فل اوبشن.. للبيع فل كامل.. كله كامل.. وبالاخير ستاندرد

6 0

لايمكنك التصويت حتى الحصول على 20 نقطة على الأقل
إضغط هنا للإخفاء

aldossariaim 80
قبل 12 سنه

السلام عليكم ورحمة الله وبركاته

بحاول اختصر السالفة

انا اتكلم عن اغلب السيارات ذات الحجم المتوسط والكبير، وبعض السيارات ذات الحجم الصغير

مصيبة اذا جاك واحد يبي يبيع موتره، ويحاول بقدر المستطاع انه يكتب ميزة تميّز السيارة عن غيرها
يختصرها بكلمة: فل اوبشن، وفي رواية اخرى: فل كامل (وهو مايدري اصلاً ان "فل" كلمة انجليزية Full تعني "كامل" فمايحتاج يكررها بالعربي).
بالاخير تجد السيارة فيها حساسات فقط، لا غير! لا، وبعضها بدون حساسات ومع ذلك يقول فل اوبشن.
لا نفقيشن، لا شاشة متعددة المعلومات، بعضها بفتحة سقف وبعضها لا، زينون او بدون زينون، لمبة المرايات للإشارة او بدون
لا كشافات الضباب
شبابيك يدوية او نص كهربائية
لا تيربو، ولا حتى تبترونك

واحد جاي يقول مطلع موتر جديد وكالة فل اوبشن ومواصفات قوية، اوكيه ماشاء الله جعلها مباركة، لكن لمن ننظر عن قرب نلقاها مهب فل اوبشن، وابو الشباب مُصِر انها فل اوبشن

بالاخير هي اصلاً مهب فل اوبشن

اخواني، اللي يبي يشتري سيارة حتى لو كانت وكالة، لا ينضحك عليه وينقال له "والله هذي فل اوبشن سعرها كذا" ثم يشتريها وبالاخير مايجد فيها تلك المواصفات، مع الخيل ياشقرا مش حالك على قد لحافك
بتقول "والله على قد الفلوس"، خلاص اجل لا تقول فل اوبشن، على الأقل قل نص فل ماعدا كذا وكذا
وحتى اللي يبي يبيع سيارته، لا يكذب في المواصفات

والله انه شي يفقع المرارة، مللنا من الاهمال في الجودة ومصداقية المعلومات

وسلامتكم

إبلاغ

الردود