استفسار بسيط خارج مجال السيارات

والله ماادري عن الثنتين .. لكن بقولك شي وهو عن تجربة اختر التخصص اللي انت تميل له وتحس انك راح تبدع فيه .. 
وبالنسبة للرزق على الله يعني ماينقاس بشهادة او تخصص .. اهم شي توفيق رب العالمين .. اتمنالك التوفيق 

انا مانصحك بتمريض الان صعب التوظيف ممكن السجلات الطبيه  افضل  العدد قليل
واذا تبي مستقبل افضل وبجميع الدوائر الحكوميه و الشركات علي نظام التامينات
عندك كليه التقنيه مستقبلها جدا جدا ممتاز وعندك تخصصات عديده 
تختار الي يناسبك ....
والله يسهل امرك وامر المسلمين
وموفق خير

خذلك بالكلوريويس افضل

انا موظف بوزارة الصحة من الحين انصحك لاتتجة للتمريض او الوظائف الصحية وذلك لعدة اسباب :

قبل فترة نزل تقرير عن كفاءة الشباب والبنات في التمريض طلع الشباب فقط 20% اما البنات 80% وبذلك تبقى فرص الشباب ضئيلة في التوظيف لأن بيني وبينك اغلبهم ماعنده الا الترزز والمجموعة الثانية يبون العمل الاداري .

الوظائف الجديده في وزارة الصحة راح تكون على نظام التشغيل الذاتي فقط والتجربة ثلاث سنوات وبعدها تترسم ولكن ترسيم اي كلام بمعنى مصيرك بيد مديرك وسبع محاضر بالسنه يفصلونك ..

بيئة العمل بوزارة الصحة والمستشفيات مررره ممله وماتصلح للعمل وانجس خلق الله تحصلهم ماسكين الامور الادارية والمالية ...

لذلك انصحك تكمل الجامعه لأن بيني وبينك هالايام اللي مامعه شهاده ماراح يحصل الا عسكرية فقط .. كذلك لاتجعل تعب سنتين او ثلاث بالدراسة مجال توظيفة في جهه واحده فقط ..

انا معك في حالة واحده فقط وهي انك تدرس الطب رواتب خياليه اول مربوط 25 الف ..

عندي واحد من اخواني بعمرك تخرج قبل سنه وقال بدخل تمريض ونصحته لايجي عندنا وشفة الحين يدرس هندسه بجامعة حائل رغم انها تبعد عن الديرة 900 كيلو ولكن مستقبلة اهم والهندسه مستقبلها مضمون

حبيبي أبو مطلق أنا ما أنصح أحد بالكلية التقنية والله ثم والله إن كلية التقنية مثلها مثل الثانوي أو أقل !!!!!!! أنا أحد ضحايا الكلية

التقنية تخرجت بمعدل ممتاز 4,50 من 5 والله إني كنت متفوق بالكلية و كنت منضبط ولا فادتني الشهادة مجرد إسم (شهادة) مع

إني ماخذ شهادة (تفوق و شكر) بس كلها ما تسوي شي الشركات ما يثقون بمُخرجات الكلية , آخر شي توظفت بشركة عن طريق

معارف يعني لو إني ما درست الكلية كان أحسن على الأقل وفرتً سنتين ونص من عمري و إشتغلت فيها .

الدبلوم معاد يوظفك ..
اذا بتدرس تمريض خذلك بكالريوس هو الي ينفعك 

في عندك معهد الإدارة كويس , أعرف واحد زميل لي تخرجً منها و إشتغل ببنك (ساب) أول مربوط 9 آلاف وهو توه متعين ما عنده

لا خبرات ولا غيره !!! بس دراستها صعبة و كل شي بالإنجليزي إذا بتشد حيلك إدخلها , و ترا حتى الحكومة توظف الخريجين منها

لأن سمعتها كويسة و المُخرجات عالية , بس أهم شي تكون قد الصملة لأن فيها ضغط و كرف بس آخر شي بتذوق الشهد .

