الاستماره وقروشه الوكاله
0
0
إضغط هنا للإخفاء
السلام عليكم ورحمة الله وبركاته
طبعا الحمد الله انا اشتريت سياره من الوكاله
وقالولي تستلمها بعد يومين وجيتهم بعد يومين قالولي الله يكرمكم عليها براز حمام ف طلبنا سياره تانيه من جده
وانا من سكان مكه " المهم انتظرتهم اسبوع ونص ع بال م جابو السياره واليوم شفتها في الوكاله واقفه وضللوها
وفرحت" دق عليا الموظف في العصر قالي المرور ماعندو استمارات م نقدر نخرج السياره
انا استغربت قلت كيف مافي استمارات قالي والله مافي استمارات في المرور قلتلو طيب والحل يعني نقعد اسبوعين كمان
قالي اذا حاب تاخد المعامله وتروح المرور وتطلب برنت استماره مؤقته ويدونك لوحات لما تجي الاستمارات..
دحين انا مو عارف ايش اسوي وفين اروح لانو بصراحه اول مره اسمع باستماره مؤقته
ياليت تفيدوني
وهل الشغله تطول ولا ماتاخد مني دقايق؟؟
مع اني مأمن وووضعي في السليم
وشكرا
إبلاغ
الردود
تاخذ برنت بدل اﻹستمارة
ﻻ تعطل نفسك
0
0
0
0
ياخوي ترى الاستمارة مجرد قطعة بلاستيك لاثبات المركبة .
انا اشتريت سيارة قبل 5 شهور وصارت معي والله مثل سالفتك
المعرض اعطوني السيارة وقالوا لي ترى تسجلت بأسمك لكن مافيه استمارات . وجيتهم بعدها بكم يوم واستلمت الاستمارة
انت اذا ماتبي تعطل نفسك خذ البرنت مطبوع فيه الاستمارة ورقم اللوحة والشاصي وكل شي ولما تجي الاستمارات يطبعون لك بيانات البرنت في الاستمارة وانتهت القضيه
الف مبروك الله يعطيك خيرها ويكفيك شرها
0
0
برنت ومختوم عليه وانتهيناةبس لازم انت تروح لهم بنفسك
وشف لك مرور قريب منك لانه اذا جيت بتطلع استملرة
بعدين لازم نفس المرور اللي طلعلك البرنت هو اللي يسويلك الاستمارة
لانها صارت معي كنت مطلع برنت من المعارض ورحت بطلع استمارة
من قسم السلامة بجدة ورفضووووو قالو لازم من المعارض لانه هو اللي سوالك برنت
ومبروووووك مقدما
والله يعطيك خيرها ويكفيك شرها
0
0
اليوم رحت الوكاله ع اساس اخد المعامله واروح المرور
قالي لا تتعب نفسك حتى لو جبت البرنت م اقدر اخرجلك السياره لازم الاستماره
عشان شريط الامان مدري ايش
المهم انا دخلت لمدير الفرع وفصلت عليه قلتلو ي ابن الحلال انتو عطلتوني وكل مره تعقدو الشغله
ابغى فلوسي وخد سيارتك وكفى الله المؤمنين شر القتال
المهم لمن شافني معصب قالي هدي ومدري ايش 'وقال في واحد اخد سياره ويعرف ضابط ومن دا الكلام
المهم اديتو مهله لمن يوم الاثنين م سلموني السياره راح اخد فلوسي
0
0
0
0
خذ الاوراق من الموظف و روح طلع اللوحات و يعطونك برنت مختوم بدل الاستمارة .
و بعدين ارجع للمرور و انت واقف ياخذ منك البرنت و يطبع لك كرت الاستمارة .
تتهنى فيها يارب .
قبل 12 سنه