أضف سؤال أو موضوع جديد          

افضل وقت مناسب للصيانة سيارتك واختيارك للقطع الاصليه

up 10 down 6
صوت العزاوي 523
قبل 8 سنه و 9 شهر



السلام عليكم ورحمه الله وبركاته    
ان شاء الله  تكونون بافضل حال جميعا 
طبعا ياخوان كانت عندنا لومينا 2004  والحمد لله افتكينا منها 
كانت حقت اخوي الصغير انغرينا بالسعر حالنا حال الجميع وبنهاية  حطينا الى ان اكتفينا وملينا منها
يعني الواحد يسافر  فاضي يقعد يصلح ويحط ؟؟ 
المهم  افضل الاوقات طبعا لا تحرمونا مشاركاتكم وراح اضعها بموضوعي تعديل  واذكر اسمك 

1_ حاول  تجي  بوقت مناسب  او اول وقت العمل  سواء  الصبح بدري او بعد صلاة العصر 

2__الي لاحضته يا خوان  على وقت نزول الرواتب  الشوارع زحمة والمحلات زحمة وللاسف المساجد فاضيه
يعني حاول تعمل صيانة للسيارتك منتصف الشهر  لان اغلب المحلات تكون خاليه من الزبائن وما عليهم ضعط
وتقدر  تتنااقش معه ب السعر   
 وايضا المكانيكي  بيتعاون معك لانه بيكون ما عنده شيء ياكله   بتالي  راح 
يرضى   لو بالقليل  وما يكون عندهم اازدحام   ما فيه مشكلة لو تخليها اكثر من يوم وبعضه يوقفها برى؟
4__ حاول انك ما تكون بكامل اناقتك  ما شاء الله بعضهم تشوفه تقول رايح للحفلة زواج بكامل زينته 
هذا صدقني لو يشوفك العامل حتى النصيحة ما يعطيك اياها ولا تستغرب لو يقولك تغير البواجي  بـ100 ريال
بالنسبة لي دايم البس  ثوب نوم اهم شيء اخلص منهم  
طبعا ياخوان اي واحد عنده ملاحضة على كلامي او شي انا حاضر واتقبل الكلام  ماني حساس وقلبي ما يستحمل
الكلام القاسي   واخيرا اعتقد الموضوع ما يناسب الي يعمل الصيانة بالوكالة 
وطريقة معرفتك للقطع الاصلية اولا يا خوان الفحمات  ثم الفحمات والفحمات ياخوان لاحد يستهين فيها
ونصيحة ركب اصلي وكالة ومااعرف طريقة اختياراها لانها متشابه بتكون  
وبالنسبة لي ططريقتي اختيار للقطع احاول قدر المستطاع اركب الاصلي ااذا استهلاكي بيكون سعره  معقول
بعاده لانه يكون عليه سحب عكس القطع الثانيه 
اطلب قطعتك الاصلية مقارن بها مع المحلات الاخرى ابعد قدر المستطاع عن الوكالة لانهم عارفين  انك ما حصلت
عند احدد  غيرك  واضطريت انك تروح لهم  والنتيجة سعر فلكي 
جب قطعتك الي تبيها الاصلية وجب درجة ثاني وقارن بها   من ناحية الوزن  واللون  وشكل القطعه 
بالنسبة لي اذا شفتها ما فيه فررقق بينها وبنت الوكالة اشتري درجة ثانية ودايم اشتري درجة ثانية وتمشي السيارة
والواحد كذا او كذا بكل الحالتين راح يشتري يضطر اصلي لانه يا بتخرب عليه  او ما راح تدوم 
واسف على الاطالة والاخطاء الاملائية لاني قاعد اففكر واكتب وشكرا لك جميعا 
وارجع للبيت عادي
 ملاحضه للسكودر 
 واحسن شي انك تعامل لك واحد ميكانيكي فنان  وانا بعتقادي اشوف ان الي تعامله 

