أضف سؤال أو موضوع جديد          

وش الحل مع هالناس

up 8 down 3
abo tawfiq 372
قبل 8 سنه و شهر



السلام عليكم ورحمه الله وبركاته .

كيف حالكم شباب عساكم بخير .


ياجماعه الخير لاحظت مشكله في اكثر اعلانات الموقع وللاسف المشكله مو من صاحب الاعلان .....,

المشكله من الناس الي تدخل الاعلان .......,

المشكله هي ان صاحب الاعلان ( وانا شخصيا سويتها باعلاناتي ) كاتب ( مالي رغبه بالبدل ) ...,

يجون بعض الناس يقول اذا لك بالبدل راجع اعلاني ؟؟؟؟؟؟؟؟؟؟؟؟؟؟؟؟؟؟؟؟؟

والمشكله يجي بعده اربع وخمس يقولولك ( اذا لك بالبدل راجع اعلاني ) طيب والكلمه الي كاتبها صاحب الاعلان 

انه ( ماله رغبه بالبدل وين راحت ) ؟؟؟؟؟؟؟؟؟؟؟؟؟؟؟؟؟؟؟

واحيانا يكون مكبر الخط او ملونه , وبرضه يجي بعض الناس يقولولك اذا لك رغبه بالبدل راجع اعلاني ....

والله شيء يقهر .

واحيانا تكتب في الردود ان مالك رغبه بالبدل وبرضه تلاقي تحت ردك خمس ردود يسالوك لك رغبه بالبدل .

حبايبي يمكن البعض يقول اني مكبر الموضوع ومسوي سالفه طويله عريضه لاكن انا من وجهت نظري انها مشكله , 

انك تقعد تكتب الاعلان وتوضح مميزات وعيوب السياره وتكتب ( وفي بعض الاعلانات شفتهم مكررينها ) انه 

مالهم رغبه بالبدل وللاسف يجون ويكتبون اذا لك بالبدل راجع اعلاني ؟؟؟؟؟؟؟؟؟؟؟؟؟؟

انا من رايي انه الاداره تسوي في نفس شروط الاعلان انه ( لك رغبه بالبدل - ليس لديك رغبه بالبدل )

يصير اي ردود تجي تطلبك بالبدل وانت حاط ( ليس لك رغبه بالبدل ) تنحذف مباشره اما اذا حطيت 

( لك رغبه بالبدل ) تجيك الردود الخاصه بالبدل بدون مشاكل .

اخواني اذا عندكم حلول ثانيه تشاركونا فيها .

وكذلك اخواني نفس الكلام بالنسبه للي تكتب انا ( مجرد معلن ) يجون ويسالونك السياره فيها رش - فيها صدمات 

والمشكله انك كاتب رقم صاحب السياره وكاتب اي استفسار اتصلوا على صاحب السياره .

لكن للاسف برضه يجون في الردود ويسالونك عن السياره ؟؟؟؟؟؟؟؟؟؟؟؟؟؟؟؟؟


اسف على الاطاله وصلى الله وسلم على نبينا محمد .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ريح راسك والغي الردود

اصلا الردور لو فتحتها راح تخرب ع السلعة

لان مايرد الا اللعاب والغير جاد ... (( الجاد يتصل ))






up 2 down 2
TA CARS 854
قبل 8 سنه و شهر



ابو محمد   بالعكس لو يكون على العام السوم مع رقم الجوال افضل علشان يكون على بينيه وكل شيءء واضح 
بعضهم يسحب راعي السيارة للخاص ويقنعه باسلوبه وكلامه انه يشيل اعلان السيارة على اساس انه بيشتري واخرتها يهون 
انا اشوف السوم على العام افضل ومنها  الزود تطلب واشوف لو تحط حد افضل بعد  وششيء مقنع 


up 2 down 1
صوت العزاوي 523
قبل 8 سنه و شهر



والله حقيقه مالهم حل والمشكله غير موضوعك اللي ذكرته برضو تكتب البيع كاش ولا أقبل بالتقسيط ويجيك ناس يردون ويقولون تبيع الموتر تقسيط



up 0 down 1
هـاجـس الـشـعـر 138
قبل 8 سنه و شهر



ياخوك هالموقع لجميع اطياف المجتمع ,,, رجال ونساء ..صغار وكبار ..عقلاء وملاحيس ,,

نفسيات واسوياء ..

مراهقين وناضجين ..


فالحل الوحيد انك تطنش ..


لان هالمجتمع اصبح 80 % منهم نفسيات وتجدهم يدربون روسهم في الشارع والبيت والعمل والسوق وحتى في المساجد ..

من راقب الناس مات هما ..

طنششششششش تعيش سعيدا ...


up 2 down 0
meezar 221
قبل 8 سنه و شهر



ههههههههههههههههههههههه
طيب وش رايك بالي يسوم بمبلغ ويجيك واحد بعده يسوم بمبلغ اقل  ؟؟ 


up 0 down 0
ابواحمدالشرقية 48
قبل 8 سنه و شهر



ابو احمد هذا تمنعه من الرد وتبلغ الاداره




up 0 down 0
بـو سـارة 179
قبل 8 سنه و شهر



موضوعك يذكرني بالي يكتب مالي حد
يجيه 100 احمق يقول كم حدك
يرجع يقول لايوجد حد ويجي 200 غبي يقوله كم حدك
هذولي الي ودك تفرشهم


up 0 down 0
lio45 74
قبل 8 سنه و شهر



أنا من رأيي ، إنك تشوف إعلانه ، وقد تنوي البدل وذلك لأســباب أخرى ، يعني أنا كنت رافض البدل ، ولمن عرض علي واحد البدل فكرت أوافق ، لأن سيارته أسرع في البيــع في الســوق


وفقك الله


up 1 down 0
أبو أحـــمد 2434
قبل 8 سنه و شهر