ماهي طريقة بيع السيارة بالمعارض

الفـحص على المشتري لاتدفع ولا ريال

اول شي لا تتحرك الا والعربون في جيبك
بعضهم يبغى يجرب السياره ولا يبغى يشتري
يعني بس يشوف العزم والرساوه و.....

ثاني شي اللي بيشتري هو اللي فحص سواء عجبته ولا لا

1- وقف سياراتك افتح الكبوت طفي السيارة وانزل منها 

2- وقف أمام السيارة ونادي على الناس على شان ينتبهون انك تبي تبيع بعبارة قرب يا ولد 

3- خلي مفتاح السيارة معاك والسيارة طافية اذا أحد طلب تشغيله اركب داخل السيارة انت وشغلها ولا تنزل منها وهي شغالة

4- جاك شراي وسألك عن السوم ( عبارة سيمة بكذا وافرق السومة ما تنفع ) 

كل واحد وله نظره اما تقول أنا حديتها بكذا أو قول أفتح السوم 

5- قالك أبي أجرب وأفحص ( أركب معه وخله يجرب ويفحص في المكان المناسب ويكون من أختيارك مو من اختياره 

6- قرر الشراء ( هنا لا تأخذ منه عربون ولا شيء قوله الدفع كامل للمبلغ كله ولا أقبل العربون دراهمك جاهزة هلا بك مو جاهزة الله يرزقك )


ويحتاج الامر الى قلب رجل جامد مو رجل يقف ويقول هذه السيارة شوفها 

لازم توقف وتشرح عيوبها وموصفاتها والخ ,,, 

ولا يهتم المشتري بأنك غيرت هذا ولا بدلت هذا ( لان كل ما عيرته لا يدخل في قيمة السيارة ) 

والله الموفق

اخووي cassh 
سلامات يحتاج رجل جامد هو رايح يتهاوش ؟

اي واحد يطلب منك انه يفحص السياره قول عربونك وابشر 

اخووي cassh

عندي تعليق على رقم 5    المفروض يكون مكان الفحص على حسب ما يبي المشتري  وليس صاحب السلعه  للمعلومية فقط

والواثق من سيارته يقبل الفحص في اي مكان بدون تردد

- وقف أمام السيارة ونادي على الناس على شان ينتبهون انك تبي تبيع بعبارة قرب يا ولد <----- ؟

اهم شي يكون بينكم معرض بالنقل وتسليم الفلوس عشان تضمن حقك كامل 

اهم شيء ابعد عن اللي وجيهم واضحة بالصورة هولاء العن من اليهود المشكلة لابسين ثياب زينا ومسلمين ومن عربب لكن في حب الفلوس لا يعرف اسلام ولا ابي او امي تعرف اليهود يمكن ارحم منهم هم الشريطية مقطعين اربع تفلل في وجيهم اذا جوك تراهم حثالة المجتمع وما يخالفون ابد من كثر ما يتفلون في وجيههم الناس

أخوي المقصود مو رايح يتهاوش المقصود المتمسك بسعره واللي مايقبل ينزله لو ايش ما كان 


في ناس ضعيفة يقوله المشتري يارجال خله بكذا وهو يوافق على طول وبعدها يتحسر فيحتاج قوة شخصية وهذا المقصود 

مو رايح يتهاوش هههههه 

وبالنسبة للفحص 

لا يجب على المشتري أن يحدد مكان الفحص دون موافقة البائع لان ممكن يكون مكان الفحص تابع للمشتري وممكن يغش صاحب السيارة 

ويقول أنه فيها عيوب وهي أصلا ما فيها عيوب 

وهذه صارت معي 

انا اقول توكل على الله قبل كل شي وخلك في برحه
المعارض ولاتطلع الابعربون 

اخوي
اذا جاك شراي عطه الي تعرفه بالسياره
قله بها رفرف وكبوت مثلا...
والباقي تمام التمام
وتبي تفحص افحص هذا الي اعرفه
وخذ منه عربون ومن يفحص هو يدفع فلوس الفحص سواء عجبته
او لم تعجبه
ان ماعجبته لاترجع العربون لو مهما يصير لانه طلعك برا السوق
ويمكن طير عليك زباين والعربون معروف مايترجع ابدا ابدا
وبالتوفيق 

لا مايحق لك كا شخص بايع لسياره انك تطلب عربون من الشاري لان هذا ابسط حق من حقوق الشاري الي هو الفحص فهو خسران قيمه

الفحص وتخسره زياده عربون بعدين الي يقول لازم يدفع عربون لانه طير عليك زباين ياخي وش مصلحته يطير عليك زباين

الرزق من الله سبحانه

تدرون وش المشكله رحت مره محل فحص بالشفا اسمه محل فواز على طريق الامام مسلم كنت بعيد عن المشتري وهو يقلب السياره ثم الفني يقول تمام وانشالله السياره جيده وبعدها غمز له المشتري والفني بدا يقول تحتاج ووووو والمشتري يقول نزلي كذا وكذا طلع شريطي وسألت عن المحل وطلع حبيب الشريطيه فلذلك ارجو الحذر منه  

السلام عليكم الان استطيع ابيع السياره ويقدر ينقل ملكيتها المشتري طبعا الفحص جديد ولكن الاستماره مطوفه سنه؟ فضلا وليس امرا ابي جواب واضح 

ياشباب اذا ابي ابيع سيارة وانا ماني حولة وبوكل قريب لي ،،
كيف الطريقة ؟ لازم اسوي له وكالة !

ياشباب اذا ابي ابيع سيارة وانا ماني حولة وبوكل قريب لي ،،
كيف الطريقة ؟ لازم اسوي له وكالة !