أضف سؤال أو موضوع جديد          

عاجل ما اجراآت المبايعه في حال عدم وجود المشتري

up 0 down 0



السلام عليكم ورحمة الله وبركاته
أخواني حبيت استفسر أنا ساكن بالخبر وبعت سيارتي لشخص من الرياض وارسلي صورة أحواله 
بس الرجال ما يقدر يجي الخبر عشان نقل الملكيه
فأنا بتكفل في نقل الملكيه 
أنا عندي صورة من بطاقة أحواله 
هل ينفع اسوي المبايعه في المعرض وانقلها بأسمه وارسله السياره شحن
واذا ما اقدر وش الطريقة علما اني انا ما اقدر اروح للرياض وهو ما يقدر يجي للخبر 
لظروف خاصة
يعطيكم العافيه 
وأتمنى من عنده معلومه لا يبخل علينا لاني بطلع بعد شوي للمعارض فودي اعرف الطريقة قبل لا اروح المعرض







إبلاغ إبلاغ



الردود


حصلت لي مره اخوي . ببيع موتر والموتر بسم ابوي فا قال صاحب المعرض لازم وكاله فعتقد مشكلتك هذي نفس مشكلتي يا ان الرجال يحضر ويخلص معك ولا يسوي لك وكاله . هذا الي عندي اخوي واعرفه تقبل مروري. سبحان الله وبحمده سبحان الله العظيم


لا يالغالي انت فهمتني غلط انا الموتر باسمي انا 
بس المشتري ما يقدر يجي الخبر عشان الاجراءات
يعني الموتر بأسمي واوراقة كامله واتفقت مع المشتري وحولي المبلغ كامل 
اتوقعت انها تمشي عادي في بداية الامر لكن فكرت بالموضوع ان من بيوقع للمشتري وهل المعرض يتحمل مسؤوليه واقدر استلم السياره 
بعد ما انقل ملكيتها 
يعني هنا المشكله 
انا فكرت بحلول كثيره وما ادري هي صحيحه ولا لا 
اني اسوي مبايعه هني وارسل الموتر والاوراق والمشتري يخلصها 
بس بعد لازم حضور المشتري على حسب ضني
ما قصرت اخوي 
ونتمنى من ان الصورة وضحت
ومن عنده معلومه لا يبخل 
تحياتي


تقدر تسوي المبايع بس مدري عن استلام الموتر لاكن اتفق انت والمعرض وفهمه السالفه كلش تمام


لازم يحضر ..... وموشرط وقت العمل الرسمي يحضر اي وقت يكون المعرض فيه متواجد يعني لو المعرض يعمل الساعه 2 بالليل يوم الخميس شغال ماعندك مشكله يحضر المعرض ويوقع على المبايعه وبعدين اوراق المرور تخلصها لو في قلعة وادرين خخخخ ماعندك مشكله


up 0 down 0
almalki561 225
قبل 13 سنه



بس اخوي اول ما توقع المبايعه الموتر ما يطلع من المعرض 
الين ما تجيب الاستماره منقوله ملكيتها للمشتري وما يستلمها الا المشتري 
يعني لو جا الخميس لازم يقعد للسبت على الاقل لما يكون المرور فاتح 
لان المرور مقفل خميس وجمعه


فيه عضو هنا اسمه السهل الممتنع صاحب معرض ينقل السيارات دون حضور اصحابها ويشحنها لهم .


رح دور اسمه وارسل له رسالة استفسار عن الطريقة


up 0 down 0
YASSER505 4174
قبل 13 سنه



أخوي أنا اشتريت سيارة من صاحبي أرسلتله صورة الأحوال على الفاكس 


ونقل السيارة بإسمي والتأمين من دون ماأحضر لظروف حصلتلي 


وأرسل السيارة شحن 

أهم شيء المعرض فهمهم السالفة


up 1 down 0
pirins5 31
قبل 13 سنه



لابد من افهام المعرض ولابد من معقب لانه لو نقلتها انت المرور مايسلمك الاستمارة يقولك خلى راعيها
يجي يستلهما انت خلاص ماعاد لك فيها شي


اما بالنسبة انك تسوي مبايعة وترسلها له الرياض وهو ينقلها ماينفع من شروط المرور لابدان تكون المبايعة من نفس المدينة


وحل اخر اذا هو يعرف معرض خله هو يوقع عنك في الرياض


up 0 down 0
mr.abuud 1708
قبل 13 سنه



اعمل وكالة بيع خاصة ببيانات السيارة
و فيها تجديد و فحص و نقل ملكية و مراجعة المرور في كل مايخص ذلك
لشخص يعرف المشتري
كإبن أو أخ أو قريب
و ارسل الوكالة في وسط السيارة شحن للرياض
و قول له خلال 3 أيام تنقل الملكية
و سلامتك


up 0 down 0



يعطيكم العافيع يا شباب ما قصرتو 
فعلا علمت المعرض بالسلافه وللإفاده المستقبليه لغيري 
يقول خله يرسل صورة احواله كاتب عليها من تحت
انا ...... ارغب بشراء السياره ........ رقم اللوحه ..... رقم الهيكل ..... من السيد ... 
وموكله على ان يستلم السياره من المعرض بعد النقل .
وعلى هذا اوقع 
اسمه ورقم جواله وتوقيعه ..

هذي للإفاده المستقبليه للغير ..
تحياتي


وش شروطها يعني بس بطاقة الاحوال ولا بطاقه الاحوال ورخصه


up 0 down 0
saud_3888 1
قبل 11 سنه و 8 شهر



ولازم اروح المعرض ولا عادي و كيف احطها باسمي





up 0 down 0
saud_3888 1
قبل 11 سنه و 8 شهر



جزا الله خيراً كل من شارك بالموضوع وافتدونا



up 0 down 0
آبو حســن 10
قبل 11 سنه و 3 شهر



يااخوان ابي أبيع موتر صاحبي من دون لا يحضر كيف 


up 0 down 0
عمر الفعر الشريف
قبل 8 سنه و 7 شهر