 مصيره يقلب عليك تلاحض انه يسرقك وانت ماتدري  يعني لا تتعامل مع واحد  اقل شي 3 تتعامل معهم  



ضابط مرور في تبوك يقول جانا واحد يبي يجدد رخصته




وطلبنا منه صوره خلفيه بيضاء .. شف وش جاب الحبيب







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


احسن وقت يكون في وقت اجازه عندك علشان تفضى لها  ويكون الصباح بدري كذا تاخذ راحتك في قطع الغيار 

 وكلما جيت ورشه قالو براعيك ونصبح  بوجه الحلو   وتحصل العالم نايمه وتفتك منهم  ومن زحمتهم  

 افضل القطع الاصليه   واحسن شي انك تعامل لك واحد ميكانيكي فنان  وانا بعتقادي اشوف ان الي تعامله 

 مصيره يقلب عليك تلاحض انه يسرقك وانت ماتدري  يعني لا تتعامل مع واحد  اقل شي 3 تتعامل معهم 


up 3 down 0
سكودر 14928
قبل 8 سنه و 9 شهر



سكودر  صادق وا1كر كنت متعامل مع مكانيكي حيل حيل حيل   كل العائلة تصلح عنده واشتهر الرجال  واصابه مرض  واضطر يسافر
فترة طويلة    وشبع من الفلوس بعدد صار ما يشتغل لنا  ويصرفنا ويقول بعدين بعدين وبنهاية  تندمنا 
اخرتها صرنا نتعامل مع اكثر من محل  


up 1 down 1
صوت العزاوي 523
قبل 8 سنه و 9 شهر



اخوي صوت العزاوي انا  كنت اتعامل مع واحد   وقلت خلني اختبره  قلت له  بكم تصلح لي هذي مشكله قالي اول شي 150 ريال 

 قلت لا انت عارف اني عميلك ولزم لزم تراعيني  قال خلاص علشان انتا 130 ريال قلت طيب بروح واجيك اشوي 

 رحت عند ورشه ثانيه  وقالي شغل يدي 80 ريال قلت بيض الله وجهك بدون ماكاسره عطيته 80 ريال  حتى هو استغرب اني ماكاسرته 

 وبعدها سحبت على ذاك 


up 2 down 1
سكودر 14928
قبل 8 سنه و 9 شهر



سكودر خوينا ذا  الي   ذكرت لك قصته  وضبنا عنده السيارة ووللاسف مثل منت عارف اهم شيء تطبيق المكينة 
طبقها   وما ضبطها وطلعت تنقص زيت ومشاكل وكم مره جيناه ططلبنا يصلحها  بس ما يضبطها واستحينا منه 
وبنهاية راحت السيارة تشليح وهو ما خلصها ؟؟


up 1 down 1
صوت العزاوي 523
قبل 8 سنه و 9 شهر



صوت والله فيه بعضهم يقهرك  يفهم في شغله ومايفقه بشغله ثانيه والله يعينا على وروش وصناعيه 

 وحلوه قصه ضابط وصوره هههههههههههههه اقسم بالله مفهي  وعلى نياته 


up 0 down 0
سكودر 14928
قبل 8 سنه و 9 شهر



تسلم على الموضوع أخوي صوت العزاوي بالنسبه لي انا في حال صيانة السياره أو إصلاحها بالورش أختار الوقت اللي أكون فيه

متفرغ لمتابعت السياره منها اتأكد إنه ركب القطع ومابدلها ومنها أستفيد خبره من خلال متابعتي له في طريقة التركيب والإصلاح

وقطع الغيار فيه نوع يجي بنفس شعار الوكاله وهذا غالي وفيه نوع يجي صناعه ياباني درجه ممتازه لايفرق عن الأصلي إلا بالغلاف

