هل الكمبريسر يفصل؟

إذا كان فورد فهو طبيعي يا يكون الجو مو حار كثير ويفصل عشان مايثلج المكيف أو يكون الفريون ناقص ف يفصل كثير وباقي السيارات الثانيه ما أدري عنها هل هي تفصل ولا لا بس إذا كان يفصل في الحر معناها الفريون ناقص شيك عند كهربائي وشوف

الكمبروسر يعتمد على الحساس الداخلي للسيارة بمعنى إذا صارت السيارة بارده من الداخل يبدأ يشبك ويفصل 

لكن إذا كانت السيارة من الداخل ساخنه بالذات بالظهر لمن توقف بالشمس تكون السيارة حاره نوعاً ما وكذا ما يفصل معاك الكمبروسر

أما إذا كان يفصل معك في كل الأوقات حتى مع الحر الشديد وإنت واقف بالذات فلازم تشيك على الفريون أو الحساس نفسه ,, آسف ع الإطاله

مشكورين وما قصرتوا

مايحتاج نوع السيارة لانه بالنهاية ... المكيف واحد بكل السيارات ،،،

مثل مكيف البيت اذا الحساس وصل لبرودة معينة يفصل

واذا انخضت البرودة يشتغل الكمبروسر

وهذي الحركة تريحه وما يستهلــك .. يطول عمرة الافتراضي

الكامري 2007 وفوق مافيها فصلة كمبوسر

لان الكمبروسر شابك على طول

فيها نظام بلف يفتح ويسكر

وتلاحظ في هذا الموديل ماتحس الكمبروسر يشبك ويفصل

المفروض في كل المكيفات سواء السيارة او حتى في المنازل لازم الكمبروسر يفصل
في البيت مثلا لو خليت الثيرموستات على اعلى درجة ماراح يفصل الكبمروسر
بالتالي يشتغل على طوووووووووول ولا يرتاح ويصرف كهربا
نفس الكلام ينطبق على السيارة اتكلم عن القديم وخبرتي فيه
ازا بطل الكمبروسر من الفصل معناه الثيرموستات تعبانة وتحتاج تغيير
والسيارات الجديدة ممكن يكون فيها حساسات وزي كدة

اخوي السيارات اغلبها تغصل والامريكي مع المشي يفصل واذا نقص الفريون بالامريكي يفصل كثير على غير عاده
اما الياباني عكس وانت واقف يفصل وانت ماشي يفصل اكثر والياباني حسب درجه الي حاطها بالواحد يفصل فترات تحط رقم2 يقعد فتره ويفصل فتره بسيطه
اما 3يطول وهو شابك ويفصل كم ثانيه ويرجع يشبك لانك حاط بدفع قوي اما4 مايفصل ويظل معلق سواء كنت ماشي او واقف والامريكي نفس الشئ
السيارتين كابرس90 والثانيه كورولا94 واي خدمه حاضرين

عندي هوندا اكورد ٢٠٠١ وعادي يشبك ويفصل معى المراوح

لكزس يشبك 10 ثواني ويفصل خمس ثواني بجميع الاوقات والاجواء
ما ادري طبيعي او لا
بس انا مخلي المراوح تشتغل مع السلف
يعني المراوح ما تطفي ابد

هذا موضوع مهم كان ودي نسمع من أهل الخبرة
هل الواحد يضع التبريد على أعلى درجة (التبريد مو المروحة) 
يعني هل الأفضل يخلي الكمبروسر يفصل ويشبك ولا شابك على طول
بحسب الاستاذ حسن كتبي لا تضع التبريد على أعلى درجة وريّح الكمبروسر لا تضغطه

الأخ إبراهيم أو إبراهيمي الكامري تفصل لو نقصت درجة البرودة، ولو كانت على أعلى شيئ ما تفصل 

انا معي كورولا 2006 وعندي نفس حالة الاخ (ملك الخطوط) يفصل ويشبك على طول مدري هل هو طبيعي ولا على وشك يخرب !؟

الكمبرسر يشبك ويبرد لين توصل الحراره زي ماهي مضبوطه داخل السياره والكمبرسر يفصل عند الصغط العالي 3 فوق اغلب السياره لاشديت لها يفصل الكمبرسر ويقلب الهواء بارد شوي مع رطوبه .. لين ماتريح المكينه ويشبك ويرجع يبرد اما سالفه ان الكمبرسر يشبك 3 ثواني وثم يفصل هذا معنى ان الفريون ناقص