أضف سؤال أو موضوع جديد          

أقتراحات بسيطه لمنتدى حراج السيارات

up 36 down 8
ابو يزيد 000 8712
قبل 8 سنه و 8 شهر



السـلآم عليكم ورحمة الله وبركاته

كيفكم عساكم طيبين

كيف اجواء البيت الحين , للي عنده اخوان يدرسوا

والله إنهم يكسروا الخاطر هههههه والله رحمتهم

لكن شدوا حليكم , وتخرجوا , وادرسوا الجامعه واتعبوا , بعدين بترتاحوا راحه قويه , وتتوضفوا وضيفه على كيفكم , بس يبغالها شدة حيل

____________________________

المهم :

عندي أقتراح وما أدري إذا أحد سبقني عليه , لكن انا بأقوله وان شاء الله محد كتبه قبلي

ليش ما تحذفون الدس لايك ؟

تخلون لايك فقط !!

يعني مثل الانستقرام , بس لايك , بدون دس لايك

إن عجبك الموضوع لايك , إذا ما اعجبك ما فيه تقيم

يعني فيه ناس تستفسر عن زيت الاكورد

هل هذا موضوع يشد الانتباه وبتروح تعطيه لايك ؟


ما بتعطيه لايك , لانه استفسار , لكن بعض الناس يصكوه بدس لايك 

طيب ليه ؟ هو قال شيء غلط



يعني الحين إحنا نبغا نرتاج من الدس لايك

نبغا بس زر واحد , اللي هو لايك فقط

والله بنرتاح , ويسير فيه تفاعل اكثر .. ونرتاح من ليش تعطوني دسلايك انا وش قلت ؟ ولا ... ياللي تعطي دس لايك إذا انت رجال قولي ليش عطيتني دس لايك ؟ ولا ..انا ما عاد بأكتب مواضيع لان فيه ناس همها تخرب المنتدى بالدسلايك , تلقى المنتدى لونه أحمر من هذولي الاطفال


فياليت تلغون الدس لايك , وتخلون لايك فقط
_______________________

اقتراح ثاني ..

الحين أنا عندي موضوع 


و في نفس الموضوع اقول هنا تركب القطعه , موضحه بالصوره

وأجي ابغا اضيف صوره عشان الناس تعرف وين تركب القطعه

و للأسف ما اقدر اضيف صور الا في نهاية الموضوع

ليش ما تخلون الواحد يضيف صور في أي مكان في الموضوع

ليش تخلونها في آخر الموضوع !!


أتمنى تسوون مثل موقع حراج تضيف الصور على كيفك في الاعلان للتسهيل وسرعه الفهم


_____________________


اقتراح ثالث : 

والله في مواضيع من ذهب , فيها فوائد الكثير غافلين عنها , مثلا , واحد اضاف موضوع عن حل لارتفاع حراره الجموس القديمه والكوابرس , والله ضيعته ونسيته , الموضوع في حل ممتاز جدا لمنع ارتفاع الحراره , الضاهر إنه يغسل شيء من المكينه في السنه مره , وتطلع الوساخه وتطلع الاشساء المتراكمه , ولا ترتفع الحراره ابدا , ولازم كل سنه تسويها مره , وما تكلف 350 ريال أعتقد


وموضوع ثاني عن شخص انقلب بجيب اف جي وعيا يشتغل , وقالوا الورش , المكينه يبغالها توضيب , واولاد عمه انقلبوا اليوم الثاني بشاص وعيا يشتغل , وقالوا لهم نفس المشكله , يبغالها توضيب , و راحوا ورشه ثانيه وجاء عامل و سحب الزيت من المكينه أعتقد , بمكينه لسحب الزيوت من داخل المكينه , وبعدها اشتغلت , وفعلا راحوا وودي الاف جي لنفس الورشه و سحبوا الزيوت اللي بالمكينه وشغلوا السياره واشتغلت


مو مثل هذي المواضيع حرام تنسى ؟؟

ليش ما تخلون في أول المنتدى , مواضيع مثبته عباره عن 10 مواضيع مثبته , تجدد كل شهر , عشان الكل يستفيد منها ....

والله فيه مواضيع من ذهب ويمكن أنا ما شفت الا 10% منها فقط بسبب إنها نسيت و لا احد يدري عنها الآن 

__________________________

اقتراح رابع :

إذا شفتوا عضو ممتاز و تشوفونه محرك المنتدى وعنده خبرات والكل يستفيد منه وينزل مواضيع بأستمرار

حطوا من جنب إسمه رمز نجمه , وأدعموه ب 250 نقطه ...