الخارجي للكرتون وسعره أقل من سعر الوكاله مثل الركب (الجوزات) والأذرعه والعكوس والفحمات وغيرها الكثير


up 1 down 2
ابــو ســنــد 10639
قبل 8 سنه و 9 شهر



فيه صناعات كبيرة تدخل  بقطع الغيار وما هي شرط تكون بنفس  مصدر صناعه السييارة مثال بسيط 
قطع هونداي يجي صيني ويجي كوري   واذكر معي كامري فيه قطع امريكي الركب والاذرعه وزينه 
وانتبه اخوي من  كجلات القطع اذكر المكانيكي الي عندي ذكر اسم محل كبير ومعروف بشرق الرياض صناعيه السلي
يقول المحاسب للمكانيكيين كم تبين احط قيمة القطع امر بس؟؟؟ 


up 0 down 0
صوت العزاوي 523
قبل 8 سنه و 9 شهر



احب اضيف الي عنده عطل في سيارته يصلحه

قبل شهر واحد (محرم )

لأنكم ستجدون اختلافا كثيرا في اشياء كثيرة


نصيحة


up 1 down 3
مخاوي القايلة 258
قبل 8 سنه و 9 شهر



نصايح حلوه جدا 


up 0 down 1
يحيى السيد 541
قبل 8 سنه و 9 شهر



نعم اخوي مفيدة  وقلت كل الي عندي  ومن النادر الحين تلقى احد للخير يدلك !!
يمكن لو اني ناسخ الموضوع من احد دالمنتديات او  صحيفة سبق بيقدر احد عملي اكثر 
وشكرا لك من شارك وتفاعل معي 


up 0 down 1
صوت العزاوي 523
قبل 8 سنه و 9 شهر



رائع، الله يجزاك خير يا صوت العزاوي
أعجبتني كثيرا نقطة اختيار اللبس عند الذهاب للصيانة

كما أن أفضل وقت للصيانة و الشراء و البيع هو وقت الصباح دائماً 
و لا ننسى وصية الرسول صلى الل عليه و سلم
 ( بارك الله لأمتي في بكورها )

شكراً لك


up 0 down 1
أبو جـود 2747
قبل 8 سنه و 9 شهر



للتصحيح

صلى الله عليه وسلم


up 0 down 0
أبو جـود 2747
قبل 8 سنه و 9 شهر



كلام واقعي . وأشوف كثير مايبغا يعرف ان الي يستخدم بيده سيارة "ألــه .. تستهلك من أستخــــــــــدامنا

فلا ننكر ان 1- المحافظة بعقل + الاستخدام بعقل ،

ادري بقول واحد ليش تصعبها وتخليها الأثنيــن بالعقـــــــل ممكن نتلخبط ،

بس هذا لو عنده عقل كان فهمني ..


اصل الموضوع ......الثـــوب>> والـــــزي >>الوطنـــي >> ماهو للعمل والمناسبات فقط لكـــــــــل وقت ياجماعة الخير..


اما الي يلبـــــس شوب النـــ>>ــــوم بالمسجد يراجع نفسة بشكل عاجل و فوري بأقرب صيانة خخخخخخ ... بالتوفيق للجميع وتسلم ياذووق ع الموضوع


up 0 down 1
aziz..747.. 2421
قبل 8 سنه و 9 شهر



نسيت 2- الصيانة برضوا بعقل .. ..لبى عقولكم خخخخخ وقلبوكم


up 0 down 0
aziz..747.. 2421
قبل 8 سنه و 9 شهر



افضل نصيحه من نصايحكى الي هي انك تجي بلبس عادي قميص اوثوب مب مكوي لان المضهر مهم لانهم اذا شفوك ولد نعمه ولامفهي متعرف الاسعار اوتكاسر يصلخونك بسعر بس المشكله اذا سياراتك فخمه وانا اضيف نصيحه انك تسئل عن الاسعار في عدة ورش لان السعر يختلف بس لازم يكون الشغل بي نفس الطريقه والاتقان


up 0 down 0
نايف مجول القحطاني 376
قبل 8 سنه و 9 شهر