ضروري جدا الايجابه

ﻻزم تسدد المخالفات وﻻ ما يقدروا يعملوا لك تفويض

ومبروك مقدما

نعم بتسدد المخالفات لأنهم بيسجلون اسمك في الاستمارة مستخدم تحت اسم المالك الي هو شركة اليسر فهمت علي ... الله يعينك وتسدهم على خير أصبح أغلب الخدمات مرتبطه بالمخالفات .

دوبني قاري  ذا الموضوع 

.............................................

هلا والله منورين الموضوع ..
شخباركم طيبين ..








ليس لتشويه سمعة الشركة ولكن كتبت هالكلام من خلال تجربتي معااهم ,, وحتى ترو مدى نصب هالشركة ومدا جشعهااا في سررق العميل عيني عينك وفي اجبار وإلزام العميل على اشياء لايريدها








حبيت انصحكم ياشباب نصيحة اخوية لكم انتم ع شان تستفيدو وتفيدو غيركم .. وتفتحوو عيونكم وتفتحو وعيون الناس على هالشركة النصااابه








قبل فترة شريت من اوتو استار عن طريق شركة ( اليسر*) سيارة جديدة .. تقريبا قبل 6 - 7 شهور ..




طبعا لفت نظري لهم عروضهم مغرية وسعر السيارات عندهم اقل من سعرها فالوكالات ..




معا ان سياراتهم جديدة وزيرو بقراطيسها :) زيها زي اللي بالوكالات ونفس الضمان بالضبط بس الفرق ان سعرهم اقل من سعر الوكالات .. 








توكلت على الله واخذت سيارة من عندهم .. طلبت مواصفات معينة على حسب كلام مندوب مبيعات اليسر في معرض اوتو استار .. عددلي مواصفات السيارات اللي عندهم واخترت فـئة من الفئات اللي حددها الموظف ..




ولما جيت استلم السيارة اتفاجئت بنقص بعض المواصفات اللي ذكرها لي الموظف .. 
فـ استغربت وقلت له .. وين الاشياء اللي طلبتها ... 




قال هذه هي كذا تجي من الشركة ..
قلت له سلامات مو انت قلت لي فيها وفيها وفيها .. 
قال ايه بس هذي السيارة الحين جاتنا كذا ..الخ
المهم قلت له مو مشكلة عوافي خلاص باخذها .. واخذتها وجلست معي 6 شهور تقريبا




وقدر الله وجاتنا السيول في جدة وراحت سيارتي بالسيل ..
طبعا اللي صار امر الله وقضاء وقدر وخارج عن ارادتي 




رحت للشركة على اساس يعوضوني عن طريق شركة التأمين 
المهم قالولي قدرر السيارة وجيب لنا تقارير التقدير ..
قلت لهم ابشرو ..




قدرتها في شركة هونداي ( الناغي ) وطلعت السيارة (( تالف ))
رحت لهم بالتقرير على اساس انها ( تالف*)
قالولي ( شركة اليسر ) مانقبل خطاب الشركة .. خذ السيارة وودهااا على الورشة اللي متعاملين معاها = سيارة 2011 وادخلها ورشة سلامات !!




المهم رحت للورشة وبعد قالوووو نفس كلام الشركة (( تالف ))
رحت لشركة اليسر واعطيتهم التقرير الثاني من الورشة انها ( تالف )
الحين صار معي تقريرين واحد من شركة الناغي والثاني من الورشة حقهم :)




قالولي خلاص راجعنا بعد شهر ويصير خير ..
على اساس انهم يعوضوني بسيارة بديلة من نفس النوع او مبلغ نقداا ويقفلو عقد السيارة ( طبعا هذا على حسب كلام مندوب التأمين يعني ماجبت شي من راسي ) :)




المهم / رجعت لهم ( بعد شهر ) مثل ماقالولي :) 
قلت للموظف هاا بشرر وش صار : قال عليك دفع مبلغ للشركة وهو تقريبا 27 الف 
قلت انا ادفع !! ليش وعشان ايش !! سلامات إتأكد ياشيخ الله يصلحك قال انت فلان بن فلان قلت ايه قال عليك مبلغ 27 الف :(




قلت ليش ادفع والمفروض انكم انتم تعوضوني :)
قالو : اذا تبغى تقفل عقد السيارة ادفع الفرق بين اجمالي مبلغ السيارة معا الفوائد وبين المبلغ اللي جانا من التأمين ( كـ تعويض للسيارة )




