم لكن عن نفسي لما أشوف اللوحة مطموسة اتوجس من البيعة .

اللي طامس اللوحة ليس صاحب السيارة بل هو الشريطي بنفسة لأنه لو عرف الزبون رقم اللوحة بكل بساطة جاب رقمه واتصل عليه وممكن صاحب السيارة طالب مبلغ اقل ويبيع للرجل دون علم الشريطي وتطير عليه البيعة وكل ماقيل حول تسجيل مخالفات بسمه كلام غير صحيح تماما والا اتصل واعطيهم رقم لوحة اي سياراة بالشارع بالمختصر هم الشريطية يضعون علامة على اللوحات لكي ماتطير البيعة لشخص اخر وهو ماخذ عمولتة