أضف سؤال أو موضوع جديد          

السلف وطرمبه البنزين حكايه من البدايه الي النهايه .......

up 31 down 4
ماجد المطلق 10815
قبل 5 سنه و 8 شهر



.
صباح الخير او مساء الخير علي الجميع دون استثناء ....
حيا الله الجميع بصحه والعافيه .....
.

 السلف والطرمبه ................؟؟
.
السيارة ماتشتغل يقول لك المكانيكي سلف والاخر طرمبه بنزين .....
ممكن الطرمبه اذا خربانه مع كثرة التشغيل يخرب السلف ........
.
وشلون تعرف الطرمبه شغاله او لا .....؟؟؟؟
.
1 - بجانب البخاخات لي حديد ونهايته صاموله موصله مع البخاخات فك الصاموله وافتح السويتش .....
اذا جاك البنزين الطرمبه اكيد شغاله ولا تنسى ترجع الي وشد الصاموله .......
2 - اذا ماجاك بنزين اضرب على تانكي البنزين من تحت ولازم واحد يساعدك بتشغيل السيارة ان شاء الله تشتغل ...
اذا ماشتغلت هذا اكيد كتاوت .....
.
السلف اذا كان خربان ..........؟؟؟
.
اذا السلف خربان  والبطاريه جديده ماتشتغل السياره ( يعني افتح الكبوت شف عامود الكرنك او المروح يدور او لا ) 
 حاول اكثر من مرة بطريقة متواصله 5 او 6 مرات  بأذن الله تشتغل ممكن يكون دقمه السلف  ....
طريقة اخرى .....
وهي ان تضرب السلف بماصوره ويساعدك واحد  بالتشغيل  بأذن الله تشتغل ....
.
ملاحظه مهمه ........
.
بخصوص الطرمبه صارت معي ركبتها قبل 4 شهور تقريبا السيارة تاهو اسلاك الطرمبه ظاهرة من جهة الكفرالخلفي ...
السيارة ماتشتغل والسبب من الطرمبه ......
الميكانيكي بالصناعيه اسهل ماعليه ((  غير جديد  )) مالها فتره مغيرها جديد يامسلم .......
 لايضحك عليكم احد بالورش ممكن  فيش التوصيل للطرمبه دائما مايكون غير موصل تمام  او مكربن بسبب سوء التوصيل حاول ان تشده بيدك وغيرك يشغل السيارة  وبمجرد تركك للاسلاك تطفي وهنا السبب توصيل فقط لاغير .......
حدث معي مشكلة عويصه قبل 4 اشهر ماشتغلت السياره  الطرمبه كويسه والسلف ممتاز ولكن البخاخات لاتصب بنزين  ......؟؟
بعد جهد جهيد طلع السبب فيوز من الظفيره والكتاوت فقط .......
.
احتمالات وارده اذا ما شتغلت السياره .... طبعأ بجميع السيارات .... 
1 - الطرمبه 
2 - سلف 
3 - بطاريه
4- كتاوت البنزين 
5 - كتاوت البخاخات 
6 - كهرباء الضفيره ( فيوزات )
7 - بواجي اسلاك بواجي ( بليتين )
8 - حساس عامود الكرنك 
9 - برمجه المفتاح للسيارات الجديده
.
.
اتمنى انكم تستفيدون من الموضوع ... ولو بشكل بسيط ....
.
.
تحياتي واشواقي لكم ...
فاصل ونواصل غدا بمواضيع جديده
.
.
ابومطلق ....

.



















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يحيك اخوي ماجد
ماشاء الله دايم مواضيعك مميزه وفيها الفايده 
الله يجزاك خير


up 2 down 0
dub_r-50 372
قبل 5 سنه و 8 شهر



جزاك الله خير
والله موضوع متعوب عليه
مشكور يا خوي
ولك لاايك مني
سم


up 1 down 0
تركي ابومحمد 72
قبل 5 سنه و 8 شهر



شكرا لك  . . . . ولك احلى لايك .


up 1 down 0
الـقـنـاص 1213
قبل 5 سنه و 8 شهر



مشكور و ماقصرت .. بإنتظار جديدك .


up 0 down 0
الكاسر .. 911 . 755
قبل 5 سنه و 8 شهر



 50 dub 
ابومحمد
القناص
الكاسر
.
اسعد الله قلوبكم وأمتعها بالخير دوماً ....
أسعدنى  مروركم وتعطيركم هذه الصفحه
دمتم بلخير والعافية
لكم خالص إحترامى لكم 
.