عشان يستمر في عطاءه ويحرك المنتدى ويخليه أفضل منتدى للسيارات 

وحتى لو كان موضوعه مخالف , رسالوه وقولوله , عدل موضعك , مثل منتدى مستعمل او نفس الاداره تعدله او تحذفه بدون خصم نقاط ...

__________________________

وبس , هذا علمي وسلامتكم ...

كان عندي اقتراح واحد , ويوم كتبت الاول جاء الثاني والثالث والرابع ...

و إن شاء الله , يطبق ولو واحد من هذي الاقتراحات , وما قلت هالكلام الا عشان يكون منتدى حراج , أفضل منتدى بالخليج , وان شاء يصل لأكثر من كذا

أعجبك الموضوع لايك , ما اعجبك دس لايك

وأتمنى من الاداره عدم حذف الموضوع لإن فيه فائده للمنتدى والاعضاء

واللي عنده أقتراحات يكتبها بالتعليقات لعل وعسا يتحسن المنتدى و يسير نمر ون

تحياتي لكم

محبكم : ابو يزيد











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ممتاااز جدا  أنا أؤيد إقتراحاتك 


up 7 down 5
سيزو 420
قبل 8 سنه و 8 شهر



وجاك الديس لايك ماشي طبلونه مع ان موضوعك ممتاز لاكن لاحياة لمن تنادي ؟؟؟ ولايك من عندي .


up 3 down 5
الكاسر .. 911 . 756
قبل 8 سنه و 8 شهر



والله هبلونا بالديس لايك ياشيخ واحد شكله حاقد علي دخل على مواضيعي وحطها كلها بالسالب ورى بعض ترى أن كنت حاسدني على النقاط ترى كلها نقاط بس الحسد على نقاطي ياكل حسناتك مثل ما تأكل النار الحطب يعني حتى الحسد وصل لأشياء تافهه يالييييل يازين الدنيا لولا الحسد والحقد 


up 3 down 5
kaboom smash 645
قبل 8 سنه و 8 شهر



يعطيك عافيه على موضوع والله اخوي هنا ناس مرضا نفسين  مشكله يدورن مواضيع قديمه  ويعطي دس لايك 

 موضوع له سنتين تحصله يقيم 


up 3 down 4
سكودر 14928
قبل 8 سنه و 8 شهر



ما تلاحظوا يا اخوان ان المشاكل في كل مكان حتا على الديس لايك واللايك !!! يالله حسن الخاتمة .


up 0 down 1
الكاسر .. 911 . 756
قبل 8 سنه و 8 شهر



المشاكل ملح الحياة ..... والديس لايك ملح المنتدى هههههههه .


up 4 down 1
الكاسر .. 911 . 756
قبل 8 سنه و 8 شهر



بارك الله فيك

اقتراح طيب

لكن للأسف ما أقدر أعطيك ﻻيك

وصورة الكريسيدا رائعة


up 3 down 5
مفقود 955
قبل 8 سنه و 8 شهر



والله مشكله ذا الدس لايك من جد

كل الردود جاها دس لايك !! ليش

ياليت لو تطبقون الاقتراح الاول والله لنرتاح

و شاكر لكم مروركم وكل كلامكم على راسي , وكل واحد عطيته لايك


up 2 down 6
ابو يزيد 000 8712
قبل 8 سنه و 8 شهر



كفو وكلامك وافي وكافي *_^


up 2 down 5
محمد الحارثي _501 3
قبل 8 سنه و 8 شهر



ابعكس المثل الي يقول (( خذ الديس لايك ولا تبالي ... فا إن الديس لايك .. ليس .. من شيم الرجالي )) ههههه .


up 2 down 2
الكاسر .. 911 . 756
قبل 8 سنه و 8 شهر



لك لاييك ي قلببي


up 2 down 4
ابو فيصل.8808 295
قبل 8 سنه و 8 شهر



انا معاك في جميع ما قلته بس انا اتمنى منك شي واحد انك تراسل الاداره بحكم انك منزل الموضوع وشوف اش ردهم وانشاء الله خير


up 3 down 3
sponcer 99
قبل 8 سنه و 8 شهر



معليش ما ودي احطمك لاكن ياما نزلت مواضيع بالغاء خاصية الديس لايك واللايك بعد وتعديل ومادري وشو لاكن ماصار شي بالعكس تعقد النظام اكثر من اول بسبب بعض المتهكرين للمواقع سببو زحمة ومشاكل للمنتدى والموقع !! فا اتمنا من كل قلبي تلقا اهتمام لموضوعك والله يوفقك .