قلت له كم مبلغ التعويض اللي جااكم : قال اول مرة ( 54 الف ) 
قلت طيب !!
قال مبلغ التعويض 54 الف .. وسعر السيارة معا الفوائد .. فوق الـ 97 الف ..
قلت طيب !!!!
قال تدفع الفررق بين مبلغ التعويض ( 54 الف ) وبين اجمالي السيارة ( 99 الف ) معا الفوائد:)
قلت سلامات ليش ادفع الحين انا المتضرر ولا انتم ؟؟ من المفروض اللي يدفع للثاني انا ولا انتم ؟؟




قال هذا النظام ,, قلت له هذا نصب عيني عينك :) يعني الحين اللي صار قضاء وقدر وخارج عن ارادتي وليس سوء استخدام مني حتى تجبروني على الدفع :) قال صحيح ولكن هذا النظام :( قلت امحق نظام 
قال فيه حل ثاني .. نشتريلك سيارة بمبلغ التعويض اللي هو ( 54 الف ) بس بشرط .. تكمل لنا نفس قسطك حق السيارة الاولى .. وتسدد لنا نفس اجمالي السيارة الاولى :( ==== قلت له وش السيارة اللي بلقاها بهالمبلغ اكسنت ولا النترا ؟؟ قال شف اللي تبي في حدود 54 الف وخذها ..
قلت له انت مستوعب الكلام اللي تقوله يعني اشتري سيارة قسطها فالشكرة 700-800 من غير دفعه وادفع قسط 1550 عليها هذا الحين انت تشوفه صح ؟؟ هذا بالله عليك عدل ؟؟ 
والله حرام وهالشي لايرضي الله ولا رسوله ولا يرضي عدوو ولا صديق :(




قال هذي الحلول اللي نقدر نخدمك فيها :)
قلت هذه مو خدمة هذا نصب عيني عينك :(
المفروض اقل حاجة يعوضوني بسيارة من نفس النوع 
او انهم يقفلو عقد السيارة ويعوضوني 
سيارتهم عندهم ومبلغ التعويض عندهم وش يبون بعد .. خلاص اقفلو عقد السيارة واذا لي حق اعطوني حقي واذا ماتبغو بكيفكم انتم وضميركم بس اهم شي اقفلو عقد السيارة كـ اضعف الحلول ولا ضرر ولا ضرار 




ياخي اقلها يصلحون لي سيارتي عندهم مبلغ 54 الف وهالمبلغ صرف لسيارتي يعني من حقي ومن حق سيارتي .. 
يعني المفروض اقل حاجة يصلحون لي سيارتي بهالمبلغ والباقي حلال عليهم ما ابي منهم شي ..




لكن هم مايبغوو غير اللي براسهم وبسس تبي تبي ماتبي كل تبـن وسوو اللي نبي .. يجبرو العميل غصب عنه يمشي على شروطهم حتى لو ان فيها سررقة .. ويرفضوو رأي العميل حتى لو انه صحيح مية فالمية .. مايبغو غير اللي براسهم .. مايبغو غير ينصبون العميل وعيني عينك .. 




المهم انا للحين معاناتي مستمرة معاهم .. واذا شفت ان السالفة كذا نصب في نصب .. مالي غير اشتكيهم وامري لله وخليها توصل وين ماتوصل ماعاد تفرق انا فيها فيها .. بس اهم حاجة ماينصبوني ويجبروني على حاجة انا ما ابيها 




اتمنى انكم ماتغلطو وتشترو من نفس هالشركة لأنهم نصااااااااااااااااابين ياناس نصااااااااااابين 
واتمنى انكم تنصحو خوياكم وكل واحد تعرفوه .. وحتى اللي ماتعرفوهم .. اتمنى انكم تنصحوهم .. وتنبهووو الناس من هالشركة النصابة 




الله لا يوفق هالشركة ولا يوفق راعيها على هالنصب اللي عايشين فيه ..

ونفسها شركة تأجير قد قريت عنها نفس مشكلة اليسر .

اغلب شركات التقسيط وشركات التأمين نصابين هدفهم المال فقط والعميل اخر همهم ﻻذمه وﻻ ضمير وﻻ يوجد جهه تحاسبهم  واذا اشتكيت تقعد سنين وانت ما خذيت حقك واذا انت ما سددت سحبو سيارتهم وحبسوك بالمبلغ الباقي 
ما نقول غير حسبي الله ونعم الوكيل 

معذورين شركات التأمين 
لان النظام معهم دائما 
وضد المواطن