معشوقتي نيسان

6 3

لايمكنك التصويت حتى الحصول على 20 نقطة على الأقل
إضغط هنا للإخفاء

يـ آسـ ر 32
قبل 11 سنه و 4 شهر

يعجبني الجيب لاضاقت بي الديرة=دقيت سلفة وأقضي ماطرى بالي
جديد توّه من المصنع مصاديرة=حرام ماحرجة بالسوق دلالي
جابوه مدفوع للجمرك فواتيرة=على البواخر كذا شحنات متوالي
مهندسة صممة وأحسن بتطويرة=متواصل الجهد في علمه والأعمالي
حاز الشهادات في شكرة وتقديرة= موثوق من خبرته ماهو بنقالي
أفنس خشم عيشته بيرة وخنزيرة= من قوم عن دين ربي مالهم والي
سلمّ وكيلة تفاصيلة وتقريرة=وإعلان رسمي بلاش القيل والقالي
تباشروا به عقب مدة جماهيرة= ماكنه الأ ملك في غيبته طالي
فيه المزايا عديدة يالله الخيرة=ماخذ على رزته صفات الأبطالي
مخطور لامن زهمته ينقطع سيرة=حين أستلمت القيادة كني الرالي
وقامت تقادح على الطرقة مواطيرة=تقول ذيبٍ حداه الجوع عزالي
في سرعتة حر وافي من مواكيرة=لامن تحدر بشوف الخرّب من عالي
وحش الصحاري بلاش الهم والحيرة=وأضرب على الكايدات اطعوس وجبالي
فالبر عجة تتالا به معاصيرة=لافر ويله هل المقناص تهتالي
الواقي الله من الشر ومعاثيرة=بالخط مايتعبك لاصرت رحالي
ولاصار وجهتك مكة فضها سيرة=لاتوقف الأ تعبيّ مخزنه خالي
يطوي دروبه ولو طالت مشاويرة=مايشتكي لاحسبناها بالاميالي
خل عنك اللاند وماغنت شواعيرة=حتيش يامركبة لو السعر غالي
خسارة ابشريته وأغراض تغييرة=رزة شكل ماش فزة شين الأفعالي
أخص جيب السفاري مانبي غيرة=تفداه كل المواتر أول وتالي
https://www.youtube.com/watch?v=rYbzWHvzzWc
http://www.youtube.com/watch?v=fbE3-40l0oM
http://www.youtube.com/watch?v=55vPUsnttwk
http://www.youtube.com/watch?v=8KeR7uy6kVo
http://www.youtube.com/watch?v=voGBbRuIERs

إبلاغ

الردود