أضف سؤال أو موضوع جديد          

من عام 76 الى عام 2014 يا قلبي لا تحزن

up 10 down 6



السلام عليكم ورحمة الله 

هل من المعقول هذه الاسعار
هل جميع الشعب الذين اشاهدهم في الطرقات ويركبون احدث السيارات مشترين سياراتهم كاش
او هو مرض التقسيط والتأجير
لماذا قفزت اسعار السيارات هذه القفزه الصاروخيه
يوم كنت طفل فاكر الوالد شرى ونيت داتسون 76 ب 12000 كاش كرت غماره وحده وكان يشتغل عليه يحمل حجاج من المدينه الى مكه طبعا كان مسوي الصندوق بالشراع تصور كان الحجاج يسافرون مسافة450كيلو بالحوض وكان معين ابوي خير 
بعد كم سنه شرى هايلوكس غمارتين موديل 80 ب 24000 الف وكانوا يقولون عليه بالمعارض غرفتين وحوش
المهم نفس الشي كان معين خير منه وبنى عماره من ضهر الونيت
الوالد شرالي كريسيدا موديل 82 ابو لونين بني وذهبي كرت وكاش  ب14500 وكرفتها كرف الويل
في عام 1985شريت كراون هارتوب كرت من عبد اللطيف جميل تدرون بكم ؟ ب 43000 الف ريال طبعا فل الفل  والوالد في نفس السنه شرى لاند كروزر كرت وكاش من عبداللطيف جميل ب 45000 الف لا وزايدين عليه 3000 ريال عشان لونه اسود وللحين معاه الجيب وعمره ما توضب 
تدرون كان سعر الكابريس موديل 85 ب 35000 ولا كان للامريكي سوق ياباني وبس  كان سعر 240L داتسون موديل 82/83 كان سعرها  ب24000 وذاك الوقت اللي كان معاه 240L فكأنما ملك الدنيا ومن عليها وخصوصاً اذا كان لونها اسود وداخليه احمر اف اف اف
كان سعر الكريسيدا 85 GL ب16000 والقراندي مفخرة تويوتا ب19000 
يا اخواني كانت سيارات كرف والواحد تقعد معاه السياره العمر كله  وللعلم ما كنا نعرف شي اسمه تقسيط  كله كاش والله ما كنا نروح الوكالة ولا كان فيه شي اسمه صيانة 5000الاف اوغيره
من موديلات 86 تغير كل شي الاسعار شوي شوي ارتفعت وبعدالالفين الاسعار نار نار واناس في البدايه كان يطلعونها تقسيط بطلوع الروح والحين الشركات تجبرك على التأجير والاسعار ماني عارف وين راح توصل كل موديل يزيد عن اللي قبله 5000 ريال يعني مهو بعيد بعد كم سنه تاخذ الكامري بميتين كاش او ثلاثمئة تأجير والمشكله ممكن حادث بسيط  ويكلفك تصليحها 30000 الف اوتصير سيارتك تالف
اول تدخل بسيارتك بجدار وتصلحها بألفين او ثلاثه 
موضوعي طويل جداً بس والله من القهر الى متى 
العالم قامت تدور المستعمل و يا ليت يلقونها على قد فلوسهم
العيب فينا اوفي الوكالات اوفي الزمان 
دمتم







إبلاغ إبلاغ



سيارات للبيع

الردود


مافي شيء يدوم على حاله


up 1 down 1
mo7ammad 464 93
قبل 12 سنه



قديمك نديمك ولو الجديد اغناك
وترا نص الشعب تقسيط 


up 1 down 1
شبح 600 sel 6082
قبل 12 سنه



كراسيد انشهددددددددددددددددددددد انها موتر  انا اخبر الوالد الله يحفضه اشترا كراسيد 1994 بقراطيسها 

 جنوطها مو سود تجي رصاصيه وريحه وكاله عليه خقققققققق  وعليها مطعر ابو مثلث الازرق  

 مكيف ثلج  سياره كفررررررررررررف  قطعها في بقاله   تكرفها كرف وصلنا 2014 مازالت كراسيد في شوارعنا 

  عبي مكينه الزيت زيت عافيه تمشي معك   وزيت سوبر شل ولا موبيل  تمشي عليها  كثيررر  ماتغيره الى اذا شفت الزيت اسود محترق ومع ذالك عايشه 

