أضف سؤال أو موضوع جديد          

صيانة السيارات

up 0 down 2
mosfer alyami 774
قبل 9 سنه و 6 شهر



يا شباب مساكم / صبحكم الله بكل خير
يا ذيابه انا معي كيا اوبتيما 2009 , 2000 سي سي ,, وابغى اعرف سير التيمن او كراسي المكينه او الاشياء الي زي كذا في المكينه متى اغيرها ؟؟؟ علما ان موتري ماشي حول الـ 99 الف كم ,, ولا ادري هي قد تغيرت من اوول لانها استخدام الوالد بعدين انا اخذتها ,, ابغى اعرف وش الاعراض الي بتحصل للسياره اذا ما غيرت الاشياء الي ذكرتها فوووق
وش بيصير في السياره اذا ما غيرتها ؟؟
وانا ما عرف لذي السيارت ما اعرف الا لتايوتا بلشه والله ههههههههه
الله يسعدكم اتمنى ان تشاركوني في الموضوع ودمتم بوود ,,, اخوكم / مســفر اليامي







إبلاغ إبلاغ



الردود


والله ياخوي مسفر ودي افيدك بس ما اعرف عنها شي
اما التويوتا فما عليها كلام
والله يوفقك


up 0 down 1
سفاري-sfare 18
قبل 9 سنه و 6 شهر



سير التيمن علئ مية الف تغيره افضل 
كراسي المكينه افحصها اذا مستهلكة غيرها تراها رخيصه 


up 0 down 1
اقتنعت انك نهايه 231
قبل 9 سنه و 6 شهر



طيب و أنا عندي سؤال فوق سؤال الأخ الله يحفظه ....

سير التيمن متى أعرف أنه يحتاج تغيير ولو أشتريت السيارة مستعملة كيف أعرف هل هو تغير ولا ؟ كذلك زيت القير ؟


يا سفاري جزاك الله خير ومنور الموضوع ,, يا اقنتعت انك نهاية الله يعطيك الف عافيه المشكله اني ما الاحظ ع السياره شي هل يصدر صوت او رجة اذا ما غيرتها ,,, اتمنى الجميع يشارك


up 0 down 1
mosfer alyami 774
قبل 9 سنه و 6 شهر



سيارتي غيرة السير وهيا ماشيه 77 الف والسير ممسووووح مرره


up 0 down 1
os 5 -38
قبل 9 سنه و 6 شهر



(سير التايمن .وعدد 2 بكره داخلية .و1 شداد داخلي)
تغييرها اذا كانت ربــــــــل الافضل كل 80 الي 100 ألف كم ، أو حسب الاستهلاك منك وبفك صدر المكينة البلاستيك من الجنب مقابل الراكب والكشف عليه كم عمره واش استهلاك منه مثل سير المكينة الخارجي ..

الكراسي كمان بالكشف النظري وهي 3 ،، يمين للمكينة ، ويسار للقير ، وامامي للمكينة ،،


up 0 down 1
aziz..747.. 2421
قبل 9 سنه و 6 شهر



بشكل عام هذي كل 20 ال 30 ألف كم صيانة ضرورية ..

غطى الرديتر + بلف الحرارة غير بهذي الفترة ،
وتنظف بوابة الهواء وغير الفلتر الهواء
وتنظيف البخاخات وتغيير بواجي ،، وتغير فلتر البنزين وزيت المكينة والفلتر طبيعا . والمينزانية تحكم اش تسوي ومين اول.. هي ماهي غالية لاكن تعتبر فلوس هذا القصد


up 0 down 0
aziz..747.. 2421
قبل 9 سنه و 6 شهر



سير التايمن اذا انقطع عليك يعدم عليك البلوف يعني تفك راس المكينة وخرط و وجيه
كراسي المكينة اذا خربانه تسمع طقة في قومة السيارة واضحة اذا مافيها صوت مايحتاج تغيير


up 0 down 1
ابوسعد990 369
قبل 9 سنه و 6 شهر



عفوا بلف الحرارة اقصد بهذي الفترة الي انت وصلت لها 99 مو الـ20 ،، وغير موية اللرديتر أصلي أو موية صحة شرب


up 1 down 0
aziz..747.. 2421
قبل 9 سنه و 6 شهر



الاوبتيما 2000 سي سي 2009 مافيها سير تايمن فيها جنزير مايحتاج يتغير. غير فلاتر وبواجي وزيت الجربوكس وموية اللديتر وتوكل على الله ماتحتاج شئ ان شاء الله. عندي وحدة مثلها السيارة خدومة وصبورة


up 1 down 1
usamahar 25
قبل 9 سنه و 6 شهر



على فكرة ، الكــيا في صيانتها أسهل حتى من التويوتا ، افتح الكبوت وتشوف كل شيء واضح لا حساسات ولا خرابيط ،،
إذا كان السير حديد "جنزير" ما يحتاج يتغير ، وكراسي المكينة ما تتغير إلا إذا صارت تطلع صوت، غير الأشياء الاستهلاكية (سير خارجي/بواجي/فلاتر/....) وتوكل على الله،

وفقكم الله



up 0 down 0
أبو أحـــمد 2434
قبل 9 سنه و 6 شهر



فلتر هواء  قماشات فرامل امامية + بواجي +تغيير زيت دركسون وزيت الفرامل عن 
تجربة تحسن كبير في الدركسون والفرامل + زيت القير مع الفلتر تغييره ضروري 
سير المكينة + مويه الرديتر طبعا احسن نوع مويه مستوبيشي في حدود 50 ريال زيت 
الدركسون في حدود 40 ريال علبة تكفي وزيت الفرامل دوت 4 مستوبيشي 36 ريال 
نصيحة خذ من الوكيل الزيوت مباشرة اللي في السوق مقلد 


up 0 down 0
aburakan9479 148
قبل 9 سنه و 6 شهر



الله لايهينكم جميع وشاكركم ع الافاده


up 0 down 0
mosfer alyami 774
قبل 9 سنه و 6 شهر