كل الي درسوا تمريض يواجهوا صعوبة في الوظيفة

وما في مستقبل الراتب 3000 - 4000 ريال بالكثير ولا تتوقع مع طول الخبرة يزيد إلا إذا توظفت بالحكومة وهذا بواسطة فقط

دام التمريض وضعه زفت حطيتا عليه اكس

طيب ياشباب سجلات طبيه ... كيف وضع الوظيفه ؟ والراتب؟ والدراسه سهله او صعبه

عبدالله صالح... طيب وش تنصحني ادخل بمعهد الادارة؟ اي تخصص؟ وانا تمام  بالانجليزي يعني الللغة مو مشكله 




ابو ناصر ... كم مدة دراسه الطب؟ ٧ سنوات او ٥ سنوات؟ وهل الدراسه صعبه وتعقيد او سهله؟




ارسل رساله خاصه ... وش راح تكون طبيعه وظيفتي؟ وكم مدة الدراسه؟ 

ماجد المطلق... اخوي الكبير متخرج من كلية التقنية كهرباء وما لقى وظيفه واحين يدرس تبع شركة من جديد ... باختصار ضيع من عمره سنين وشوي ع الفاضي وهي ترى ارزاق ....

اذا على معهد الادارة اخزي يدرس فيها ويقول قسم التامين بحسب نصح الدكاترة له الله يوفقك

واحد يقول كلية تقنيه وواحد حرس ملكي وواحد راتب الممرض من ٣٠٠الى اربعه ليه فلبيني يووم ياخذ ٣٠٠٠ اخووي فني مختبرات معاه دبلووم مجتمع ويصك ال١١ حبيبي  استخير ولا تضيع عمرك نصيحه وادرس جامعه وابعد عن الشركات بعد الثراء عن النجوووم والله ماتفيدك الى شهاادتك وتب نصيحه من اخ بادلك ع تخصص في الجامعه واذا ماتبيه التخصص ذا ادخل اي تخصص يفيدك في مجالات كثيره اللي هو تربيه خااصه ذا يفيدك في وزارت التربيه والتعليم والصحة والتاهيل الشامل ووو اقل  شي يفيدك في اربع مجالات انا كنت في شركة الكهرباء اخت فيها سنه حق التدرج وطردوني وكويس انها جت منهم اوول شي انهم محتكرينك لهم يعني يدرسوونك دبلووم و اذا جبت معدل مره عااالي خلووك تكمل واذامااجبت تجلس طوول  دراسه اذا تبي يعني بكلوري واذا معدلك متوصط تجلس فني   المهم وعرفت سيااست الشركات بعد ايش  وقدمة على اراامكو وقلت لعل وعسى وانقبلت وكل شي في برنامج التدرج  وقلت ما ابي انكب خليني اسال عنها وساالت ولد خاالي قلي نصيحه والله ماترتااح فيهااا وروااتبها مااعادت زي اول قريت عنها كثيرر كثير وسالت ناااس واخر شي قلت والله ب اروووح جااامعه والحين الحمد لله ادرس ب الجامعه وعلى الله وابي اووضحلك حاااجه قبل لاتتخذ قراارك اساال عن اللي تبيه بس مااتسال كل من هب ودب اسااال اللي مجرب لان فيه ناااس عنصريين واخر شي اعتذر ع الاطاااله واعتذر ع الكتباابه اذاا فيها شي غلط ولا متشابكه لاني اكتب من الجوااال وسامحونا ع القصور

اخوي  كلية التقنية  اسمك متدرب واسم مدرسك مدرب 
انت متدرب شهادة تدريب   ماهي نفس الجامعة 
وخلك على الجامعة افضل وشي الي يناسبك ويريحك وتذكر
التخصص الصعب هو المطلوب 
وناس تقول كلية لتقنية مرغوبة اكثرة من الجامعة الدبلوم مطلوب كلام عشو مجلس الشورة