 مو زيت سيارات جديده لو ماتغير زيت  بعد 5000 تشوف دخان مع شكمان  هذي وهي جديده 

 رجعووو لنا زمن الطيبين راح 


up 2 down 1
سكودر 14929
قبل 12 سنه



أعرف واحد ولد عمه شاري لامبورجيني ريفنتون ب11 مليون ريال عادي ياخي مافيها شيء صحيح غاليه بس تستاهل سعرها هههههه الله يرزقنا الجنه xD


up 1 down 1
kaboom smash 646
قبل 12 سنه



اول العالم طفرانين والرواتب نازلة مظطرين ينزلون باسعارهم حتى المواد اللي تدخل في صناعه السيارة كانت رخصيه والتالي السيارة تصير رخيصة ماهي مثل الان الامور تغيرت وتحسنت ودخل بالسيارات التكنلوجيا وتطورت السيارات   والامور المادية صارت افضل من اول لعامة الناس


انا ما لحقت ذيك الايام
بس اللي أذكره ان الكامري موديل 2000 كانت ب56 الف سياحي
و مع هذا شريت كامري امريكيه فل كامل راعيها الاول شراها جديدة من قطر بنفس سعر السياحي عندنا
و السوناتا و الكيا كلارس كانت ب40 الف كاش
الحين حتى الكوري تكبر
الاكسنت ستاندر ب45 الف
الجيل اللي قبل تاخذها باقل من 35 الف


الله يكون بعون المحتاج


up 3 down 1
أبو نجوى 2442
قبل 12 سنه



كانت 12و14الف زمان تسوا الان 80و90الف  تغير كل شئ من الي كان يملك 10الف زمان التاجر فقط


up 3 down 1
mans 1937 222
قبل 12 سنه



كانت 12و14الف زمان تسوا الان 80و90الف  تغير كل شئ من الي كان يملك 10الف زمان التاجر فقط


up 0 down 2
mans 1937 222
قبل 12 سنه



ماقلنا شي بس اللي يجي يبيعك كراسيدا ماشي بالخمسينات ب 40 الف وش تسميه ؟


up 1 down 0
YASSER505 4174
قبل 12 سنه



كل شي يرتفع سعرها الا الرواتب ماترتفع

الاسعار تزيد 100%

والدوله تزيد الرواتب 5%




up 3 down 2
mr-medo7 400
قبل 12 سنه



الوالد معه كامري ٩٣. لومير v6  

على يده وكاله.  وماشيه حول ال ٤٧٠ 


وحنا في ٢٠١٣.  يعني لها ٢٠ سنه بالضبط

ومستحيل يفكر يغيرها لانه عارف كل مسمار فيها وكل ماجينا نهديه سياره جديده يرفض  مايبي الا موتره

السيارات القديمه تكرف وتعيش


up 2 down 2



نعيب زماننا و العيب فينا و ما لزماننا عيب سوانا


up 1 down 3
rashed 595 121
قبل 12 سنه



اقوال راحت المواتر الاوله حديد فى حديد السيارات الجداد فيابر تقول كرتون بوديه 


up 0 down 0
عاشق البلجيك 7
قبل 12 سنه



اسعار السيارات ترتفع وكذلك قطع غيارها وكل شيء ازداد سعره

لكن الرواتب ما زالت مثل ماهي

اغنى دولة وافقر شعب

حسبي الله ونعم الوكيل


up 2 down 0
sultan-q 466
قبل 12 سنه



كله من التجار الجشعين رفعوا الاسعاااار الله المستعان


up 0 down 1



ذيك الأيام ٣٠٠ ريال تصرف على بيت كامل
والان ما تكفي ٣ أيام

الله المستعان


up 0 down 0
راعي 87 67
قبل 12 سنه



عزيزي ارتفاعرأسعار السيارات يرجع لأسباب كثيرة أهمها اعتمادهم على المواد البلاستيمية بشكل أكبر والبلاستيك من مشتقات النفط الذي ارتفع سعره مثيراً مع بداية الألفية الجديدة!

أما بالنسبة لكثرة الخرابات وقصة صيانات الـ 5000 كيلو فهذه تسويقية لجعل المستهلك يعود لشراء قطع الغيار وتبديل الزيت مما يدر مال أكثر على الشركات.


up 0 down 0
iabdallahh 15
قبل 12 سنه



والله ان كلامك عسل وموضوع ممتاز  سبحان مغير الاحوال  كل ماتقدم بينا الزمن حنا نرجع ورا 


up 0 down 0
ولدجدة1 1238
قبل 12 سنه