up 2 down 1
ماجد المطلق 10815
قبل 5 سنه و 8 شهر



إبداع + طرح تجارب شخصية + حنكة في التحليل و المعُطيات + توصيف رائع و سهل للراغبين في التجربة = ماجد (أبو مطلق)

و لعيونك يا أبو مطلق قررت أدور ددسن (أبو عراوي) من 87 إلى 92 نظيف بس المصيبة يجيك واحد معاه 88 ماشي فوق نص

مليون و الحوض محلي = مصديً , و المكيف عطلان , و المراتب و السقف  تحتاج تنجيد ويقول سيم ب 15 ولا هو بحقه !!!!

أقول بالإذن المدير يناديني , كل الشكر لك يا حبيب قلبي و ودي أعطيك بدل اللايك 1000 , تقبل تحياتي .


up 0 down 0



بالننسبة لي انا شخصيا  اذا تعطلت سيارة فيها مشكلة اول شيء الكهرباء اشيك عليها 
وثاني  افكر بالقطع الاستهلاكية  وثالث واخيرا  قطع الغيار 


up 1 down 0
صوت العزاوي 527
قبل 5 سنه و 8 شهر



احبك في الله 

مواضيعك ممتازه 

بس عندي سوئال هل عندك حفره في بيتك ؟


up 0 down 0
فيليكس 205
قبل 5 سنه و 8 شهر



سبحان الله 

صارت لي مشكله ماتشتغل السياره الا بالنتع 

كلن يفتي من راسه 

برمجه مفتاح وسويته ومازبطت 

اخر شي طلع كتاوت 

يعطيك العافيهه يبو مطلق = )


up 0 down 0
fawaz__11 534
قبل 5 سنه و 8 شهر



لايك من البدايــــــــــــــة حتى النهايـــــــــــــــة ..

تسلم ياماجـــــــــــــد مواضيعك سنعه وشرحها وافـــــــــــــي


up 0 down 0
aziz..747.. 2422
قبل 5 سنه و 8 شهر



واضيف نقطه بعد اللي هو حساس الكرنك اللي يعطي اشاره للكمبيوتر بتوقيقت الاحتراق ..


up 0 down 0
م.بن عبدالله 2025
قبل 5 سنه و 8 شهر



ماشاء الله عليك _*_


up 0 down 0
عاشق البلجيك 7
قبل 5 سنه و 8 شهر



                                                                              


up 0 down 0
hussain.y.aburushaid 5
قبل 5 سنه و 8 شهر



نصيحه لحد يفك الطرمبه بنفسه ترى فيها خطوره الأفضل تاخذها متخصص وسلامتكم :)


up 0 down 1
kaboom smash 646
قبل 5 سنه و 8 شهر



الصراحه استفدت

خاصه من دقه السلف وبتاكد ممكن على كلامك دقمه السلف بشيك واشوف


up 0 down 0
كباب998 -23
قبل 5 سنه و 8 شهر



السلام عليكم
عندي فورد 96 مكينة صافية ولله الحمد لكن قبل قبل فترة ثلاث اشهر غيرت الطرمبة بالفيش حق الاول كان مصدي لكن نظفته بخاخ الصدأوركبت ووالحمدلله ماشية السيارة 
واليوم طفت السيارة كأن الطرمبة طرب اشريت طرمبة وركبت بالفيش الاول شغلتها استغلت لكن ما ان آكل حفرة او مطب صغير تطفئ هل تعتقد من الفيش


up 0 down 0
mohmmadjafr 19
قبل 5 سنه و 5 شهر



السلام عليكم ياخوان عندي فورد 97 كروان فكتوريا بعض المرات اكون معشق على d وواقف بالاشاره او زحمه يطفى الموتر وبعض المرات حت لو كنت 
على nاو الp هل اغير كتاوت الطرمبة مع العلم اني مغير طرمبة البنزين ومنظف البخاخات؟ وشكرا 



up 0 down 0



انا حصل معي نفس مشكلة ابوحسين طلعت المشكلة منالديلكوكل مااخذمطب تطفى السيارة


up 0 down 0
almunadi7
قبل 2 سنه و 3 شهر



عندي ددسن ٩٧ ادق سلف ماتشتغل للي يعرف ايش السبب يقولي 


up 0 down 0
صالح 6085
قبل 4 شهر و أسبوع