أضف سؤال أو موضوع جديد          

زعلان من ساهر الحل بإيدك

up 11 down 6



السلام عليكم و رحمة الله و بركاته ,,,


أسعد الله أوقاتكم بكل خير حبايبي و اخواني , ساهر موضوع كثير يتكلمون عنه و يشتكون منه و يسبونه ليل نهار إلخ ...
حتى بعضهم من باب الطرفة يقول: سجلته من ضمن المصاريف الشهرية هههههههه لأنه لازم بشكل شهري تجيني مخالفة
أو مخالفتين !!! يا اخوان والله أنا أتفق معاكم بأن فيه شي من الإجحاف و الظلم في بعض السرعات الموضوعة يعني بخط 
سفر السرعة (120) الباصات أم 50 راكب ما يمشون 120 أنا كنت ماشي بخط 140 و قدامي باص أبو 50 راكب أقل شي
يمشي 160 !!!! بس وش نسوي ؟ الشكوى لله , بس في بعض الناس زودوها يعني قبل يومين أخوي رايح زواج للشرقية طبعاً
بين الرياض و الشرقية 400 كيلو دقيت عليه الساعة 5 العصر يقول توني ماسك الخط , المهم الساعة 7 و نص إتصل علي يقول
أبشرك توني داخل طريق الملك فهد بالدمام !!! يعني كم يمشي ؟ أقل شي 200 !!!!! و تبون ما يحطون لنا ساهر و ناخذ راحتنا
بالسرعات الجنونية !!!!!!! والله شوف عيني بالخط تلقى واحد معاه إكسنت أو يارس إلخ ... من السيارات الصغار و أقل شي 180
أجل اللي معاه مرسدس أو أودي المفروض يصفط الطبلون !!!! دام السيارات الصغار يمشون 160 و 180 !!!! والله يا اخوان السرعة
ما فيها بركة و أنا من نزل ساهر يا ربي لك الحمد ما جتني إلا مخالفتين أو 3 بالكثيييير !!!! ليش السرعة و ليش أصرف على صالح
ناقص ؟ خلوكم نظاميين و صدقوني بتفلس شركة (ساهر) و يلغون الكاميرات المتحركة و يصفون على الثابتة , يحكي لي واحد ولد أخته
يشتغل محاسب بساهر يقول بعض السيارات بالوردية الوحدة تصيد 200 مخالفة !!!!! لو حسبنا بالحد الأدنى بس اللي هو 300 تطلع الحسبة
200 * 300 = 60,000 ريال بوردية وحدة على سيارة وحدة غير السيارات الثانية و الكاميرات الثابتة يا حبيبي فلوس من تعبك و شقاك
و تروح لبطون ما تشبع !!!!!!!!!!!! عالعموم حبيت أنصحكم و اللي مُصر على السرعة الله يوفقك يا الحبيب و يستر عليك بس لا تشتكي 
وتقول ساهر سرقنا و ساهر طفرً فينا !!!!!! تقبلوا تحياتي .

همسة: ( لا تسرع , فلنفسك حق و لأهلك عليك حق و لأحبابك عليك حق)

محبكم &&& أبو طلال









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك سليم يابو طلال تسلم



up 0 down 0
flattah2 5
قبل 6 سنه و 2 شهر