up 1 down 1
الكاسر .. 911 . 756
قبل 8 سنه و 8 شهر



ابو يزيد  المنتدى ما يدخل علليهم ارباح وبالنسبة لهم ما في فايدة بس مجرد  وجاهة للزوار واتجذاب  زوار الموقع
  ماادري ليه ما هم راضين يتطورون !!
صدق والديس لايك ما في فايدة   واذا انت مأيد للكلام الشخص عطه لايك واعجاب مويد له وخلاص ؟
والمشكلة بعضهم واضيع قديمة يدخل عليها ويعطيك  ديس لايك بدون ما يقرا الموضوع حتى ليه طيب ؟
وعندي نقطة ثانية بخصوص تنزيل اكثر من موضوع باليوم  ياليت يشوفون لها حل ما هي معقولة 
الي نقاطه فوق الــ2000   نفس الي نقاطه ــ40 

اتمننى من الادارة تهتم في وسببب  تواجد المنتدى احنا   ترى   ولولا الله ثم لولانا ما ما شفت احد يدخل او يسئل عن مشكلته
وليت يشوفون حل للي يستفسر عن سيارته ويحط رجله  اقل شي يحط رقمه نسئله وش صار 


up 1 down 3
صوت العزاوي 523
قبل 8 سنه و 8 شهر



للأسف إدارة المنتدى غفلت عن نقطة مهمة وهي إن بعض الأعضاء القدامى بدون ذكر إسم يحاولون إنهم يخربون المنتدى وذلك باستخدام الديسلايك وخصوصا للاعضاء الجدد لأن نقاطهم قليلة ويقدروا يسلبوهم وبينهم إتفاقية والله أعلم حسب نظرتي وكل هذا إنتقام من إدارة المنتدى لأنها لم تلبي طلباتهم وبينتقمون بالاعضاء اللي نقاطهم قليلة وهذي سياسة خبيثة منهم لأن فيها ظلم للأعضاء الجدد واللي نقاطهم قليلة وبكذا يقدروا يمنعوهم من وضع مواضيع وردود فيمل العضو من المنتدى ويطلع وهكذا حتى يصبح هناك عزوف كبير عن المنتدى والحل من وجهة نظري المتواضعة إن إداردة تقدر تخرب هالخطط اللي اخذت منهم وقت وجهد كبير وذلك إنها تخلي اللي عنده نقاط سالب يقدر يضع موضوع ويكتب ردود وبكذا تكون صفعة قاضية بوجه هؤلاء الشرذمة وتخريب لخطتهم المكشوفة وسلامتكم


up 0 down 6
الولد السعودي -28
قبل 8 سنه و 8 شهر



^^^^^^^^ لاحول ولا قووة الا بالله ^^^^^^^^^
الي حاطين لي ديس لايك ي اخي ايش دخلك حسابي وبحط للرجال لايك ^^^^^
والله عاااادي حطوا ديس لايك بس يكون في سبب ^^^^^^^^^^



up 2 down 3
ابو فيصل.8808 295
قبل 8 سنه و 8 شهر



والله مثلي شفهم محطوني بالدس لايك قبل كنت 90 نقطه فوق الحين 11 نقطه تحت لاتبخلون علي باللايك ياجماعة ما اقدر الا ارد مرتين باليوم بسبب الديس لايك لاتنسوووني خلاص انا بصيح امنتك الله ماتقرا ردي الا ونت صاقعني لايك طلبتك مليت ماقدر انزل موضوع ولاشي


up 3 down 3
جيت بنتحر قالوا عوائل 27
قبل 8 سنه و 8 شهر



اقتراحاتك جدا ممتازة وتشكر عليها 
لكن المشكلة من الادارة والمشرفين همهم العمولات لان المنتدى مامنه ارباح لهذا موقع حراج اصبح مجرد موقع للاستفسارات في اغلبه


up 1 down 3
ابو عبدالله احمد 3530
قبل 8 سنه و 8 شهر



ما شاء الله يالكرسيدا
خصوصا على جنوط القراندي ......





و أفكارك بعد حلوة :-)


up 1 down 2
أبو نجوى 2443
قبل 8 سنه و 8 شهر



افكارك جميلة لـــــــــــــــــــــــــــــكـــــــــــــــــــــــــــــن 
"
"
لاحياة لمن تنادي 
"
"
لاحياة لمن تنادي 
"
"
لاحياة لمن تنادي 


up 2 down 2
شبح 600 sel 6082
قبل 8 سنه و 8 شهر